ຜົວຫາຍໄປ 3 ປີ, ເມຍຫາຍພົບຍ້ອນແອັບ TIKTOK

ໃນຍຸກໂຊຊຽວມີເດຍໄດ້ໃຫ້ການຊ່ວຍເຫຼືອຜູ້ຄົນມາຫຼວງຫຼາຍບໍ່ວ່າຍາດພີ່ນ້ອງທີ່ຈາກກັນຫຼາຍປີ, ໝູ່ເພື່ອນໃນໄວຮຽນກັບມາພົບພໍ້ກັນໃໝ່ ຫຼື ແມ່ນແຕ່ຄົນທີ່ຫາຍໄປດ້ວຍເຫດຜົນຕ່າງໆກໍ່ຫາໄດ້ຍ້ອນ ສື່ສັງຄົມອອນລາຍເປັນໂຕນຳທາງ ເຊັ່ນດຽວກັບຄູ່ຜົວເມຍນີ້ ຜົວຫາຍໄປຕັ້ງ 3 ປີ ສຸດທ້າຍກໍ່ພົບຍ້ອນແອັບ TikTok ທີ່ໂດ່ງດັງໄປທົ່ວບ້ານທົ່ວເມືອງ.

ຕາມຂ່າວເຜີຍແຜ່ໃນວັນທີ 3 ກໍລະກົດ 2019 ຜ່ານມາ ໃຫ້ຮູ້ວ່າ ມີແມ່ຍິງອິນເດຍລາຍໜຶ່ງທີ່ແຕ່ງງານກັບຜູ້ຊາຍຊື່ ສຸເຣດ ທັງສອງມີລູກນຳກັນ 2 ຄົນ ແຕ່ຢູ່ມາມື້ໜຶ່ງຜູ້ເປັນຜົວໄດ້ຫາຍໄປຈາກເຮືອນຢ່າງໄຮ້ຮ່ອງຮອຍ ແລະບໍ່ມີການຕິດຕໍ່ກັບມາຕະຫຼອດ 3 ປີ.

ໃນຊ່ວງເວລາທີ່ຜົວຫາຍໄປ ຜູ້ເປັນເມຍໄດ້ໄປແຈ້ງເຈົ້າໜ້າທີ່ຕຳຫຼວດໃຫ້ຊ່ວຍຕາມຫາ ເນື່ອງຈາກຜົນຫາຍສາບສູນໄປເລີຍ ແຕ່ສຸດທ້າຍກໍ່ບໍ່ໄດ້ຄຳຕອບຈົນເວລາລ່ວງເລີຍໄປ 3 ປີ, ຜູ້ເປັນເມຍທຳໃຈແລ້ວວ່າຊາດນີ້ຄົງບໍ່ໄດ້ພົບຜົວອີກ.

ດ້ວຍສື່ສັງຄົມອອນລາຍທີ່ເຮັດໃຫ້ຄົນຢູ່ທຸກມຸມໂລກໄດ້ເຫັນກັນພຽງໜ້າຈໍນ້ອຍໆນັ້ນ ຢູ່ມາມື້ໜຶ່ງມີພີ່ນ້ອງໄດ້ມາບອກກັບຜູ້ແມ່ລູກສອງຄົນນີ້ວ່າ ພວກເຂົາເຫັນຄົນໜ້າຄ້າຍຄືກັບ ສຸເຣດ ຜ່ານແອັບ TikTok ແຕ່ວ່າລາວບໍ່ໄດ້ຢູ່ຄົນດຽວ ລາວຢູ່ກັບສອງປະເພດສອງຄົນໜຶ່ງ.

ເມື່ອຮູ້ຂ່າວຜູ້ເປັນເມຍຈິ່ງເປີດຄລີບວີດີໂອທີ່ວ່ານັ້ນອອກມາເບິ່ງປະກົດວ່າແມ່ນຜົວໂຕເອງແທ້ ແລ້ວໄປແຈ້ງເຈົ້າໜ້າທີ່ຕຳຫຼວດຊ່ວຍນຳຫາອີກຄັ້ງຈິ່ງຊາບສາເຫດທີ່ຫາຍໄປວ່າ ທີ່ຈິງແລ້ວລາວຕັ້ງໃຈໜີໄປຢູ່ນຳສາວປະເພດສອງ ທີ່ເຂດວິວລຸປຸລຳ, ຫຼັງຈາກນັ້ນຕຳຫຼວດໄດ້ໃຫ້ຄຳປຶກສາແກ່ທັງສອງຄົນ ແລະໃຫ້ກັບຄືນສູ່ຄອບຄົວໄປຢູ່ນຳລູກເມຍທາງບ້ານເກົ່າ ແຕ່ບໍ່ມີລາຍງານຕາມມາວ່າທັງສອງໃຊ້ຊີວິດຄູ່ແບບໃດຕໍ່ໄປ.

 

Leave a Reply

Your email address will not be published. Required fields are marked *