ສູດ​ໜ້າ​ຂາວ​ໃສ​ ຜິວ​ງາມ​ ງ່າຍໆ​ ພຽງ​ແຕ່​ໃຊ້​ຫວ່ານ​ຫາງແຂ້​

ຫວ່ານ​ຫາງແຂ້​ ເປັນ​ໜຶ່ງ​ໃນ​ພືດເທິ່ງໂລກ​ທີ່​ມີ​ຄຸນ​ປະໂຫຍດຫຼວງຫຼາຍ ປະກອບ​ໄປ​ດ້ວຍ​ສານ​ອາ ຫານ​ທີ່​ເຕັມໄດປດ້ວຍຄຸນນະພາບ​ແລະ​ເນື້ອ​ທີ່​ເປັນ​ວຸ້ນ​ຂອງ​ມັນ​ກໍ​ນຳ​ມາ​ໃຊ້​ປະໂຫຍດ​ໄດ້​ຫຼວງຫຼາຍຢ່າງ​ບໍ່​ໜ້າ​ເຊື່ອ​  ເຮົາ​ຈະ​ເຮັດໃຫ້​ເຈົ້າ​ໄດ້​ເຫັນ​ວ່າ​​ຫວ່ານ​ຫາງແຂ້​ພຽງ​ຢ່າງ​ດຽວ​ນັ້ນ​ສາມາດ​ສ້າງ​ສະ​ກິນ​ແຄ​ແບບ​ເຮັດ​ມື​ໄດ້​ຫຼາຍເຖິງ​ 4 ຢ່າງ​ ໄດ້​ແກ່​ ໂທນ​ເນີ​ ຄລີນ​ເຊີ​ ສະຄັບ ແລະ ​ມອຍ​​ເຈີ​ໄຣ​ເຊີ​ ໄດ້​ແນວໃດ​?   ໂດຍ​ປົກກະຕິ​ແລ້ວ​ເຮົາ​ໃຊ້​ຫວ່ານ​ຫາງແຂ້​ເພື່ອ​ປັບ​ປຸງ​ສະພາບ​ຜິວ​ແລະ​ນຳ​ໃຊ້​ແທນ​ສະ​ກິນ​ແຄຕາມ​ເຄົາເຕີ​ແບນ​ຕ່າງ​ໆ​ ກໍ​​ໄດ້​ ແຕ່​ຍິ່ງໄປ​ກວ່າ​ນັ້ນ​ຄື​ ມັນ​ຊ່ວຍ​ເພີ່ມ​ຄຸນນະພາບ​ເສັ້ນ​ຜົມ​ໃຫ້​ກັບ​ເຈົ້າ​ ສະ​ນັ້ນ​ ເຮົາ​ມາ​ເລີ່ມ​ເຮັດ​ສະ​ກິນ​ແຄ​ທັງ​ 4 ຢ່າງ​ທີ່ກ່າວ​ໄວ້​ຂ້າງ​ຕົ້ນ   ວັດ​ຖຸ​ດິບ​

  1. ຫວ່ານ​ຫາງ​ແຂ້​ 1 ໃບ​ ໂດຍ​ຕັດ​ແບ່ງ​ເປັນ​ 4 ສ່ວນ​ສຳລັບ​ເຮັດ​ສະ​ກິນ​ແຄ​ແຕ່​ລະ​ຢ່າງ
  2. ແປ້ງ​ເຂົ້າຈ້າວ (ສຳລັບ​ເຮັດ​ສະຄັບ​)
  3. ນ້ຳ​ກຸ​ຫຼາບ​ ແລະ ​ນ້ຳ​ແຮ່ຫຼື​ນ້ຳ​ບໍລິສຸດ (ສຳລັບ​ເຮັດ​ໂທນ​ເນີ​​)

