ເນມາຣ ຍ້າຍໄດ້! ແຕ່ຂໍ້ສະເໝີຕ້ອງເໝາະສົມ!! ຜູ້ອຳນວຍການ PSG ກ່າວ!!!

ຂ່າວຊ່າລືເລື່ອງການຍ້າຍທິມຂອງ ເນມາຣ ດາວຍິງທິມຊາດເບຣຊິນທີ່ມູນຄ່າແພງສຸດເປັນສະຖິຕິໂລກ ມີຕໍ່ເນື່ອງເປັນກະແສລາຍວັນ ໂດ່ງດັງໄປທົ່ວໂລກ.

ຫລ້າສຸດ ລີໂອນາຣໂດ້ ອະດີດກອງກາງທິມຊາດເບຣຊິນ ແລະ ສະໂມສອນ ປາຣິສ ແຊັງແຊກແມັງ (PSG) ທີ່ເປັນຜູ້ອຳນວຍການດ້ານການກິລາຂອງທິມໃນປະຈຸບັນ ອອກມາກ່າວວ່າ: ” ເນມາຣ ສາມາດຍ້າຍໄດ້! ແຕ່ຂໍ້ສະເໝີມາຊຶ້ ເນມາຣ ຕ້ອງເໝາະສົມ!! ແລະ ກ່າວຢໍ້າວ່າ: ຍັງບໍ່ມີຂໍ້ສະເໝີຈາກທິມໃດ, ໄດ້ຍິນແຕ່ຂ່າວລືວ່າ ບາຣຊ້າ ທິມເກົ່າຂອງ ເນມາຣ ໃຫ້ຄວາມສົນໃຈ ” ແຕ່ເລື່ອງແບບນີ້ຫລາຍຄົນຄືຊິຮູ້ກັນດີ ມື້ນີ້ເປັນແບບໜຶ່ງ ມື້ອື່ນອາດເປັນອີກແບບໜຶ່ງ, ບານເຕະມັນມັກເປັນແບບນີ້.

ນອກຈາກນີ້ ລີໂອນາຣໂດ້ ຍັງກ່າວບາງຕອນສຳຄັນຕື່ມວ່າ: ” ພວກເຮົາຕ້ອງການນັກເຕະທີ່ພ້ອມຢູ່ກັບທິມເພື່ອສ້າງຜົນສຳເລັດຮ່ວມກັນ, ບໍ່ຕ້ອງການນັກເຕະທີ່ມາເພື່ອຫວັງຜົນປະໂຫຍດເພື່ອເງິນຢ່າງດຽວ ”

ສຳລັບ ເນມາຣ ສັນຍາຍັງເຫລືອກັບ PSG ອີກ 3 ປີ ໂດຍຍ້າຍຈາກ ບາຣເຊໂລນ້າ ມາຮ່ວມທິມໃນເດືອນສິງຫາ ປີ 2017 ດ້ວຍຄ່າໂຕເປັນສະຖິຕິສູງສຸດ 222 ລ້ານເອີໂຣ ລົງສະໜາມຊ່ວຍທິມທັງໝົດ 58 ນັດ ຍິງໄດ້ 51 ປະຕູ, ຕັ້ງແຕ່ຍ້າຍມາ ເນມາຣ ພົບກັບບັນຫາອາການບາດເຈັບລົບກວນທຸກລະດູການ ເປັນສາເຫດບໍ່ໄດ້ລົງສະໜາມຢ່າງຕໍ່ເນື່ອງ ແລະ ພາດໂອກາດຊ່ວຍທິມນັດສຳຄັນ. ຫລ້າສຸດກໍ່ບໍ່ສາມາດຊ່ວຍທິມຊາດເບຣຊິນ ໃນເສິກ ໂຄປ້າ ອາເມຣິກາ 2019 ແຕ່ເບຣຊິນກໍ່ສາມາດຄວ້າແຊ້ມໄດ້.

 

 

ຂໍ້ມູນມາຈາກ : ສະປອດອັບເດດ

 

Leave a Reply

Your email address will not be published. Required fields are marked *