ປກສ ນະຄອນຫຼວງວຽງຈັນ ຈັດເຝິກອົບຮົມສ້າງວິຊາຊີບໃຫ້ຜູ້ປິ່ນປົວ ແລະ ບຳບັດ ຢາເສບຕິດ

ສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ ຂອງກອງບັນຊາການ ປກສ ນະຄອນຫຼວງວຽງຈັນ ໄດ້ຈັດພິທີເປິດຊຸດຝຶກອົບຮົມຄວາມຮູ້ພື້ນຖານ ກ່ຽວກັບກົດໝາຍໃຫ້ແກ່ຜູ້ປິ່ນປົວ ແລະ ບໍາບັດຢາເສບຕິດທີ່ເຂົ້າຮ່ວມໂຄງການປິ່ນປົວແບບມີສ່ວນຮ່ວມຂອງຫຼາຍພາກສ່ວນ ຈໍານວນ 24 ຄົນ ເມື່ອວັນທີ 8 ກໍລະກົດ ຜ່ານມາ ໂດຍໃຫ້ກຽດເຂົ້າຮ່ວມຂອງ ພັທ ແສງທອງ ເກື້ອບຸນລໍ້າ ຮອງຫົວໜ້າຫ້ອງຕໍາຫຼວດ ຫົວໜ້າສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ, ມີ ທ່ານ ໜູພອນ ພົມມະຫາໄຊ ຮອງຫົວໜ້າສູນບໍລິການຄວາມຮູ້ທາງດ້ານກົດໝາຍເພື່ອປະຊາຊົນ ພ້ອມດ້ວຍພໍ່ ແລະ ແມ່ຜູ້ປົກຄອງຂອງຜູ້ປິ່ນປົວເຂົ້າຮ່ວມ.

ເພື່ອເປັນການສ້າງວິຊາຊີບ ແລະ ຍົກລະດັບຄວາມຮູ້, ຄວາມສາມາດໃຫ້ແກ່ຜູ້ປິ່ນປົວ ແລະ ບໍາບັດຜູ້ຕິດຢາເສບຕິດ ເຊິ່ງໄດ້ນໍາເອົາວິຊາທີ່ຈະໄດ້ຮຽນມີຄື: 1 ຄວາມຮູ້ທາງດ້ານກົດໝາຍ ໃນນີ້ ວ່າດ້ວຍກົດໝາຍທຸລະກິດ, ກົດໝາຍອາຍາ, ກົດໝາຍແພ່ງ ແລະ ລັດຖະສາດ, 2 ວິຊາໄຟຟ້າພາຍໃນອາຄານ ແລະ 3 ຮຽນຂັບລົດບັນທຸກ, ລົດເກດ, ລົດເບົາ ແລະ ລົດຈັກ.ໃນນີ້ ຈະໄດ້ແບ່ງເປັນ 2 ພາກຄື: ພາກທິດສະດີ ແລະ ພາກປະຕິບັດຕົວຈິງ.

ພັທ ແສງທອງ ເກື້ອບຸນລໍ້າ ຮອງຫົວໜ້າຫ້ອງຕໍາຫຼວດ ຫົວໜ້າສູນປິ່ນປົວ ແລະ ຝຶກວິຊາຊີບຜູ່ຕິດຢາເສບຕິດ ໄດ້ກ່າວວ່າ: ຈຸດປະສົງໃນການເປິດຝຶກອົບຮົມວິຊາຊີບໄລຍະສັ້ນໃນຄັ້ງນີ້ ກໍເພື່ອເປັນການຍົກລະດັບຄວາມຮູ້, ຄວາມສາມາດໃຫ້ແກ່ເຂົາເຈົ້າ ພາຍຫຼັງທີ່ຖືກປ່ອຍຕົວອອກໄປສູ່ສັງຄົມ ໃຫ້ນໍາເອົາວິຊາຊີບທີ່ໄດ້ຮໍ່າຮຽນມານັ້ນ ໄປໝູນໃຊ້ໃຫ້ເກີດປະໂຫຍດກັບຕົນເອງ, ຄອບຄົວ ແລະ ສັງຄົມ.

 

ແຫຼ່ງຂ່າວ: ປ້ອງກັນຄວາມສະຫງົບ

 

Leave a Reply

Your email address will not be published. Required fields are marked *