GMT+7 24/10/2017 05:33

ນັກທຸລະກິດ ຈາກຈີນ ເດີນທາງມາເບິ່ງສ່ອງທາງການລົງທຶນຢູ່ສະຫວັນນະເຂດ

 

 

ໃນ​ວັນ​ທີ 26 ກັນຍາ 2017 ນັກ​ລົງທຶນ​ ຈາກ ສ.ປ ຈີນ, ຈຳນວນ 100 ກວ່າ​ທ່ານ, ​ເຊິ່ງນຳ​ໂດຍ ທ່ານ ດຣ ຫຼຽນ ຮາ​ຍຍັງ ປະທານ​ສະຫະພັນ​ການ​ຄ້າ​ສາກົນ​ຈີນ, ພ້ອມ​ດ້ວຍ​ນັກທຸລະກິດ, ນັກ​ລົງທຶນ​ໃນ​ດ້ານ​ຕ່າງໆ ​​ໄດ້​ເດີນທາງ​ດ້ວຍ​ເຄື່ອງ​ບິນ​ພິ​ເສດ ມາ​ແຂວງ​ສະຫວັນ​ນະ​ເຂດ ​ເພື່ອ​ມາ​ສຶກສາ​ຄວາມ​ເປັນ​ໄປ​ໄດ້ ດ້ານ​ການ​ຄ້າ-ການ​ລົງ​ທຶນ.
 

ໃນ​ການ​ມາ​ຄັ້ງ​ນີ້ ​ໄດ້​ເຂົ້າ​ຮ່ວມ​ປະຊຸມ ສຳ​ມະ​ນາ​ສົ່ງ​ເສີມ​ການ​ຄ້າ, ການ​ລົງທຶນ ​ໃນ​ຫົວ​ຂໍ້​ທີ່​ວ່າ: ໜຶ່ງ​ແລວ​ທາງ, ໜຶ່ງ​ເສັ້ນທາງ, ​ເປີດ​ປະຕູ​ຄຳ​ສູ່​ການ​ຄ້າ-ການ​ລົງທຶນ ​ແລະ​ແລກ​ປ່ຽນ​ວັດທະນະທຳ. ​ເຊິ່ງພິທີ​ດັ່ງກ່າວ ​ໄດ້​ຈັດ​ຂຶ້ນ​ຢູ່​ຫ້ອງ​ປະຊຸມ​ໃຫຍ່ ​ເຂດ​ເສດຖະກິດ​ພິ​ເສດ ສະຫວັນ-​ເຊ​ໂນ, ​ໂດຍ​ການ​ເຂົ້າ​ຮ່ວມ​ເປັນ​ປະທານ​ຂອງ​ທ່ານ ສັນຕິພາບ ພົມວິຫານ ​ເຈົ້າ​ແຂວງ​ສະຫວັນ​ນະ​ເຂດ, ມີ​ບັນດາ​ພະ​ແນ​ກການ​ອ້ອມ​ຂ້າງ​ແຂວງ, ນັກ​ລົງທຶນທັງ​ພາຍ​ໃນ ​ແລະ​ຕ່າງປະ​ເທດ ຈາກ​ເຂດ​ເສດຖະກິດ​ພິ​ເສດ ​ໂດຍ​ສະ​ເພາະ ບໍລິ​ສັດ ສະຫວັນຊີ​ຕີ ຈຳກັດ ​ເຊິ່ງ​ເປັນ​ບໍລິສັດ​ຜູ້ປະສານ​ງານ​ໃນ​ຄັ້ງນີ້.

 

ພາຍຫຼັງ​ຊົມ​ການສະ​ແດງ​ສິລະ​ປະ ຈາກ​ນ້ອງ​ນ້ອຍ ​ໂຮງຮຽນ ຈຸງ​ເຕັກ ສະຫວັນ​ນະ​ເຂດ, ​ໂອກາດ​ດັ່ງກ່າວ ທ່ານ ສັນຕິພາບ ພົມວິຫານ ​ໃນ​ນາມ​ເຈົ້າພາບ ກໍ່​ໄດ້​ກ່າວ​ຕ້ອນຮັບ​ຄະນະ​ຜູ້​ແທນນັກທຸລະກິດ​ຈາກ ສ.ປ ຈີນ ຢ່າງ​ເປັນ​ທາງ​ການ, ພ້ອມ​ທັງ​ຍົກ​ໃຫ້​ເຫັນ​ການ​ຮ່ວມ​ມືຂອງ​ສອງ​ຊາດ ທີ່​ມີ​ຫຼາຍ​ໂຄງການ​ຮ່ວມ​ມື​ໄດ້​ຖືກ​ຈັດ​ຕັ້ງ​ປະຕິບັດ ​ເປັນ​ຕົ້ນ ​ໂຄງການ​ສ້າງ​ເສັ້ນທາງ​ລົດ​ໄຟ, ​ໂຄງການ​ພັດທະນາ​ພື້ນຖານ​ໂຄງ​ລ່າງ ​ແລະ​ໂຄງການ​ລົງທຶນ​ອື່ນໆ ​ເຊິ່ງຖື​ວ່າ​ເປັນ​ໂຄງການ​ລົງທຶນ​ລາຍ​ໃຫຍ່ ອັນ​ດັບ​ຕົ້ນໆ​ທີ່​ລົງທຶນ​ຢູ່ ສ.ປ.ປ ລາວ ກໍ່​ຄື​ແຂວງ​ສະຫວັນ​ນະ​ເຂດ. ຈາກ​ນັ້ນ ທ່ານ​ເຈົ້າ​ແຂວງ​ສະຫວັນ​ນະ​ເຂດ ຍັງ​ໄດ້​ເຊີນຊວນ​ບັນດາ​ນັກທຸລະກິດ ຈົ່ງ​ເຂົ້າ​ມາ​ສຶກສາ​ກາລະ​ໂອກາດ ການ​ລົງທຶນ​ຂອງ​ແຂວງ​ສະຫວັນ​ນະ​ເຂດ ​ແລະ​ພ້ອມ​ຈະ​ໃຫ້​ຄຳ​ໝັ້ນ​ສັນຍາ ຈະ​ສະໜັບສະໜູນ ​ແລະ​ເອື້ອ​ອຳນວຍ​ຄວາມ​ສະດວກ ​ໃຫ້ການ​ລົງທຶນ​ຂອງ​ພວກ​ທ່ານ ​ເດີນ​ແມ່ນ​ແລ່ນ​ສະດວກ.

