SAMSUNG ຈະເປີດໂຕເຊນເຊີ້ກ້ອງ108 ລ້ານພິກເຊວ ໃນວັນທີ 12 ສິງຫາ

Samsung ໄດ້ເປີດໂຕເຊັນເຊີ້ ISOCELL Bright GW1 ຄວາມລະອຽດ 64 ລ້ານພິກເຊວ ໄປເມື່ອ ເດືອນ ພຶດສະພາ 2019 ທີ່ຜ່ານມາ ໂດຍມີຜູ້ຜະລິດສະມາດໂຟນຫຼາຍລາຍ ເຊັ່ນ Realme ແລະ Xiaomi ເປັນຕົ້ນ ເລັ່ງນຳໄປຕິດຕັ້ງໃນສະມາດໂຟນລຸ້ນໃໝ່ກັນໄປແລ້ວ

ລ່າສຸດ Samsung ໄດ້ໂພສຜ່ານທາງທະວິດເຕີ Samsung ISOCELL ໂດຍລະບຸວ່າຈະເປີດໂຕເຊັນເຊີ້ກ້ອງຄວາມລະອຽດ 108 ລ້ານພິກເຊວ ໃນວັນທີ 12 ສິງຫາ 2019 ນີ້

ກ່ອນຫນ້ານີ້ບໍ່ດົນ Ice Universe ອີກໜຶ່ງເຈົ້າພໍ່ຂ່າວວົງໃນຂອງວົງການສະມາດໂຟນປະຈຸບັນ ໄດ້ໂພສພາບຜ່ານທວິດເຕີເຊິ່ງເປີດເຜີຍວ່າເຊນເຊີ້ ISOCELL ຄວາມລະອຽດ 108 ລ້ານພິກເຊວ ຈະໄດ້ຮັບການຕິດຕັ້ງໃນສະມາດໂຟນ Mi MIX 4 ຂອງ Xiaomi ທີ່ຈະເປີດໂຕໃນຊ່ວງປາຍປີ 2019 ນີ້ ດ້ວຍເຊັ່ນກັນ

ໂດຍປົກກະຕິແລ້ວ ກ້ອງຄວາມລະອຽດ 108 ລ້ານພິກເຊວ ຈະຖ່າຍຮູບອອກມາທີ່ຄວາມລະອຽດ 27 ລ້ານພິກເຊວ ໂດຍໃຊ້ເທກໂນໂລຢີ Pixel Binning ທີ່ລວມເມັດພິກເຊວບໍລິເວນໃກ້ຄຽງກັນເພື່ອໃຫ້ເປັນເມັດພິກເຊວເມັດໃຫຍ່ 1 ເມັດ ຈຶ່ງຍັງບໍ່ມີການຢືນຢັນຊັດເຈນວ່າຈະສາມາດຖ່າຍພາບຄວາມລະອຽດ 108 ລ້ານພິກເຊວ (ມີຂະໜາດ 12032 x 9024 ພິກເຊວ) ໄດ້ໂດຍກົງ ຫລື ບໍ່ ຫລືຕ້ອງໃຊ້ແອບຖ່າຍຮູບລະດັບໂປຣຊ່ວຍໄດ້ຫລືບໍ່

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *