ສປຊ ເປັນ​ຫ່ວງ​ຕໍ່​ເງື່ອນໄຂ​ການ​ດຳລົງ​ຊີວິດ​ຢູ່​ໃນ​ສູນ​ຜູ້​ຍ້າຍ​ຖິ່ນ​ຖານ​ຢູ່​ໃນ ສ ອາ​ເມ​ຣິ​ກາ

ທ່ານ​ນາງ ມີ​ແຊລ ບາ​ເຊ​ເລດ ຂ້າ​ຫຼວງ​ໃຫຍ່​ຂອງ​ສະຫະ​ປະຊາ​ຊາດ (​ສປຊ) ກ່ຽວ​ກັບ​ສິດທິ​ມະນຸດ ໃຫ້​ຮູ້​ວ່າ​ນາງ​ມີ​ຄວາມ​ຕົກໃຈ​ຕໍ່​ເງື່ອນໄຂ ທີ່​ຜູ້​ຍ້າຍ​ຖິ່ນ​ຖານ ແລະ ຜູ້​ລີ້​ໄພ ພວມ​ປະ​ເຊີນ​ຢູ່​ໃນ​ບັນດາ​ສູນ​ກັກ​ກັນ​ຊົ່ວຄາວ ຢູ່​ໃນ ສ ​ອ​ເມ​ຣິ​ກາ.

ທ່ານ​ນາງ ບາ​ເຊ​ເລດ ຖະແຫຼງ​ເມື່ອ​ວັນ​ທີ 8 ກໍລະກົດ​ນີ້​ວ່າ ໃນ​ຖານະ​ທີ່​ເປັນ​ທ່ານໝໍ​ຂະແໜງ​ເດັກນ້ອຍ ເປັນ​ແມ່ ແລະ ເຄີຍ​ເປັນ​ປະມຸກ​ລັດ​ຂອງ​ຊີ​ເລ ນັ້ນ ນາງ​ຮູ້ສຶກ​ເຈັບ​ປວດ ແລະ ເສົ້າ​ໃຈ ໃນ​ເມື່ອ​ເຫັນ​ພວກ​ເດັກນ້ອຍ​ຕ້ອງ​ໄດ້​ນອນ​ຢູ່​ກັບ​ພື້ນ​ເຮືອນ ຍ້ອນ​ວ່າ​ຜູ້​ຍ້າຍ​ຖິ່ນ​ຖານ​ມີ​ເກີນ​ຄວາມ​ສາມາດ​ຮອງ​ຮັບ ໃນ​ຂະນະ​ທີ່​ການ​ບໍລິການ​ດູ​ແລ​ສຸຂະພາບ​ຂັ້ນ​ພື້ນຖານ ບໍ່​ມີ​ຄວາມ​ຮັບປະກັນ ແລະ ເງື່ອນໄຂ​ດ້ານ​ອະນາໄມ​ຢູ່​ໃນ​ສະພາບ​ທີ່​ຂີ້ຮ້າຍ.

ເມື່ອ​ອາທິດ​ທີ່​ຜ່ານ​ມາ ກະຊວງ​ຄວາມ​ໝັ້ນຄົງ​ພາຍ​ໃນ​ຂອງ ສ ອາ​ເມ​ຣິ​ກາ (DHS) ກໍ​ໄດ້​ແຈ້ງ​ເຕືອນ​ເຖິງ​ສະພາບ ການ​ຮອງ​ຮັບ​ລົ້ນ​ເຫຼືອ​ທີ່​ອັນຕະລາຍ ຢູ່​ໃນ​ບັນດາ​ສູນ​ສູນ​ກັກ​ກັນ​ຜູ້​ຍ້າຍ​ຖິ່ນ​ຖານ​ຈຳນວນ​ຫຼາຍ ທີ່​ພາກັນ​ໜີ​ຈາກ​ຄວາມທຸກ​ຍາກ ແລະ ຄວາມ​ຮຸນ​ແຮງ ຢູ່​ໃນ​ບັນດາ​ປະເທດ​ໃນ​ເຂດ​ອາ​ເມ​ຣິກ​ກາ​ກາງ ເພື່ອ​ເຂົ້າ​ໄປ​ອາ​ໃສ​ຢູ່​ໃນ ສ ອາ​ເມ​ຣິ​ກາ.

Leave a Reply

Your email address will not be published. Required fields are marked *