ບໍລິສັດມືຖື ກຳປູເຈຍ-ຫົວເຫວີຍຈີນ ຮ່ວມມືທົດລອງ 5 ຈີ

ຕາມແຫລງຂ່າວ ຣອຍເຕີ, ບໍລິສັດSmart Axiata ກໍາປູເຈຍ ເປີດເຜີຍວ່າ ໄດ້ເລີ່ມທົດລອງ ເຄືອຂ່າຍ 5 ຈີ ຮ່ວມກັນກັບບໍລິສັດ Huawei Technologies ຂອງຈີນ. ຄາດວ່າ ຈະສາມາດ ເລີ່ມໃຫ້ ບໍລິການ ເຄືອຂ່າຍ ໂທລະສັບມືຖື ໄດ້ພາຍໃນປີນີ້. ບໍລິສັດ Smart Axiata ເປັນສາຂາໜື່ງຂອງບໍລິສັດ Axiata Group Behard ຜູ້ໃຫ້ບໍລິການ ເຄືອຂ່າຍໂທລະສັບ ມືຖືຂະໜາດໃຫຍ່ ຂອງມາເລເຊຍ ຊຶ່ງໃຫ້ບໍລິການ ເຄືອຂ່າຍ ໂທລະສັບ ມືຖື ຕໍ່ຊາວກຳປູເຈຍ ໂດຍກວມເອົາອັດຕາສ່ວນ ເກືອບເຄິ່ງໜຶ່ງຂອງປະເທດ. ຂະນະດຽວກັນ ລັດຖະບານ ກຳປູເຈຍ ໄດ້ລົງນາມ ບົດບັນທຶກຄວາມເຂົ້າໃຈ ກັບ ບໍລິສັດ ຫົວເຫວີຍ ເມື່ອເດືອນ ເມສາ ຜ່ານມາ ເພື່ອຊ່ວຍ ພັດທະນາລະບົບ ໂທລະ ຄົມມະນາຄົມ 5 ຈີ ຂອງປະເທດ. ໃນໄລຍະທຳອິດ, ລະບົບ 5 ຈີ ຈະບໍ່ສາມາດ ຄວບຄຸມ ໄປທົ່ວປະເທດ ແຕ່ຈະມີຕາມຈຸດສຳຄັນ ແລະ ເຂດຕົວເມືອງ ຈາກນັ້ນ ຈະເລີ່ມຂະຫຍາຍ ໄປພື້ນທີ່ອື່ນໆ. ຄາດວ່າ ບໍລິສັດ Smart Axiata ຈະລົງທຶນ ຫລາຍຮ້ອຍລ້ານ ໂດລາສະຫະລັດ ໃນອະນາຄົດ ກັບເຄືອຂ່າຍ 5 ຈີ ແລະ ບໍລິສັດ ອື່ນໆ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *