ລາວໂຕໂຢຕ້າ ແຊ້ມເກົ່າ ຊະນະ ຊ້າງນ້ອຍ ວຸດວຸດ!! ລາວ ພຣີເມ໋ຍລີກ 2019

ການແຂ່ງຂັນເຕະບານ ລາວ ພຣີເມ໋ຍລີກ 2019 ຄູ່ຕົກຄ້າງ ລະຫວ່າງ ລາວ ໂຕໂຢຕ້າ ແຊ້ມເກົ່າ ພົບກັບ ຊ້າງນ້ອຍ ເອຟຊີ ທີ່ສະໜາມແຫ່ງຊາດ ຫຼັກ 16. ນັດທີ 1 ເມື່ອວັນທີ 22 ມິຖຸນາຜ່ານມາ ຊ້າງນ້ອຍ ເປັນຝ່າຍຊະນະ ລາວໂຕໂຢຕ້າ 2-1

ຊຶ່ງເປັນການຊະນະ ລາວ ໂຕໂຢຕ້າ ຄັ້ງທຳອິດຈາກ 6 ນັດທີ່ພົບກັນ ຢຸດສະຖິຕິ ຊະນະ 9 ນັດລວດຂອງແຊ້ມເກົ່າໃນລີກ ແລະ ມອບຄຳວ່າປະລາໄຊນັດທຳອິດໃນລີກປີນີ້ໃຫ້ ລາວໂຕໂຢຕ້າ.

ແລະ ມານັດນີ້ ຊ້າງນ້ອຍ ຍັງສູ້ໄດ້ດີ ແລະ ເບິ່ງຄືວ່າຈະຈົບລົງດ້ວຍການແບ່ງຄະແນນ, ແຕ່ແຊ້ມເກົ່າມາໄດ້ປະຕູໄຊ ໃນທ້າຍເກມຈາກກອງຫລັງຕົວຫລັກຂອງທິມ ເກດສະດາ ສຸກສະຫວັນ ນາທີ 87′ ລາວ ໂຕໂຍຕ້າ ຊະນະ ຊ້າງນ້ອຍ ເອຟຊີ ແບບວຸດວິດ 1-0 ແລະ ມອບຄຳວ່າເສຍນັດທຳອິດໃນ ຊ້າງນ້ອຍ ພ້ອມເກັບ 3 ຄະແນນສຳຄັນ ຍຶດຕໍາແໜ່ງຜູ້ນຳຕໍ່ໄປ ໜີຫ່າງຊ້າງນ້ອຍອັນດັບສອງ 3 ຄະແນນ ແລະ ຍັງແຂ່ງໜ້ອຍກວ່າ 1 ນັດ.

ລາວ ໂຕໂຍຕ້າ ແຂ່ງ 9 ນັດ, ຊະນະ 7 ນັດ, ສະເໝີ 1 ນັດ, ເສຍ 1 ນັດ, ມີ 22 ຄະແນນ, ມີປະຕູໄດ້-ເສຍ +24 ປະຕູ; ອັນດັບ 2 ຊ້າງນ້ອຍ ເອຟຊີ ແຂ່ງ 10 ນັດ, ຊະນະ 5 ນັດ, ສະເໝີ 4 ເສຍ 1 ນັດ, ມີ 19 ຄະແນນ, ມີປະຕູໄດ້-ເສຍ +13 ປະຕູ.

ສຳລັບ ການແຂ່ງຂັນເຕະບານ ລາວ ພຣີເມ໋ຍລີກ ອາທິດທີ 11 ຈະແຂ່ງຂັນໃນວັນທີ 20 ແລະ 21 ກໍລະກົດ 2019: ວັນທີ 20 ກໍລະກົດ ມີການແຂ່ງຂັນ 2 ຄູ່: ເວລາ 16:00 ລາວ ໂຕໂຍຕ້າ ເອຟຊີ ພົບ ອີໂວ້ ຢູໄນເຕັດ ແລະ ເວລາ 18:45 ປກສ ເອຟຊີ ພົບ ກອງທັບ ເອຟຊີ. ສ່ວນວັນທີ 21 ກໍລະກົດ ເວລາ 17:00 ມາສເຕີ 7 ເອຟຊີ ພົບ ຊ້າງນ້ອຍ ເອຟຊີ, ທັງ 3 ຄູ່ແຂ່ງຂັນຢູ່ສະໜາມກິລາແຫ່ງຊາດລາວ ຫຼັກ 16.

 

 

ຂໍ້ມູນມາຈາກ : ສະປອດອັບເດດ

Leave a Reply

Your email address will not be published. Required fields are marked *