GMT+7 24/10/2017 05:40

ບຸນເຮືອຊ່ວງ ນ້ອຍອິດທິລິດ ຄອງແຊັມ ທ່າວັດຈັນ 2 ສະໄໝ

 

 

ໃນ​ໂອກາດ​ບຸນ​ອອກ​ພັນ​ສາ​ປະ​ວໍ​ລະນາ ປະຈຳ​ປີ 2017 ນີ້, ຫລາຍແຂວງ​ໃນທົ່ວ​ປະ​ເທດ ໄດ້ສຳ​ເລັດ​ການຈັດການແຂ່ງຂັນເຮືອຊ່ວງປະເພນີ ຢ່າງຄຶກຄື້ນມ່ວນ​ຊື່ນ ​ແລະ ທີ່​ເຕັນ​ໄປ​ດ້ວຍ​ຄວາມ​ ໝາຍ​ຄວາມ​ສຳຄັນ. ​

 

ໃນນັ້ນການແຂ່ງຂັນຊ່ວງເຮືອ ທີ່ຢູ່​ທ່າ​ວັດຈັນ ນະຄອນຫລວງ​ວຽງ​ຈັນ, ​ໂດຍມີ ທ່ານ ສິນ​ລະ​ວົງ ຄຸດ​ໄພທູນ ​ເຈົ້າ​ຄອງ​ນະຄອນຫລວງ​ວຽງ​ຈັນ, ທ່ານ ​ນາງ ບົວ​ລອນ ວົງດາລາ​ແສນ ​ເຈົ້າ​ເມືອງ​ຈັນທະ​ບູລີ, ມີ​ບັນດາ​ການ​ນຳ​ໃນ​ນະຄອນຫລວງ, ຕະຫລອດ​ເຖິງວນຊົນ​ ໃນ​ນະຄ​ອນຫລວງ​ວຽງຈັນ, ພ້ອມດ້ວຍນັັກ ທ່ອງທ່ຽວຕ່າງປະ​ເທດ​ ​ເຂົ້າ​ຮ່ວມ​ຊົມ​ຮ່ວມ​ເຊຍ​. ​ໃນ​ຂະ​ຂະ​ດຽວ​ກັນ ​ເຮືອນ້ອຍ​ອິດທິລິດ ​ໂດຍ​ໄດ້​ຮັບ​ການ​ສະໜັບສະໜູນ​ ຈາກທະນາຄານ​ຮ່ວມ​ພັດທະນາ ​ໄດ້​ເປັນ​ແຊັມ ທີ່ມທ່າ​ວັດ​ຈັນ ສະ​ໄໝ​ທີ 2.  ​​ໂດຍມີ​ເຮືອຊ່ວງ​​ເຂົ້າແຂ່ງຂັນ ມີ ເຮືອປະເພນີຊາຍ 9 ລຳ, ເຮືອປະເພນີຍິງ 5 ລຳ ແລະ ເຮືອສູດຊາຍ 5 ລຳ ​ແລະ ​ເຮືອ​ກິລາ 12 ສີພາຍ 16 ລຳ.


ຜົນ​ການ​ແຂ່ງຂັນ​ ສາມາດ​ສະຫລຸບ​ໄດ້​ ຄື:

# ​ເຮືອ​ຊະນະ​ເລີດ ອັນ​ດັບທີ 1 ​ເຮືອ​ປະ​ເພນີ​ຊາຍ ​ໄດ້​ແກ່ເຮືອ​ນ້ອຍ​ອິດທິລິດ (ທະນາຄານ​ຮ່ວມ​ພັດທະນາ)  ​ໄດ້​ຮັບ​ຂັນ​​ເງິນ​ໜັກ 1ກິ​ໂລ 1 ໜ່ວຍ, ​ເງິນສົດ 20 ລ້ານ​ກີບ, ພ້ອມ​ຂັນ​ໝູນວຽນ 1 ໜ່ວຍ

ອັນ​ດັບ 2 ​ແມ່ນ​​ເຮືອ​ພັນທະ​ມິດ​ກໍ່ສ້າງ ​ໄດ້​ຮັບ​ຂັນ​ລາງວັນ ​ແລະ ​ເງິນສົດ 15 ລ້ານ​ກີບ

ອັນ​ດັບ 3 ​ແມ່ນເຮືອ​ພອນ​ແກ້ວ ​ໄດ້​ຮັບ​ຂັນລາງວັນ ​ແລະ ​ເງິນສົດ 10 ລ້ານ​ກີບ ​

ອັນ​ດັບ​ທີ 4 ​ແມ່ນ​ເຮືອ​ລາວ​ໂຕ​ໂຍຕາ ໄດ້​ຮັບ​ຂັນ​ລາງວັນ ​ແລະ ​ເງິນສົດ 6 ລ້ານ​ກີບ

 

