GMT+7 24/10/2017 05:39

ອັດຕະປື - ລັດຕະນະຄີຣີ ຮ່ວມມືເພື່ອການພັດທະນາ

 

 

ປະຕິບັດຕາມບົດບັນທຶກ ກອງປະຊຸມຮອບວຽນ ຄັ້ງທີ 3 ທີ່ແຂວງລັດຕະນະຄີຣີເປັນ ເຈົ້າພາບໃນປີຜ່ານມາ ກ່ຽວກັບ ການເພີ່ມທະວີການພົວພັນ ຮ່ວມມືກັນ ເພື່ອການພັດທະ ນາຮອບດ້ານລະຫວ່າງແຂວງ ອັດຕະປື ສປປ ລາວ ແລະ ແຂວງລັດຕະນະຄີຣີ ຣາຊະອາ ນາຈັກກຳປູເຈຍໃຫ້ມີຄວາມ ສັກສິດຍິ່ງຂຶ້ນ.

 

ມາໃນວັນທີ 9 ຕຸລາຜ່ານ ມານີ້, ທັງສອງແຂວງດັ່ງກ່າວ ໄດ້ຈັດກອງປະຊຸມພົບປະຮອບ ວຽນ ຄັ້ງທີ 4 ຂຶ້ນໂດຍແຂວງ ອັດຕະປືເປັນເຈົ້າພາບ ກອງ ປະຊຸມໄດ້ຈັດຂຶ້ນຢ່າງເປັນທາງ ການທີ່ຫ້ອງວ່າການປົກຄອງ ແຂວງອັດຕະປື ຊຶ່ງຝ່າຍແຂວງ ອັດຕະປື ນຳໂດຍທ່ານ ນາມ ວິຍະເກດ ກຳມະການສູນກາງ ພັກ ເລຂາພັກແຂວງ ເຈົ້າແຂວງ ອັດຕະປື ພ້ອມຄະນະ ແລະ ຝ່າຍແຂວງລັດຕະນະຄີຣີ ນຳ ໂດຍທ່ານ ທອງ ສາວຸນ ເຈົ້າ ແຂວງລັດຕະນະຄິຣີ ພ້ອມຄະນະ.

 

ການປະຊຸມພົບປະຮອບ ວຽນຄັ້ງນີ້ ສອງຝ່າຍໄດ້ຕີລາຄາ ສູງຕໍ່ການພົວພັນຮ່ວມມືລະ ຫວ່າງສອງປະເທດທີ່ນັບມື້ນັບ ໄດ້ຮັບການເສີມຂະຫຍາຍຂຶ້ນ ຢ່າງຕໍ່ເນື່ອງ ແລະ ເຫັນວ່າໃນ ຕະຫຼອດໄລຍະທີ່ຜ່ານມາທັງ ສອງແຂວງອັດຕະປື - ລັດຕະ ນະຄິຣີແມ່ນໄດ້ມີການພົວພັນ ຮ່ວມມືຊ່ວຍເຫຼືອຊຶ່ງກັນ ແລະ ກັນຕະຫຼອດມາ ບົນຈິດໃຈທີ່ ເປັນຍາດພີ່ນ້ອງຖານບ້ານໃກ້ ເຮືອນຄຽງ ແລະ ມີການແລກ ປ່ຽນບົດຮຽນນຳກັນຢ່າງເປັນ ປົກກະຕິ. ພ້ອມດຽວກັນນີີ້ ເພື່ອເປັນ ການສືບຕໍ່ຮັດແໜ້ນສາຍພົວ ພັນ ແລະ ການຮ່ວມມື ເພື່ອ ການພັດທະນາຮອບດ້ານຂອງ ທັງສອງແຂວງໃຫ້ໜັກແໜ້ນ ຍິ່ງຂຶ້ນຕື່ມນັ້ນ ກອງປະຊຸມຄັ້ງນີ້ ສອງຝ່າຍຍິນດີທີ່ຈະຊຸກຍູ້ຊ່ວຍ ເຫຼືອຊຶ່ງກັນ ແລະ ກັນ, ໄດ້ຕົກ ລົງເປັນເອກະ ພາບກັນທີ່ຈະ ສືບຕໍ່ເສີມຂະຫຍາຍສາຍພົວ ພັນຕື່ມອີກ, ເປັນຕົ້ນແມ່ນການ ຂະຫຍາຍສາຍພົວພັນ ແລະ ການຮ່ວມມືຮອບດ້ານ ທັງສອງ ຝ່າຍເຫັນດີອຳນວຍຄວາມສະ ດວກ ເພື່ອສົ່ງເສີມຂະແໜງ ການທີ່ກ່ຽວຂ້ອງໃຫ້ມີການ ເຄື່ອນໄຫວພົບປະ, ແລກປ່ຽນ ບົດຮຽນນຳກັນ ເພື່ອຮັດແໜ້ນ ຄວາມສາມັກຄີ, ຈະສືບຕໍ່ພ້ອມ ກັນເພີ່ມທະວີເອົາໃຈໃສ່ໃນ ການສະກັດກັ້ນທຸກຮູບແບບ ການເຄື່ອນໄຫວຂອງກຸ່ມຄົນບໍ່ ດີຕາມຂອບເຂດບໍລິເວນຊາຍ ແດນເຊັ່ນ: ບັນຫາການຂຸດຄົ້ນ ຊັບພະຍາກອນທຳມະຊາດ, ບັນຫາສິ່ງເສບຕິດ, ບັນຫາການ ຄ້າມະນຸດ ແລະ ບັນດາປະກົດ ການຫຍໍ້ທໍ້ອື່ນໆ ພ້ອມດຽວກັນ ນີ້ ທັງສອງແຂວງຈະສ້າງທຸກ ເງື່ອນໄຂ ເພື່ອສະເໜີລັດຖະ ບານສອງປະເທດພິຈາລະນາ ອະນຸມັດສ້າງເສັ້ນທາງ 1 ຈີ ແຕ່ແຂວງອັດຕະປື - ແຂວງ ລັດຕະນະຄີຣີ ເພື່ອອຳນວຍ ຄວາມສະດວກໃຫ້ປະຊາຊົນ ສອງແຂວງທີ່ອາໄສຢູ່ຕາມບໍລິ ເວນຊາຍແດນໄດ້ມີການໄປ ມາຊື້ - ຂາຍ ແລະ ແລກປ່ຽນ ສິນຄ້າຕ່າງຝ່າຍໄດ້ຮັບຜົນປະ ໂຫຍດຮ່ວມກັນຕື່ມອີກ

 

 

ຂໍ້ມູນຈາກ:ຫນັງສືພິມປະຊາຊົນ

 

ຄວາມຄິດເຫັນຂອງຜູ້ອ່ານ (0)