ໃຊ້ມາດຕະການເດັດຂາດແລ້ວຕໍ່ກັບ ຮ້ານບັນເທີງ,ຮ້ານກິນດື່ມທີ່ເມີນເສີຍ

ຄະນະສະເພາະກິດຈາກພະ ແນກ ຖວທ ແຂວງ, ຈາກກອງ ບັນຊາການ ປກສ ແຂວງ, ນະ ຄອນໄກສອນ ພົມວິຫານ ແລະ ຫ້ອງການ ຖວທ ນະຄອນ ໄກ ສອນ ພົມວິຫານ ໄດ້ລົງກວດກາ ແລະບັງຄັບໃຊ້ມາດຕະການທີ່ ເດັດຂາດແລ້ວຕໍ່ກັບຮ້ານບັນ ເທີງ, ຮ້ານອາຫານ ແລະຮ້ານ ກິນດື່ມ-ປີ້ງແກ້ມ ທີ່ບໍ່ປະຕິບັດຕາມລະບຽບການຫລືວ່າເມີນເສີຍ ກັບຄໍາແຈ້ງການເລກທີ 0749/ຖວທ, ລົງວັນທີ 6 ພຶດ ສະພາ 2019 ຊຶ່ງກໍ່ໄດ້ຮັບ ສະແດງຄວາມຊື່ນຊົມຈາກ ສັງຄົມເປັນຈໍານວນຫລວງ ຫລາຍ ໃນນີ້ຄໍາແຈ້ງການດັ່ງກ່າວແມ່ນມີຜົນບັງຄັບໃຊ້ເລີ່ມແຕ່ວັນທີ 1 ກໍລະກົດ 2019 ເປັນຕົ້ນໄປ.

ຊຶ່ງໃນວັນທີ 5 ກໍລະກົດ 2019 ເລີ່ມແຕ່ເວລາ 20 ໂມງ 30 ນາທີ ຄະນະສະເພາະ ພະແແນກ ຖວທ ແຂວງ, ປະ ກອບມີ: ຫ້ອງການບໍລິຫານ ພະແນກ, ຂະແໜງວັດທະ ນະທໍາ, ທ່ອງທ່ຽວ, ກວດກາ, ເຈົ້າໜ້າທີ່ ປກສ ແຂວງ, ຫ້ອງ ການ ຖວທ ນະຄອນໄກສອນ ພົມວິຫານ ແລະສື່ມວນຊົນຈໍາ ນວນໜຶ່ງໄດ້ລົງກວດກາ ແລະ ບັງຄັບໃຊ້ມາດຕະການຕໍ່ກັບຮ້ານບັນເທີງ, ຮ້ານອາຫານ, ຮ້ານກິນດື່ມ-ປີ້ງແກ້ມ ໃນນີ້ມີ ຮ້ານ ໂຮມເບຍ ຂອງ ທ້າວອັກ ຄະລະ ຢູ່ບ່້ານນາເລົ່າ, ຮ້ານສຸກ ສະຫວັນຂອງນາງມະນີສອນ ຢູ່ບ້ານໄຊຍະພູມ ແລະຮ້ານ ລາວ ຈະເລີນບາຢູ່ບ້ານໄຊຍະພູມ ຊຶ່ງທັງສາມຮ້ານດັ່ງກ່າວແມ່ນ ເຄື່ອນໄຫວບໍ່ສອດຄ່ອງກັບລະບຽບຫລັກການ: ເປັນຕົ້ນແມ່ນທາງການບໍ່ອະນຸຍາດໃຫ້ເປີດບໍລິການເຄື່ອງສຽງ ແລະເຄື່ອງ ດົນຕີທຸກປະເພດເສບຢູ່ຂ້າງນອກອາຄານເກີດມີສຽງດັງ ເກີນຂອບເຂດ, ມີການນໍາໃຊ້ຈໍ LCD ເຄື່ອງສາຍໂປຣເຈັກເຕີ, ຮ້ອງເພງຄາລາໂອເກະ ແລະ ມີການເສບໂຟັກຊ໋ອງອື່ນໆ ເຫັນ ວ່າດໍາເນີນກິດຈະການລັກສະ ນະນີ້ແມ່ນບໍ່ສອດຄ່ອງກັບລະ ບຽບກົດໝາຍ ຊຶ່ງທາງພາກ ສ່ວນກ່ຽວໄດ້ມີການກວດກາ ແລະຕິດຕາມທັງເຮັດບົດບັນ ທຶກ ຜ່ານ​ມາກໍ່ໄດ້ມີການຮ້ອງ ຟ້ອງຈາກສັງຄົມບໍ່ຈັກວ່າເທົ່າ ໃດແລ້ວ.

