GMT+7 24/10/2017 05:32

ພັດທະນາຊັບພະຍາກອນມະນຸດ ໃຫ້ເປັນໜໍ່ແໜງຂອງຊາດ ໃນອານາຄົດ

 

 

ການ​ປະກອບ​ອາຊີ​ບທຸກ​ອາຊີບ ຍ່ອມ​ມີ​ຄວາມ​ສໍາຄັນ​ຕໍ່ຕົນ​ເອງ​ ​ແລະ ສັງຄົມ​ ໂດຍ​ສະ​ເພ​າະ​ການ​ພັດທະນາ​ບຸກຄະລາ​ກອນ ໃຫ້​ເປັນ​ໜໍ່​ແໜງ​ຂອງ​ປະ​ເທດ​ຊາດ ​ໃນ​ອະນາ​ຄົດ ຍິ່ງ​ມີ​ບົດບາດ​ສໍາຄັນ​ໃນ​ການນໍາພາ​ພັດທະນາ​ປະ​ເທດ​ຊາດ ​​ໃຫ້ຈະ​ເລີ​ນຮຸ່ງ​ເຮືອງສີວິ​ໄລ ​ເປັນ​ຕົ້ນ ເຍົາວະ​ຊົນ​ຂອງ​ຊາດ​ເພື່ອ​ໃຫ້​ເຂົາ​ເຈົ້າ​ເຕີບ​ໃຫຍ່ ​ເປັນ​ຄົນ​ມີ​ຄວາມ​ຮູ້​ ຄວາມ​ສາມາດ ​ແລະ ຊ່ວຍ​ກັນ​ພັດທະນາ​ປະ​ເທດ​ຊາດ​ໃນ​ອະນາ​ຄົດ.

 

ທ່ານ ພຸດທະ​ສັກ ຮຸ່ງ​ເຮືອງ ຄະນະ​ອໍານວຍ​ການ​ໂຮງຮຽນ ​ອາ​ນຸບານ-ປະຖົມ-ມັດທະ​ຍົມ​ສົມບູນ ຮຸ່ງ​ເຮືອງ ​ໃຫ້​ສໍາພາດ ​ຕໍ່​ນັກ​ຂ່າວ​ສໍານັກ​ຂ່າວສານ​ປະ​ເທດ​ລາວ​ ໃນ​ໂອກາດ​ວັນ​ຄູ​ແຫ່ງ​ຊາດ ນີ້​ວ່າ: ການປະກອບ​ທຸລະ​ກິດ ​ກ່ຽວ​ກັບ​ໂຮງຮຽນ​ກໍ​ເປັນ​ອາຊີບ​ໜຶ່ງ​ ທີ່​ມີ​ບົດບາດ​ສໍາຄັນ​ຕໍ່​ການ​ພັດທະນາວຽກ​ງານ​ສຶກສາ,​ເປັນ​ຜູ້​ນໍາ​ໜ້າ​ພາ​ທາງ ​ໃນ​ການ​ແກ້​ໄຂ​ຄວາມທຸກ​ຍາກ ​ດ້ວຍ​​ການ​ສຶກສາ, ນໍາ​ເອົາ​ຄວາມ​ຮູ້, ຄວາມ​ສາມາດ​ ຖ່າຍ​ທອດ​ໃຫ້​ແກ່​ທຸກ​ຄົນ​ ໄດ້​ສຶກສາ​ຄົ້ນຄວ້າຮໍ່າຮຽນຫາ​ຄວາມ​ຮູ້ ​ເພື່ອພັດທະນາ​ຕົນ​ເອງ.

 

