ນັກວິເຄາະບອກ.! Apple ຈະເປີດຕົວ iPhone ເຖີງ 4 ລຸ້ນ ໃນປີ 2020 ເພື່ອກະຕຸ້ນຍອດຂາຍ

JP Morgan ໄດ້ເປີດເຜີຍວ່າ Apple ຈະພະຍາຍາມເພີ້ມຍອດຈຳໜ່າຍ iPhone ໃນປີ 2020 ໂດຍ ການເປີດຕົວ iPhone ຈຳນວນ 4 ລຸ້ນ ເຊີ່ງນັກວິເຄາະໄດ້ຄາດການວ່າ ຈະມີ 3 ລຸ້ນ ທີ່ໃຊ້ຈໍ OLED ພ້ອມກັບຊິບໂມເດັມ 5G ແລະ ຢ່າງນ້ອຍ 2 ລຸ້ນ ທີ່ຈະໄດ້ຮັບການຕິດຕັ້ງເຊັນເຊີ້ວັດໄລຍະ ToF (Time of Flight)

ນອກຈາກນີ້ ນັກວິເຄາະຈາກ JPMorgan ຍັງໄດ້ເປີດເຜີຍອີກວ່າ Apple ກຳລັງຈະຂະຫຍາຍຕະຫຼາດ ໄປຫາສະມາດໂຟນທີ່ມີຂະໜາດຕົວເຄື່ອງ ເທົ່າກັບ iPhone 8 ແຕ່ມີຊິບເຊັດໂມເດັມ 5G ແລະ ມີລາຄາຖືກລົງ.

ຢ່າງໃດກໍ່ດີ Apple ຈະເປີດຕົວ iPhone 11 ໃນຊ່ວງເດືອນກັນຍານີ້ ໂດຍຈະມີດ້ວຍກັນ 3 ລຸ້ນຄື:

iPhone 11 ລຸ້ນມາດຕະຖານ ຈໍ OLED ຂະໜາດ 5.4 ນິ້ວ, ກ້ອງຫຼັງ 3 ຕົວ

iPhone 11R ລຸ້ນລາຄາປະຫຍັດ ຕໍ່ເນື່ອງຈາກ iPhone XR ຈໍ OLED ຂະໜາດ 6.1 ນິ້ວ ກ້ອງຫຼັງ 2 ຕົວ

iPhone Max ລຸ້ນພຣີມ້ຽມທີ່ສຸດ ຕໍ່ເນື່ອງຈາກ iPhone XS Max ຈໍ OLED ຂະໜາດ 6.7 ນິ້ວ ກ້ອງຫຼັງ 3 ຕົວ

Leave a Reply

Your email address will not be published. Required fields are marked *