ສຳຮອງ​ເງິນຕາ​ຕ່າງປະເທດ​ ຂອງ​ຈີນ​ເພີ່ມ​ຂຶ້ນ

ທະນາຄານ​ກາງຂອງ​ຈີນ (PBoC) ປະກາດ​ຕົວ​ເລກ​ອອກ​ມາ​ເມື່ອ​ວັນ​ທີ 8 ກໍລະກົດ​ນີ້ ຊີ້​ໃຫ້​ເຫັນ​ວ່າ ສຳຮອງ​ເງິນຕາ​ຕ່າງປະເທດ​ຂອງ​ຈີນ ໃນ​ເດືອນ​ມິຖຸນາ ປີ 2019 ເພີ່ມ​ຂຶ້ນ 182,3 ຕື້​ໂດ​ລາ​ສະຫະລັດ ຂຶ້ນ​ເປັນ 3.119 ຕື້​ໂດ​ລາ​ສະຫະລັດ ນັບ​ວ່າ​ສູງ​ກວ່າ​ເມື່ອ​ທຽບໃສ່​ການ​ຄາດ​ຄະເນ​ຈາກ​ການ​ສຳ​ຫຼວດ​ກ່ອນ​ໜ້າ​ນີ້.

ບັນດາ​ນັກ​ເສດຖະສາດ ທີ່​ເຂົ້າ​ຮ່ວມ​ການ​ສຳ​ຫຼວດ​ຂອງ​ບໍລິສັດ​ຂ່າວສານ Reuters ກ່ອນ​ໜ້າ​ນັ້ນ​ໃຫ້ການ​ຄາດ​ຄະເນ​ວ່າ ສຳຮອງ​ເງິນຕາ​ຕ່າງປະເທດ​ຂອງ​ຈີນ ໃນ​ເດືອນ​ມິຖຸນາ​ປີ​ນີ້ ຈະ​ເພີ່ມ​ຂຶ້ນ​ພຽງ 2 ຕື້​ໂດ​ລາ​ສະຫະລັດ ແລະ ຂຶ້ນ​ເປັນ 3.103 ຕື້​ໂດ​ລາ​ສະຫະລັດ.

ໃນ​ຂະນະ​ດຽວ​ກັນ ມູນ​ຄ່າ​ຂອງ​ສາງ​ຄຳ​ສຳຮອງ​ຂອງ​ຈີນ ເມື່ອ​ໄລ່​ຮອດ​ທ້າຍ​ເດືອນ​ມິຖຸນາ​ທີ່​ຜ່ານ​ມາ ໄດ້​ເພີ່ມ​ຂຶ້ນ​ເປັນ 87,27 ຕື້​ໂດ​ລາ​ສະຫະລັດ ທຽບໃສ່​ລະດັບ 79,83 ຕື້​ໂດ​ລາ​ສະຫະລັດ ທີ່​ບັນທຶກ​ໄວ້​ເມື່ອ​ທ້າຍ​ເດືອນ​ພຶດສະພາ​ທີ່​ຜ່ານ​ມາ.

Leave a Reply

Your email address will not be published. Required fields are marked *