ທ່ານ ກ່າວ​ຕື່ມ​ວ່າ:​ ຈາກ​ການ​ປະກອບ​ອາຊີບ​ທີ່​ມີ​ຄວາມ​ຮັກ ​ແລະ ໄດ້​ດໍາ​ເນີນ​​ມາ ກໍ​ມີ​ຄວາມ​ຮູ້ສຶກ​ພາກພູມ​ໃຈຕໍ່​ອາຊີບ​ຄູ, ​​ໄດ້​ສິດສອນ​ນັກຮຽນ, ​ເພາະວ່າ​ນັກຮຽນ ​ເຮົາ​ຈະ​ເຫັນ​ໄດ້​ມີ​ໃນ​ທຸກ​ຮູບ​ແບບ​ ມີທັງ​ຜູ້​ຮຽນ​ດີ​, ຮຽນ​ເກັ່ງ ​ແລະ ຮຽນ​ອ່ອນ ​ແຕ່​ພວກ​ເຮົາ​ກໍ​ສາມາດ​ໃຫ້​ກໍາລັງ​ໃຈ​ຊ່ວຍ​ເຫລືອ​ເຂົາ​ເຈົ້າ. ນອກຈາກ​ທີ່​ພວກ​ເຮົາ​​ໄດ້ສິດສອນ ​ທາງ​ດ້ານ​ວິຊາ​ສະ​ເພາະ​ແລ້ວ ຍັງ​ໄດ້​ເຮັດ​ໜ້າ​ທີ່​ການ​ສຶກສາ​ອົບຮົມ​ໃຫ້​ເຂົາ​ເຈົ້າ​ເປັນ​ຄົນ​ດີ​ຕື່​ມອີກ. ດັ່ງ​ຄໍາ​ຂວັນທີ່ວ່າ “ຄູ​ຄື​ແມ່​ພີ​ມຂອງ​ຊາດ ປຽບ​ດັ່ງ​ເປັນ​ພໍ່​ແມ່​ທີ່​ສອງ”, ​ ສະ​ນັ້ນ​ພວກ​ເຮົາ​ເປັນຄູ​ ຕ້ອງ​ຄິດ​ສະ​ເໝີ​ວ່າ ເຮັດ​ແນວ​ໃດ​ເພື່ອ​ສຶກສາ​ອົບຮົມ​ ​ແລະ ກໍ່​ສ້າງໃຫ້​ເຂົາ​ເຈົ້າ ກາຍ​ເປັນ​ຄົນ​ດີ​ຂອງ​ສັງຄົມ.

 

ໂຮງຮຽນຮຸ່ງ​ເຮືອ​ງ ​ຕັ້ງ​ຢູ່​ບ້ານ​ໜອງ​ບົວທອງ​ເໜືອ,​ ເມືອງ​ສີໂຄດ​ຕະບອງ​ ​ສ້າງ​ຂຶ້ນ​ໃນ​ປີ 2004 ການ​ຮຽນ-ການ​ສອນ ​ຂອງ​ໂຮງຮຽນ​ແມ່ນ​ໄດ້​ເອົາ​ໃຈ​ໃສ່​​ເປັນ​ພິ​ເສດ ​ໃນ​ການຖ່າຍ​ທອ​ດຄວາມ​ຮູ້​ສູ່​ນັກຮຽນ​ ອັນ​​ໄດ້ເຮັດ​ໃຫ້​ນັກຮຽນ​ຂອງ​ໂຮງຮຽນ​​ ສາມາດ​ສ້າງ​ຊື່​ສຽງ​ ໃນ​ຫລາຍ​​ເວທີ​ສອບ​ເສັງ​ນັກຮຽນ​ເກັ່ງ​ໃນ​ຂັ້ນ​ເມືອງ, ຂັ້ນ​ນະຄອນຫລວງ ມີ ວິຊາຄະນິດສາດ, ​ໂລກ​ອອ້ມຕົວ, ການ​ແຂ່ງຂັນ​ກິລາ. ນອກ​ນັ້ນ, ​ຍັງ​ໄດ້​ຮັບ​ເປັນ​ໂຮງຮຽນຕົວ​ແບບ, ​ໂຮງຮຽນ​ຂຽວ​ສະອາດ ​ແລະ ຄຸນ​ນະພາ​ບ, ​ໂຮງຮຽນ​ປອດ​ສິ່ງ​ເສບ​ຕິດ (​​ໂດຍ​ໄດ້​ຮັບ​ທຸງ​​ໄຊ​ຊະນະ​ເລີດ, ໃບ​ຍ້ອງຍໍ​ ແລະ ຫລຽນ​ໄຊ​ແຮງ​ງານອື່ນໆ ​ໃນ​ຫລາຍ​ສົກຮຽນ), ຊຶ່ງ​ຜົນງານ​ທັງ​ໝົດ​ນັ້ນ ​ກໍ​ແມ່ນ​​ຄວາມ​ເອົາ​ໃຈ​ໃສ່​ຂອງ​ຄູ-ອາຈານ ​ແລະ ນັກຮຽນ​ໃນ​ການ​ສອນ​ດີ-ຮຽນ​ເກັ່ງ.

 

 

 

ຂໍ້ມູນຈາກ: ສຳນັກຂ່າວສານປະເທດລາວ

 

ຄວາມຄິດເຫັນຂອງຜູ້ອ່ານ (0)