GMT+7 24/10/2017 05:36

ຈັບ31 ສາວລາວ ຂາຍບໍລິການຢູ່ໄທ

 

 

ຫນັງສືພິມຂ່າວສົດຂອງໄທລາຍງານໃນມື້ນີ້ວ່າ:  ຝ່າຍປົກຄອງອຳເພີສີຣາຊາ ນຳກຳລັງລົງກວດເຂດເມືອງທອງແລນ ບໍ່ວິນ ຫຼັງໄດ້ຮັບການຮ້ອງຮຽນຈາກຊາວບ້ານວ່າມີຍິງສາວຊາວລາວ ລັກລອບເຂົ້າມາຂາຍບໍລິການຈຳນວນຫຼາຍ.

ໃນວັນທີ3ຕຸລາ  ທ່ານນິຕິ ນິວັດ ວານິດ ນາຍອໍາເພີສີຣາຊາ ພ້ອມດ້ວຍປະລັດອຳເພີຝ່າຍຄວາມຫມັ້ນຄົງ ແລະ ເຈົ້າຫນ້າທີ່ພາກສ່ວນກ່ຽວຂ້ອງໄດ້ນຳກຳລັງລົງພື້ນທີ່ຕະຫຼາດເມືອງທອງແລນ ໝູ່3 ຕຳບົນບໍ່ວິນ ອຳເພີ ສີຣາຊາ.

ຈາກການກວດສອບພົບຍິງສາວຂາຍບໍລິການ ສັນຊາດລາວ31 ຄົນ ເປັນຄົນໄທ 1 ຄົນ ອາຍຸຕັ້ງແຕ່20-25 ປີ ໂດຍມີຜູ້ຊາຍມາໃຊ້ບໍລິການ 8 ຄົນ.

 

ສາວລາວຄົນຫນຶ່ງເປີດເຜີຍວ່າ ມາຈາກນະຄອນຫຼວງວຽງຈັນ ໂດຍລົດທົວ ຫລັງມີໝູ່ທີ່ເຄີຍເດີນທາງມາເຮັດວຽກຢູ່ນີ້ບອກມາ ເນື່ອງຈາກຢູ່ລາວກໍບໍ່ມີວຽກເຮັດ ໂດຍຖືພາດສະປອດ ເດີນທາງເຂົ້າມາເປັນນັກທ່ອງທ່ຽວແລ້ວມາເຊົ່າ ເຮືອນຢູ່ກັບໝູ່ 2 ຄົນ.

 

ເມື່ອຮອດເວລາເຮັດວຽກກໍຈະເດີນທາງມາຕຶກຫ້ອງແຖວ ບໍລິເວນຕະຫຼາດເມືອງທອງແລນ ເມື່ອນັກທ່ອງທ່ຽວເດີນທາງມາຖືກໃຈກໍຊື້ບໍລິການແລ້ວພາຂຶ້ນຫ້ອງ ໄດ້ຄ່າໂຕຄັ້ງລະ1.000ບາດ ຫາ 2.000ບາດ ແລະ ຈ່າຍໃຫ້ຄົນເບິ່ງແຍງ 300ບາດ ເຊິ່ງເຮັດມາແລ້ວ 4ເດືອນ.

 

 

 

 

ຂໍ້ມູນຈາກ: ລາວອັບເດດ

 

ຄວາມຄິດເຫັນຂອງຜູ້ອ່ານ (0)