ຂັບພິດ-ໄຂມັນອອກທາງເຫື່ອ ເຮັດໄດ້ແທ້ບໍ່?

ດີທ໊ອກ=ຂັບລ້າງສານພິດ

ຄຳນີ້ເປັນຄຳທີ່ສາຍສຸຂະພາບໄດ້ຍິນກັນຕະຫຼອດ ເຖິງເລື່ອງຂອງການຂັບສານພິດຕ່າງໆອອກໄປຈາກຮ່າງກາຍ ໂດຍສ່ວນໃຫຍ່ຈະເປັນການກິນທີ່ເຮັດໃຫ້ຂັບຖ່າຍແລ້ວເປັນການລ້າງລຳໃສ້ ຂັບຖ່າຍຂອງເສຍອອກມາ

Morton Tavel ສາດສະດາຈານຂອງມະຫາວິທະຍາໄລເດຍນ່າສະຫະລັດອາເມລິກາກ່າວວ່າ ໂດຍປົກກະຕິແລ້ວຮ່າງກາຍຂອງເຮົາມີຂະບວນໃນການກຳຈັດຂອງເສຍຕ່າງໆ ຜ່ານການຂັບຖ່າຍດ້ວຍຕົວຂອງມັນເອງຢູ່ແລ້ວ ແຕ່ສຳລັບການຂັບເຫື່ອນັ້ນນາງຢືນຢັນວ່າບໍ່ໄດ້ຊ່ວຍຂັບສານພິດໃດໆອອກຈາກຮ່າງກາຍຢ່າງທີ່ເຂົ້າໃຈກັນແນ່ນອນ ເພາະນັ້ນບໍ່ແມ່ນເຫດຜົນທີ່ເຮັດໃຫ້ເຮົາຕ້ອງຂັບເຫື່ອອອກມາ

ເປັນຫຍັງຄົນເຮົາຕ້ອງມີເຫື່ອ?

Tsippora Shainhouse ແພດຜິວໜັງທີ່ລອສແອນເຈີລີສອະທິບາຍວ່າ “ເຮົາຂັບເຫື່ອອອກມາທາງຮູຸມຂົນເພື່ອຊ່ວຍຮັກສາລະດັບອຸນຫະພຸມໃນຮ່າງກາຍ ບໍ່ໄດ້ໝາຍຄວາມວ່າເຮົາຈະຂັບຂອງເສຍ ຫຼືສານພິດບາງຢ່າງອອກມາ ໂດຍເຫື່ອທີ່ຖືກຂັບອອກມາຜ່ານຕ່ອມເຫື່ອທົ່ວຮ່າງກາຍ ຈະຊ່ວຍຫຼຸດອຸນຫະພູມໃນຮ່າງກາຍເມື່ອຮ່າງກາຍມີອຸນຫະພູມສູງຂື້ນ ສ່ວນໃຫຍ່ເຫື່ອຈະອອກເມື່ອຮ່າງກາຍຂອງເຮົາຮູ້ສຶກຮ້ອນຈາກສະພາບອາກາດພາຍນອກ ອຸນຫະພູມພາຍໃນຮ່າງກາຍເມື່ອເຮົາມີໄຂ້ ລວມເຖິງການອອກກຳລັງກາຍທີ່ເຮັດໃຫ້ຮ່າງກາຍເກີດຄວາມຮ້ອນໄດ້”

ດ້ວຍເຫດນີ້ເຫື່ອຈຶ່ງຊ່ວຍໃຫ້ເຮົາມີຊີວິດລອດຈາກການຢືນຕາກແດດດົນໆ ອອກກຳລັງກາຍຢ່າງໜັກໜ່ວງແລະມີໄຂ້ (ທີ່ບໍ່ສູງຈົນເກີນໄປ) ແຕ່ຍັງມີເຫື່ອີກປະເພດທີ່ຈະຫຼັ່ງອອກມາແມ້ວ່າເຮົາຈະບໍ່ໄດ້ຮູ້ສຶກຮ້ອນກໍ່ຕາມ

“ເຫື່ອອີກປະເພດໜຶ່ງຄືເຫື່ອທີ່ມິຄວາມຄຽດ ເປັນເຫື່ອທີ່ໄຫຼອອກມາເພື່ອຕອບຮັບການຫຼັ່ງຂອງຮໍໂມນອາດິນາລີນ ເມື່ອເຮົາຮູ້ສຶກຕື່ນເຕັ້ນ ກັງວົນ ຫຼືມີຄວາມຄຽດ ເປັນການຈັດການກັບຄວາມຄຽດ ຄວາມຕົກໃຈໃນຮ່າງກາຍຢ່າງອັດຕະໂນມັດ” ໂດຍເຫື່ອປະເພດນີ້ຈະພົບໄດ້ຫຼາຍທີ່ບໍລິເວນຕ່ອມເຫື່ອບໍ່ລິເວນຂີ້ແຮ້ ຫົວນົມ ອະໄວຍະວະເພດ ຝາມື ຝາຕີນ ແລະໃນຮູຫູ ແລະເມື່ອເຫື່ອຖືກຜະສົມປົນເປໄປກັບກົດໄຂມັນທີ່ຢູ່ບໍລິເວນເຫຼົ່ານັ້ນ ຈຶ່ງເຮັດໃຫ້ເກີດເປັນກິ່ນທີ່ຂ້ອນຂ້າງແຮງກວ່າຜິວໜັງບໍລິເວນທົ່ວໄປ ຈຶ່ງເປັນທີ່ມາຂອງກິ່ນໂຕນັ້ນເອງ

ດັ່ງນັນຈຶ່ງສະຫຼຸບໄດ້ວ່າເຫື່ອ ບໍ່ໄດ້ມີໄວ້ຂັບຂອງເສຍ ສານພິດຫຼືໄຂມັນໃດໆອອກມາຈາກຮ່າງກາຍທັງນັ້ນ ສ່ວນແຜ່ນແປະຕີນທີ່ແປະແລ້ວຮູ້ສຶກດີຂື້ນ ສົດຊື່ນຂື້ນ ອາດເປັນເພາະການເຮັດໃຫ້ຕີນອົບອຸ່ນກ່ອນນອນ ຊ່ວຍໃຫ້ຫຼັບສະບາຍຫຼາຍກວ່າເກົ່າ ເພາະຝາຕີນເອງກໍ່ເປັນຈຸດລວມປະສາດທີ່ສຳຄັນຂອງຮ່າງກາຍຫຼາຍກວ່າ ບໍ່ມີຄວາມກ່ຽວຂ້ອງກັບການຂັບສານພິດໃດໆອອກມາຈາກຮ່າງກາຍເລີຍ

Leave a Reply

Your email address will not be published. Required fields are marked *