10ພຶດຕິກຳ “ກິນ” ທີ່ທຳລາຍສຸຂະພາບຫຼາຍທີ່ສຸດ

1.”ກິນຄາວຕາມດ້ວຍຫວານ” ແມ້ບຸຮານຈະບອກວ່າກິນຂອງຄາວແລ້ວຕາມດ້ວຍຂອງຫວານ ແຕ່ຄວາມຈິງແລ້ວບໍ່ຕ້ອງກິນຂອງຫວານຫຼັງກິນເຂົ້າສະເໝີໄປ ໂດຍສະເພາະການກິນຂອງຫວານຫຼັງຄາບເຂົາທຸກຄາບ ສາມາດກິນຂອງຫວານໄດ້ແຕ່ຢ່າດຸເກີນໄປ

2.”ບໍ່ມັນບໍ່ກິນ” ຊີ້ນສັດຕ້ອງຊຸ່ມໄປດ້ວຍໄຂມັນ ເພື່ອໃຫ້ໄດ້ລົດສໄພັດທີ່ນຸ້ມລິ້ນ ການຕິດກິນອາຫານມັນເຮັດໃຫ້ຕຸ້ຍໄດ້ແບບບໍ່ຮູ້ໂຕ ລອງກິນຊີ້ນສັດທີ່ມີໄຂມັນຕ່ຳເຊັ່ນ ຊີ້ນໄກ້ບໍ່ຕິດໜັງ ແລະປາທູແດ່

3.”ຕິດປຸງລົດຊາດ” ສັ່ງອາຫານບໍ່ທັນໄດ້ຊິມກໍ່ລາດນ້ຳປາສາດນ້ຳຕານຈົນຕິດມື ຄວນລອງກິນອາຫານໂດຍທີ່ບໍ່ປຸງເພີ້ມຫຼືປຸງໃຫ້ໜ້ອຍທີ່ສຸດແດ່ ເພາະສ່ວນໃຫຍ່ແມ່ຄົວເຂົາກໍ່ປຸງມາແລ້ວ

4.”ກິນແຕ່ອາຫານສະດວກຊື້” ຄວາມຟ້າວຟັ່ງບໍ່ມີເວລາຂອງຊາວເມືອງ ອາດເຮັດໃຫ້ເຮົາຊື້ອາຫານສຳເລັດຮູບ ຫຼືອາຫານແຊ່ແຂງມາກິນຢູ່ຕະຫຼອດ ຄວາມຈິງແລ້ວອາຫານເຫຼົ່ານີ້ມັກມີຄຸນຄ່າທາງສານອາຫານໜ້ອຍກວ່າອາຫານປຸງສົດໃໝ່ ແລະຍັງມີປະລິມານໂຊດຽມຫຼາຍອີກດ້ວຍ

5.”ມັກແນວໃດ ກໍ່ຈະກິນແບບນັ້ນ” ການກິນແຕ່ອາຫານທີ່ມັກຊ້ຳໆ ເຮັດໃຫ້ຮ່າງກາຍຂອງເຮົາໄດ້ຮັບແຕ່ສານອາຫານເດີມໆຊ້ຳໆ ບໍ່ຫຼາກຫຼາຍ ແລະບໍ່ພຽງພໍຕໍ່ຄວາມຕ້ອງການຂອງຮ່າງກາຍ

6.”ບໍ່ກິນຜັກມາກໄມ້” ການບໍກິນຜັກໝາກໄມ້ ເຮັດໃຫ້ໄດ້ຮັບວິຕາມິນເກືອແຮ່ບໍ່ພຽງພໍຕໍ່ຄວາມຕ້ອງການຂອງຮ່າງກາຍ ລວມໄປເຖິງຂາດກາກໃຍອາຫານທີ່ຈະຊ່ວຍໃຫ້ລະບົບຂັບຖ່າຍທຳງານໄດ້ດີອີກດ້ວຍ

7.”ບໍ່ກິນອາຫານເຊົ້າ” ອາຫານທັງ 3 ຄາບສຳຄັນຕໍ່ຮ່າງກາຍ ຄາບເຊົ້າຊ່ວຍໃຫ້ເຮົາເຮັດກິດຈະກຳໃນຕອນເຊົ້າໄດ້ເປັນຢ່າງດີ ທັງຮຽນທັງເຮັດວຽກ

8.”ຕິດເຄື່ອງດື່ມ” ເຄື່ອງດື່ມອື່ນໆມັກມີສ່ວນຜະສົມຂອງນ້ຳຕານ ຫາກເຮົາຕິດເຄື່ອງດື່ມເປັນປະຈຳທຸກວັນ ອາດເຮັດໃຫ້ໄດ້ຮັບພະລັງງານຫຼາຍເກີນໄປໃນແຕ່ລະວັນ ເຮັດໃຫ້ສ່ຽງໂລກຕຸ້ຍ ຫຼືໄຂມັນອຸດຕັນເສັ້ນເລືອດໄດ້

9.”ຕິດແອວກໍຮໍ” ແອວກໍຮໍເປັນໂຕການຮ້າຍທີ່ເຮັດໃຫ້ຮ່າງກາຍເຊື່ອມໂຊມ ດັ່ງນັ້ນຈຶ່ງບໍ່ຄວນດື່ມແອວກໍຮໍຫຼາຍເກີນໄປ

10.”ກິນອາຫານສຸກໆດິບໆ” ອາຫານສຸກໆດິບໆສ່ຽງພະຍາດແລະເຊືອໂລກຕ່າງໆທີ່ບໍ່ໄດ້ຖືກກຳຈັດຫຼືຂ້າໃຫ້ຕາຍດ້ວຍຄວາມຮ້ອນ ດັ່ງນັ້ນຄວນປຸງອາຫານໃຫ້ສຸກກ່ອນ

 

ຂໍ້ມູນຈາກ: sanook

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *