GMT+7 24/10/2017 05:41

ໄຊງ່ອນເທືອງຕິ່ນລາວ ຂະຫຍາຍສາຂາສະຫວັນນະເຂດ

 

 

ພິທີ​ເປີດ​ສາຂາ​ສະຫວັນ​ນະເຂດຂອງ​ທະນາຄານ​ໄຊ​ງ່ອນ ເທືອງ​ຕິ່ນ​ລາວ ຈຳກັດ ຈັດ​ຂຶ້ນ​ວັນທີ 29 ກັນຍາ 2017 ຜ່ານ​ມາ ເປັນ​ກຽດ​ເຂົ້າ​ຮ່ວມ​ງານ​ມີ​ທ່ານ ທ່ອນ​ແກ້ວ ພຸດ​ທະ​ໄກ​ຍະ​ລາດ ຮອງ​ເຈົ້າແຂວງສະຫວັນ​ນະ​ເຂດ ທ່ານ ເຈີ່ນ ກົງ ຖິ້ງ ກົງ​ສູນ​ໃຫຍ່ ແຫ່ງ ​ສສ ຫວຽດນາມ ປະຈຳແຂວງ​ສະຫວັນ​ນະ​ເຂດ ທ່ານ ບຸນວົງ ດວງ​ດອກ​ເກດ ຕາງໜ້າ​ທະນາ​ຄານແຫ່ງ​ຊາດ ​ສປປ ລາວ ພາກ​ກາງ ທ່ານ ຫງຽວນ ງ໋ອກ ຕ໊ວນ ປະທານ​ສະພາ​ບໍລິຫານຊາ​ຄອມ​ແບັງ​ລາວ ພ້ອມ​ດ້ວຍແຂກ​ຖືກ​ເຊີນ ແລະ ພາກສ່ວນກ່ຽວຂ້ອງ.

 

ເປັນ​ໄລຍະ 8 ປີ​ນັບ​ແຕ່​ມື້​ທີ່ຊາ​ຄອມ​ແບັງ​ລົງທຶນ​ເຂົ້າ​ໃນ​ປະເທດ​ລາວ ໃນ​ປີ 2008 Sacombank ສາຂາ​ລາວ​ໄດ້​ສ້າງຕັ້ງ ແລະ ໃນ​ວັນ​ທີ 3 ເດືອນ​ສິງຫາ ປີ 2015 ທະນາຄານ​ຫຸ້ນ​ສ່ວນ​ການຄ້າ​ໄຊ​ງ່ອນ​ເທືອງ​ຕິ່ນ ໄດ້​ຮັບ​ອະນຸ​ຍາດ​ຍົກ​ລະດັບ​ຈາກ​ສາຂາລາວ ມາ​ເປັນ​ທະນາຄານ​ທຸລະກິດ​ລົງທຶນ​ຕ່າງປະເທດ 100% Sacombank ຈາກ​ທະ​ນາຄານແຫ່ງ ​ສປປ ລາວ ແລະ ທະນາຄານ​ແຫ່ງ​ຊາດ​ຫວຽດນາມ ແມ່ນ​ອີກ​ບາດກ້າວ​ໜຶ່ງຂອງ​ການ​ພັດທະນາ​ໃນ​ປະເທດລາວ Sacombank ລາວ​ໄດ້ຂະຫຍາຍ​ນະໂຍບາຍ​ທາງ​ດ້ານການ​ເງິນ​ເຕັມ​ຮູບ​ແບບ ແລະ ບັນດາ​ການ​ບໍລິການ​ທະນາຄານ​ທີ່ທັນ​ສະໄໝກັບ​ບັນດາ​ລູກ​ຄ້າ ແລະ ພວກ​ເຮົາ​ກໍ່​ໄດ້​ສືບຕໍ່​ຂະຫຍາຍ​ນະໂຍບາຍ​ທາງ​ດ້ານການ​ເງິນ​ຈົນ​ມາ​ຮອດ​ປັດຈຸບັນ.

 

ປັດຈຸບັນ ທະນາຄານ​ໄຊ​ງ່ອນ ເທືອງ​ຕິ່ນ​ລາວ ຈຳກັດ ຫຼື Sacombank Lao ໄດ້​ມີ 1 ສຳນັກງານ​ໃຫຍ່ ແລະ 4 ສາຂາຂຶ້ນ​ກັບ​ໃນ​ນັ້ນຄື: ສາຂາ​ນະຄອນຫຼວງ ສາຂາ​ທາດຫຼວງ ສາຂາ​ຈຳປາ​ສັກ ແລະ ສາຂາ​ສະຫວັນນະ​ເຂດ ໃນ​ອະນາຄົດ​ມີ​ແຜນ​ເປີດສາຂາ​ຢູ່​ບັນດາ​ແຂວງຄື: ຄຳມ່ວນ ຫຼວງ​ພະ​ບາງ ອຸດົມ​ໄຊ ແລະ ແຂວງ​ອື່ນໆ​ທີ່​ມີ​ເງື່ອນໄຂ.

 

ຄວາມ​ສຳເລັດ​ຂອງ Sacombank ໃນ​ຕະຫຼາດ​ການ​ເງິນຂອງ​ປະເທດ ​ສປປ ລາວ ດ້ວຍການ​ປະກອບສ່ວນ​ຢ່າງ​ຫ້າວຫັນຂອງ​ພະນັກງານ ນອກຈາກ​ນັ້ນ ຕ້ອງ​ສະແດງ​ຄວາມ​ຂອບໃຈ​ເຖິງບັນດາ​ລູກ​ຄ້າ ທີ່​ໄດ້​ສົນໃຈ​ເຊື່ອໝັ້ນ ແລະ ຊົມໃຊ້​ຜະລິດ​ຕະ​ພັນຈາກ​ພວກ​ເຮົາ ຍິ່ງ​ໄປ​ກວ່າ​ນັ້ນ ປາສະຈາກ​ບໍ່​ໄດ້​ກ່ຽວ​ກັບ​ການຊ່ວຍເຫຼືອ​ຈາກ​ພາກ​ລັດ ໃນ​ນະໂຍ​ບາຍ​ສ້າງ​ເງື່ອນໄຂ​ອັນ​ສະດວກ​ໃຫ້​ແກ່​ການ​ພັດທະນາ​ຂອງ Sacombank ໃນ​ລາວ.

 

 

ຂໍ້ມູນຈາກ: ວຽງຈັນໃຫມ່

 

ຄວາມຄິດເຫັນຂອງຜູ້ອ່ານ (0)