ໃນໂອກາດລົງກວດກາຊຸກ ຍູ້ການບັງຄັບໃຊ້ລະບຽບກົດ ໝາຍ ເພື່ອກະກຽມໃຫ້ແກ່ການ ອາຍັດເຄື່ອງສຽງປະເພດ ຕ່າງໆຢູ່ບັນດາຮ້ານບັນເທີງ, ຮ້ານອາຫານປະກົດວ່າໄດ້ຮັບ ການຮ່ວມມືຈາກຜູ້ປະກອບ ການທຸລະກິດບັນເທີງເປັນ ຢ່າງດີ ເປັນຕົ້ນໃຫ້ການຮ່ວມມືໃນການເລີກຮື້ ປະເພດເຄື່ອງ ສຽງ, ເຄື່ອງເສບດົນຕີ, ເຄື່ອງ ສາຍໂປຣເຈັກເຕີ ແລະຈໍແອວ ຊີດີກະທັ້ງໂຟ໋ກຊ໋ອງທັງໝົດ ເອງ ພ້ອມທັງປະກາດໂຕວ່າ: ຈະຖືເອົາຮ້ານອາຫານດາວ ຮຸ່ງ, ຮ້ານອາຫານລາວເດີມ ແລະຮ້ານອາຫານພູນສຸກ ເປັນຕົວແບບທີ່ມີການເປີດສຽງ ຄ່ອຍໆເບົາໆ.. ທັງນີ້ກໍ່ເພື່ອບໍ່ ຢາກໃຫ້ທາງການອາຍັດ ແລະ ຮ້ານຖືກໂຈະການບໍລິ ການ.

ຄະນະສະເພາະກິດກ່ຽວ ກັບການແກ້ໄຂປະກົດການຫຍໍ້ ທໍ້ທາງດ້ານບັນເທີງໃຫ້ສໍາ ພາດຕໍ່ທິມຂ່າວໜັງສືພິມວ່າ: ທິມງານຈະສືບຕໍ່ລົງເຄື່ອນ ໄຫວ ຢ່າງແຂງແຮງ ຕໍ່ກັບຮ້ານ ບັນເທີງ, ຮ້ານອາຫານ, ຮ້ານ ປີ້ງແກ້ມຕ່າງໆພາຍໃນນະ ຄອນ ໄກສອນ ພົມວິຫານ ເຖິງ ວ່າມີບາງຄັ້ງບາງຄາວອໍາ ນາດການປົກຄອງທ້ອງຖິ່ນ ແລະເຈົ້າໜ້າທີ່ຕໍາຫລວດກຸ່ມ ບ້ານ ຍັງບໍ່ທັນໃຫ້ການຮ່ວມ ໄມ້ຮ່ວມມືພໍປານໃດແຕ່ວ່າ ວຽກງານກວດກາກໍ່ໄດ້ຖືກຈັດ ຕັ້ງປະຕິບັດເປັນຂັ້ນເປັນ ຕອນ.

 

ຂໍ້ມູນຈາກ: ນສພ ສະຫວັນພັດທະນາ

Leave a Reply

Your email address will not be published. Required fields are marked *