GMT+7 14/12/2017 17:09

ສານປະຊາຊົນ ສະເໜີຮ່າງກົດໝາຍວ່າດ້ວຍຜູ້ພິພາກສາ

 

 

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ VIII ພາຍໃຕ້ການເປັນປະທານຂອງ ທ່ານນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ໃນວັນທີ 10 ພະຈິກ 2017 ນີ້, ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ໄດ້ນຳສະເໜີຮ່າງກົດໝາຍ ວ່າດ້ວຍຜູ້ພິພາກສາ, ເຊິ່ງເປັນກົດໝາຍສ້າງໃໝ່ ປະກອບມີ 12 ພາກ 10 ໝວດ 58 ມາດຕາ.


ພາຍຫລັງທີ່ປະທານກອງປະຊຸມ ມີຄຳເຫັນເຈາະຈີ້ມ ໃສ່ຮ່າງກົດໝາຍດັ່ງກ່າວ, ເພື່ອເປັນທິດທາງ ໃນການປະກອບຄຳຄິດຄຳເຫັນແລ້ວ ບັນດາສະມາຊິກສາພາແຫ່ງຊາດ ກໍໄດ້ສຸມໃສ່ປະກອບ ຄຳຄິດຄຳເຫັນ ເພື່ອເຮັດໃຫ້ ຮ່າງກົດໝາຍດັ່ງກ່າວ ມີເນື້ອໃນຄົບຖ້ວນ, ຮັດກຸມ ແລະ ສາມາດນຳໄປຈັດຕັ້ງປະຕິບັດ ໃນຂັ້ນຕໍ່ໄປຢ່າງມີປະສິດທິຜົນ ໂດຍໄດ້ເນັ້ນໜັກກ່ຽວກັບຄຳນິຍາມ ແລະ ການອະທິບາຍຄຳສັບ ໃນກົດໝາຍ, ຈັນຍາທຳ, ຄວາມຮັບຜິດຊອບ ຂອງຜູ້ພິພາກສາ ໃນການດຳເນີນ ແລະ ພິຈາລະນາຕັດສິນຄະດີ, ມາດຖານເງື່ອນໄຂ, ສິດ, ໜ້າທີ່ຂອງຜູ້ພິພາກສາ, ຫລັກການພື້ນຖານ ໃນການຄຸ້ມຄອງຜູ້ ພິພາກສາ ແລະ ບັນຫາສຳຄັນອື່ນໆ.

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)