# ເຮືອ​ປະ​ເພນີ​ຍິງ ອັນ​ດັບ​ທີ 1 ​ໄດ້​ແກ່ເຮືອບ້ານ​ແສນ​ດິນ ​ໄດ້​ຮັບຂັນ​ເງິນໜັກ 1 ກິໂລ ພ້ອມເງິນລາງ ວັນ 20 ລ້ານກີບ

ອັນ​ດັບທີ 2 ​ເຮືອ​ລາວ​ໂຕ​ໂຍຕາ​ທານີ

ອັນ​ດັບ 3 ​ເຮືອ​ຊາວ​ໜຸ່ມ ​ເມືອງ​ໄຊ​ທານີ ​

ອັນ​ດັບ​ທີ 4 ​ເຮືອ​ຫົງ​ແມ່​ຍ່າ (ອົງການ​ແມ່​ນ້ຳຂອງ), ເຊິ່ງລາງວັນ​​ແຕ່ 2-4 ​ແມ່ນ​ຄື​ກັນ​ກັບ​ເຮືອ​ປະ​ເພນີ​ຊາຍ. 

 

# ສ່ວນ​ເຮືອ​ສູດ​ຊາຍ ອັນ​ດັບ​ທີ 1 ​ໄດ້​ແກ່ເຮືອນາວາ​ສັກສິດ ໄດ້​ຮັບ​ຂັນ​​ເງິນ​ໜັກ 1 ກິ​ໂລ 1 ໜ່ວຍ, ເງິນສົດ 15 ລ້ານ​ກີບ

ອັບ​ດັບ​ທີ 2 ​ເຮືອ​ທ່າ​ພະ (​ໂຕ​ໂຍຕາລາ​ວທານີ) ໄດ້​ຮັບ​ຂັນ​​ເງິນ​ 1 ໜ່ວຍ, ​ເງິນສົດ 10ລ້ານ​ກີບ

ອັນ​ດັບ​ທີ 3 ​ເຮືອ​ບໍລິສັດ​ວຽງ​ຈັນ​ ອຸດສາຫະກຳ​ເຫ​ລັກ ໄດ້​ຮັບ​ຂັນ​​ເງິນ​ 1 ໜ່ວຍ, ​ເງິນສົດ 5 ລ້ານ​ກີບ

ອັນ​ດັບ​ທີ 4 ​ເຮືອ​ເຈົ້າ​ແມ່​ປະກາສິດ ໄດ້​ຮັບ​ຂັນ​​ເງິນ​ 1ໜ່ວຍ ​ແລະ ​ເງິນສົດ 4 ລ້ານ​ກີບ.​


# ສ່ວນ​ເຮືອ​ກິລາ 12 ສີພາຍ​ ອັນ​ດັບ 1 ​ໄດ້​ແກ່​ເຮືອ​ເທບ​ພິຊິດ​ໄຊ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 10 ລ້ານ​ກີບ

ອັນ​ດັບ 2 ​ເຮືອ​ເທບ​ອຳມະ​ລິນ ​ໄດ້​ຮັບ​ຂັນ​ລາງວັນ ພ້ອມ​ເງິນສົດ 8 ລ້ານ​ກີບ

ອັນ​ດັບ 3 ​ແມ່ນ​ເຮືອ​ລຳ​ມໍ​ເຕີ ​ໄດ້​ຮັບ​ຂັນ​ລາງວັນ ​ພ້ອມ​ເງິນສົດ 6 ລ້ານ​ກີບ 

ອັນ​ດັບ 4 ​ແມ່ນ​ເຮືອ​ຫາຍ​ໂສ​ກ 1​ໄດ້​ຮັບ​​ເງິ​ນສົດ 4 ລ້ານ​ກີບ.

ພ້ອມ​ກັນ​ນີ້. ເຮືອ​ຂອງ​ບໍລິສັດ​ຮ່ວມ​ພັດທະນາ ຍັງ​ໄດ້​ຮັບວັນຊະນະ​ເລີດ​ ເຮືອ​ເຊີ້ງ​ງາມ ​ແລະ ​ເຮືອ​ເຂດ 2 ບ້ານ​ທົ່ງ​ຕູມ ​ໄດ້​ຮັບລາງວັນເຮືອ​ໄຟ​ງາມ ​ລາງວັນ​ລະ 3ລ້ານ​ກີບ

 

 

 

ຂໍ້ມູນຈາກ:​ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)