ວິທີ​ເຮັດ​

  1. ຄຼີນ​ເຊີ​ – ເນື່ອງ​ຈາກ​ເຮົາ​ໃຊ້​ພຽງ​ວຸ້ນ​ພາຍ​ໃນ​ເປືອກ​ຂອງ​ຫວ່ານ​ຫາງ​ແຂ້​ພຽງ​ເທົ່າ​ນັ້ນ​ ສະ​ນັ້ນ​ ພຽແຕ່ນຳ​ຫວ່ານ​ຫາງ​ແຂ້​ 1 ສ່ວນ​ທີ່​ກຽມ​ໄວ້​ມາປອກເປືອກ​ກໍ​ຖື​ວ່າ​ເປັນ​ອັນ​ສຳເລັດ​
  2. ມອຍ​ເຈີ​ໄຣ​ເຊີ ​– ເຮັດ​ຄືຄຼີນ​ເຊີ​
  3. ສະຄັບ​ – ປອກ​ເປືອ​ກຫວ່ານ​ຫາງ​ແຂ້​ 1 ສ່ວນ​ຄື​ດຽວ​ກັບ​ວິທີ​ເຮັດ​ຄຼີນ​ເຊີ​ ຈາກ​ນັ້ນ​ເທ​ແປ້ງ​ເຂົ້າ​ຈ້າວລົງ​ເທິງ​ຫວ່ານ​ຫາງແຂ້ 1/2 ບ່ວງ​ໂຕະ​ກໍ​ຖື​ເປັນ​ອັນ​ສຳເລັດ​
  4. ໂທນ​ເນີ​- ປອກ​ເປືອ​ກຫວ່ານ​ຫາງແຂ້​ສ່ວນ​ສຸດ​ທ້າຍ​ແລ້ວ​ຂູດ​ວຸ້ນ​ຂອງ​ມັນ​ໃສ່​ແກ້ວ​ໃຫ້​ໝົດ​ ຈາກ​ນັ້ນ​ເທ​ນ້ຳ​ກຸ​ຫຼາບ​ແລະ​ນ້ຳ​ແຮ່ຫຼືຖ້າ​ບໍ່​ມີ​ກໍ​ໃຊ້​ນ້ຳ​ສະ​ອາດ​ແທນ​ກໍ​ໄດ້​ລົງ​ໄປ​ໃນ​ແກ້ວ​ດຽວ​ກັນ​ຢ່າງ​ລະ​ 2 ບ່ວງ​ໂຕະ​ ຄົນ​ສ່ວນ​ປະສົມ​ໃນ​ແກ້ວ​ໃຫ້​ເຂົ້າ​ກັນ​ ສຸດ​ທ້າຍ​ເທ​ສ່ວນ​ປະສົມ​ທີ່​ໄດ້​ລົງ​ກວດ​ສ​ະເປ ປິດ​ຝາ​ໃຫ້​ແໜ້ນ​ກໍ​ເປັນ​ອັນ​ສຳເລັດ​ ໂທນ​ເນີ​ນີ້​ໃຊ້​ແລ້ວ​ສາມາດ​ເກັບ​ໃນ​ຕູ້​ເຢັນ​ໄດ້​ດົນ​ 7-10 ມື້​

ວິທີ​ໃຊ້​

  1. ລ້າງ​ໜ້າ​ດ້ວຍ​ນ້ຳ​ສະ​ອາດ​
  2. ເຮັດ​ຄວາມ​ສະ​ອາດ​ໜ້າ​ດ້ວຍ​ຄຼີນ​ເຊີ​ – ໂດຍ​ທາ​ຫວ່ານ​ຫາງແຂ້​ໃຫ້​ທົ່ວ​ໜ້າ​ຄືເປັນ​ຄຼີນ​ເຊີ​ ພໍ​ທາ​ໄປ​ໄດ້ໄລຍະ​ໜຶ່ງ​ວຸ້ນ​ສ່ວນ​ເທິງ​ຈະ​ແຫ້ງ​ລົງ​ ໃຫ້​ໃຊ້​ນິ້ວ​ຈິກ​ບ່ອນ​ແຜ່ນ​ວຸ້ນ​ ເທື່ອ​ເພື່ອ​ໃຫ້​ວຸ້ນ​ທີ່​ຢູ່​ດ້ານ​ໃນ​ອອກ​ມາ​ອີກ​ແລ້ວ​ທາ​ຕໍ່ຈົນໝົດ​ ຈາກ​ນັ້ນ​ໃຊ້​ທິດ​ຊູ່​ປຽກ​ເຊັດ​ອອກ​ຈະ​ຮູ້ສຶກ​ວ່າ​ໜ້າ​ນຸ່ມ​ຂຶ້ນ​
  3. ຂັດ​ໜ້າ​ດ້ວຍ​ສະຄັບ – ໃຫ້​ນຳ​ຫວ່ານ​ຫາງແຂ້​ທີ່​ປະສົມ​ກັບ​ແປ້ງ​ເຂົ້າ​ຈ້າວມາ​ຂັດ​ເບົາ​ໆ​ ທົ່ວ​ໜ້າ​ ພຽງ​ 1-2 ນາ​ທີ​ແລ້ວ​ລ້າງ​ອອກ​ດ້ວຍ​ນ້ຳ​ສະ​ອາດ​ ເຮົາ​ຈະ​ສະຄັບໜ້າ​ພຽງ​ 3 ມື້​ຕໍ່​ອາທິດ​ເທົ່າ​ນັ້ນ​
  4. ກຽມ​ໜ້າ​ດ້ວຍ​ໂທນ​ເນີ​ – ຂະເ​ຢົ່າກ​ວດ​ໂທນ​ເນີ​ຫ​ວ່ານ​ຫາງແຂ້ແລະ​ສີດ​ໃຫ້​ທົ່ວ​ໜ້າ​ ຈາກ​ນັ້ນ​ເປົ່າ​ໃຫ້​ແຫ້ງ​ເພື່ອກຽມ​ໜ້າ​ໃຫ້​ພ້ອມ​ກ່ອນ​ລົງ​ມອຍ​​ເຈີ​ໄຣ​ເຊີ​​
  5. ເພີ່ມ​ຄວາມ​ຊຸ່ມ​ຊື້ນ​ໃຫ້​ໃບ​ໜ້າ​ດ້ວຍ​ມອຍ​​ເຈີ​ໄຣ​ເຊີ​ – ນຳ​ຫວ່ານ​ຫາງ​ແຂ້​ສ່ວນ​ສຸດ​ທ້າຍ​ມາ​ທາ​ໜ້າ​ກ່ອນ​ເຂົ້າ​ນອນ​  ພຽງ​ເທົ່າ​ນີ້​ເຈົ້າ​ກໍ​ໃຊ້​ຫວ່ານ​ຫາງ​ແຂ້​ຄຸ້ມ​ແລ້ວ​

Leave a Reply

Your email address will not be published. Required fields are marked *