 

ທ່ານ ດຣ ຫຼຽນ ຮາ​ຍຍັງ ກໍ່​ໄດ້​ກ່າວ​ສະ​ແດງ​ຄວາມ​ຂອບ​ໃຈ​ມາ​ຍັງ​ການ​ນຳ ພັກ-ລັດ ​ແລະ​ພໍ່​ແມ່​ປະຊາຊົນ​ ທຸກ​ຖ້ວນ​ໜ້າ ທີ່​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ ​ແລະ​ມີ​ໄມຕີ​ຈິດ, ມິດຕະພາບ, ມີ​ຮອຍ​ຍິ້ມ​ທີ່​ຈິງ​ໃຈ. ​ເບິ່ງ​ແລ້ວ ​ແຂວງ​ສະຫວັນ​ນະ​ເຂດ ຍັງ​ມີ​ພື້ນ​ທີ່ ທີ່​ຈະ​ໃຫ້​ລົງທຶນ ພ້ອມ​ທັງ​ຍັງ​ມີ​ຊັບພະຍາກອນ ທຳ​ມະ​ຊາດ​ທີ່​ອຸດົມສົມບູນ ​ເປັນ​ສິ່ງ​ເອື້ອ​ອຳນວຍ, ​ເໝາະ​ສົມ​ແກ່​ນັກ​ລົງທຶນ, ຄິດ​ວ່າ ນັກ​ລົງທຶນ​ຈະ​ໄດ້​ມີ​ການ​ສຶກສາລະ​ອຽດ ​ໃນ​ການ​ລົງທຶນ​ຢູ່​ເຂດ​ເສດຖະກິດ​ພິ​ເສດ ສະຫວັນ-​ເຊ​ໂນ ​ແຫ່ງ​ນີ້.

 

​ໃນ​ການ​ສຳ​ມະ​ນາ ບັນດາ​ນັກທຸລະກິດ ກໍ່​ໄດ້​ໃຫ້​ຄວາມ​ສົນ​ໃຈ ​ແລະ​ຊັກ​ຖາມ​ຂໍ້​ຂ້ອງ​ໃຈ ​ໂດຍ​ສະ​ເພາະ ​ໃນ​ດ້ານ​ການຈັດ​ຕັ້ງ​ປະຕິບັດ, ນະ​ໂຍບາຍ ​ແລະ​ປັດ​​ໃຈ​ອື່ນໆ. ຈາກ​ນັ້ນ ກໍ່​ໄດ້​ມີ​ການ​ເຊັນ​ບົດ​ບັນທຶກ ການ​ຮ່ວມ​ມື​ດ້ານ​ວິຊາ​ການ ​ແລະ​ການ​ສົ່ງ​ເສີມ​ການ​ລົງທຶນ ​ໃນ​ແຂວງ​ສະຫວັນ​ນະ​ເຂດ, ​ໂດຍ​ສະ​ເພາະ ​ເຂດ​ເສດຖະກິດ​ພິ​ເສດ ສະຫວັນ-​ເຊ​ໂນ, ​ໂດຍ​ມີ​ທ່ານ ທອງ​ໃສ ​ໄຊ​ຍະ​ວົງຄຳ​ດີ ຫົວໜ້າ​ຄະນະ​ບໍລິຫານ​ເຂດ​ເສດຖະກິດ​ພິ​ເສດ ສະຫວັນ-​ເຊ​ໂນ, ທ່ານ ດຮ ຫຼຽນ ຮາ​ຍຍັງ ປະທານ​ສະຫະພັນ​ການ​ຄ້າ​ສາກົນ​ຈີນ ​ແລະ​ທ່ານ ຊານ​ໄຊ ປະທານ ບໍລິສັດ ສະຫວັນ​ຊີ​ຕີ ຈຳກັດ.

 

ຕອນ​ບ່າຍກໍ່​ໄດ້​ມີ​ການເລາະ​ຊົມ​ຕົວ​ເມືອງ, ​ຈຸດ A ​ເຂດ​ກ້ອງ​ຂົວ, ຈຸດ D ບ້ານ​ສະຫວັນ​ໃໝ່ ກິ​ໂລ​ແມັດ​ທີ 9, ຊົມສະຫວັນ ຣີສອດ, ຊົມ​ສິນຄ້າ ODOP ຂອງ​ທີ່​ລະ​ລຶກຈາກ​ສະຫວັນ​ນະ​ເຂດ, ຈາກ​ນັ້ນ ຄະນະ​ຜູ້​ແທນ​ດັ່ງກ່າວ ກໍ່​ກັບ​ຄືນ​

 

 

ຂໍ້ມູນຈາກ: ລາວອັບເດດ

 

ຄວາມຄິດເຫັນຂອງຜູ້ອ່ານ (0)