“ELON MASK” ຊັອກໂລກ!! ເປີດລະບົບເຊື່ອມຕໍ່ສະຫມອງຄົນ ສັ່ງງານດ້ວຍ ປັນຍາປະດິດ ( AI )

ອີລອນ ມັດກ໌ ເປີດໂຕລະບົບ Neuralink ຝັງເສັ້ນປະສາດທຽມໃນສະຫມອງມະນຸດໃຫ້ສັ່ງການຜ່ານປັນຍາປະດິດໄດ້ ຫວັງຈະຊ່ວຍຜູ້ເຈັບປ່ວຍທາງສະຫມອງສື່ສານກັບຄົນທົ່ວໄປ.

ອີລອນ ມັດກ໌ ຜູ້ກໍ່ຕັ້ງ ແລະ ຊີອີໂອລົດໄຟຟ້າ Tesla ແລະ ນັກປະດິດຊື່ດັ່ງຂອງໂລກ ເປີດໂຕລະບົບ Neuralink (ນິວຣາລິງຄ໌) ທີ່ເປັນເທກໂນໂລຢີໂຕໃໝ່ລ່າສຸດຊຶ່ງສາມາດເຊື່ອມຕໍ່ລະຫວ່າງສະຫມອງຂອງມະນຸດ ກັບ ລະບົບປັນຍາປະດິດ (AI) ທີ່ງານປະຊຸມສະຖາບັນວິທະຍາສາດແຫ່ງແຄລິຟໍເນຍ ສະຫະລັດອເມຣິກາ.

ໂດຍລະບົບນິວຣາລິ້ງ ໄດ້ຖືກປະດິດຂຶ້ນມາເພື່ອຮອງຮັບກັບຜູ້ທີ່ໄດ້ຮັບບາດເຈັບທາງສະຫມອງ ໂດຍຮູບແບບການເຮັດວຽກນັ້ນຄືຈະເຊື່ອມຕໍ່ກັບຄວາມຄິດໃນການສັ່ງການຂອງສະຫມອງ ໄປສູ່ລະບົບ AI ເພື່ອໃຫ້ຕອບສະຫນອງ ແລະ ສາມາດປະຕິບັດການເລື່ອງອື່ນໆ ແທນຮ່າງກາຍໄດ້ຢ່າງຖືກຕ້ອງ ແລະ ແມ່ນຍຳ.

ທັງນີ້ ອິລອນ ມາກ ລະບຸວ່າ ອຸປະກອນຂອງນິວຣາລິ້ງ ຈະຖືກຝັງເຂົ້າໄປໃນສະຫມອງຂອງມະນຸດ ເຊິ່ງຈະເປັນລັກສະນະຂອງເສັ້ນປະສາດທຽມທີ່ມີຂະໜາດນ້ອຍກວ່າເສັ້ນຜົມຂອງມະນຸດປະມານ 10 ເທົ່າ ແລະ ເຊື່ອມຕໍ່ກັບລະບົບເທກໂນໂລຢີ Micro Processor ເຊິ່ງເມື່ອສະຫມອງສັ່ງການ ຄຳສັ່ງຈະຜ່ານໄປຍັງ AI ທີ່ຕິດຢູ່ກັບຮ່າງກາຍໂດຍຄື້ນສັນຍານ ເຊິ່ງລະບົບນີ້ຈະຊ່ວຍໃຫ້ຄົົນທີ່ໄດ້ຮັບບາດເຈັບທາງສະຫມອງ ຫລື ມີບັນຫາທາງສະຫມອງ ສາມາດສື່ສານກັບຄົນທົ່ວໄປໄດ້.

ນອກຈາກນີ້ ລະບົບນິວລາລິ້ງ ຢູ່ລະຫວ່າງການຂໍອະນຸຍາດຈາກສຳນັກງານອາຫານແລະ ຢາຂອງສະຫະລັດ ເຊິ່ງເມື່ອຜ່ານຂັ້ນຕອນນີ້ໄປໄດ້ຄາດວ່າຈະເປີດໂຕໃຫ້ສາທາລະນະໄດ້ເຫັນກັນໃນປີ 2563.

Leave a Reply

Your email address will not be published. Required fields are marked *