GMT+7 24/10/2017 05:41

ອິສຣາເອລຍົກຍ່ອງ ສະຫະລັດລາອອກຈາກຍູເນສໂກ

 

 

ລັດຖະບານອິສຣາເອລສະແດງຄວາມພືງພໍໃຈເປັນຍ່າງຍິ່ງຕໍ່ການທີ່ສະຫະລັດປະກາດຖອນໂຕຈາກການເປັນສະມາຊິກຍູເນວໂກ ແລະ ຍືນຍັນຈະປະຕິບັດຕາມພາຍໃນອານາຄົດອັນໃກ້ນີ້ນຳ

 

ສຳນັກຂ່າວຕ່າງປະເທດລາຍງານຈາກກຸງເຍຣູຊາເລມ ປະເທດອິສຣາເອລເມື່ອວັນ 13ຕຸລາວ່າ: ທ່ານນາຍົກລັດຖະມົນຕີເບນຈາມິນ ເນທັນຍາຮູ ກ່າວເມື່ອວັນພະຫັດວ່າສະຫະລັດໄດ້ຕັດສິນໃຈຍ່າງກ້າຫານ ແລະ ເປັນໄປຕາມຫລັກ ຈາລິຍະທຳ ໃນການລາອອກຈາກການເປັນສະມາຊິກອົງການສຶກສາວິທະຍາສາດ ແລະ ວັດທະນະທຳແຫ່ງສະຫະປະຊາຊາດ (ຍູເນສໂກ)  ແລະ ເຂົາໄດ້ມອບຫມາຍໃຫ້ກະຊວງການຕ່າງປະເທດກຽມດຳເນີນການເຊັ່ນດຽວກັບລັດຖະບານ ວໍຊິງຕັນແລ້ວ

 

ທັງນີ້ເນທັນຍາກ່າວຕໍ່ທີ່ປະຊຸມສະມັດຊາໃຫຍ່ສະຫະປະຊາຊາດ (ຍູເອັນຈີເອ) ໃນນະຄອນນິວຍອກເມື່ອເດືອນທີ່ຜ່ານມາວ່າ: ຍູເນສໂກກຳລັງເຜີຍແພ່ປະຫວັດສາດອັນຫລອກລວງ ດ້ວຍການຂື້ນທະບຽນໃຫ້ເຂດເມືອງເກົ່າ ອັລຄາລິລ ແລະ ມັສຍິດອິບຣາຮິມ ຫລື ສຸສານນັກບວດອັບໜາຮຳ ຕັ້ງຢູ່ໃນເມືອງເຮບຣອນ ທາງຕອນໃຕ້ຂອງເວສແບັງ ເປັນມໍລະດົກໂລກທາງວັດທະນະທຳ ແລະ ມໍລະດົກໂລກທາງວັດທະນາທຳທີ່ກຳລັງຕົກຢູ່ໃນພາວະອັນຕະລາຍ ໃນການປະຊຸມເມື່ອ ເດືອນກໍລະກົດທີ່ຜ່ານມາ

 

ຂະນະທີ່ທ່ານອດນນີ ດານອນ ເອກອັກຄະລາຊະທູດອິສຣາເອລປະຈຳຍູເອັນ ກ່າວວ່າ: ການຕັດສິນໃຈດັ່ງກ່າວຂອງລັດຖະບານວໍຊິງຕັນຄືການຕອບໂຕ້ກໍລະນີຍູເນສໂກເລືອກປະຕິບັດຕໍ່ອິສຣາເອລ ແລະ ເປັນການກະຊັບຄວາມສຳພັນ ລະຫວ່າງສະຫະລັດກັບອິສຣາເອລສູ່ລະດັບແຫນ້ນແຟ້ນຍ່າງທີ່ບໍ່ເຄີຍເກີດຂື້ນມາກ່ອນ ດ້ານຍູເນສໂກອອກຖະອຫລງການສະແດງຄວາມຜິດຫວັງເປັນຍ່າງຍິ່ງຕໍ່ການຕັດສິນໃຈຂອງລັດຖະບານວໍຊິງຕັນ

 

ແນວໃດກໍ່ຕາມການລາອອກຈາກການເປັນສະມາຊິກຍູເນສໂກຂອງສະຫະລັດໃນຄັ້ງນີ້ ເຊິ່ງຈະມີຜົນຍ່າງເປັນທາງການໃນວັນທີ 13ທັນວາ 2561 ບໍ່ແມ່ນຄັ້ງທຳອິດ ຍ້ອນກັບໄປເມື່ອປີ 2527 ປະທານາທິບໍດີໂຣນັລ ເຣແກນ ຜູ້ນຳສະຫະລັດ ໃນເວລານັ້ນນຳສະຫະລັດອອກຈາກຍູເນສໂກ ດ້ວຍເຫດຜົນວ່ານະໂຍບາຍບາງຂໍ້ຂອງຍູເນສໂກແຝງໄປດ້ວຍຄວາມຄິດຕໍ່ຕ້ານອາເມລິກາ ກ່ອນທີ່ປະທານາທິບໍດີຈອດຣ ດັບເບິລຍູບຸຣ ຈະນຳສະຫະລັດສະຫມັກກັບ ເຂົ້າມາເປັນສະມາຊິກ ເມື່ອປີ 2545 ແຕ່ສະຖານະການກັບມາຕຶງຄຽດອີກຄັ້ງຕັ້ງແຕ່ປີ 2554 ເມື່ອລັດຖະບານວໍຊິງຕັນສະໃຫມປະທານາທິບໍດີບາຣັກ ໂອບາມາ ລະງັບການມອບເງິນສະຫນັບສະຫນູນໃຫ້ແກ່ຍູເນສໂກ ເພື່ອປະທ້ວງການຮັບປາເລສໄຕ ເຂົ້າເປັນສະມາຊິກ

 

 

ຂໍ້ມູນຈາກ: ເດລິນີວ

 

ຄວາມຄິດເຫັນຂອງຜູ້ອ່ານ (0)