ສະໜອງການບໍລິການທີ່ຈຳເປັນ ແກ່ແມ່ຍິງທີ່ຖືກເຄາະຮ້າຍ

ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ອົງ­ການ UNFPA ສູນ​ໃຫ້​ຄຳ​ປຶກ­ສາ ແລະ ປົກ​ປ້ອງ​ແມ່­ຍິງ-ເດັກ­ນ້ອຍ ສູນ​ກາງ​ສະ­ຫະ­ພັນ​ແມ່ຍິງ​ລາວ ຈັດ​ກອງ​ປະ­ຊຸມ​ປຶກ­ສາ​ຫາ­ລື​ກ່ຽວ​ກັບ​ການ​ສະ­ໜອງ​ການ​ບໍ­ລິ­ການ​ທີ່​ຈຳ­ເປັນ ແກ່​ແມ່­ຍິງ​ທີ່​ຖືກ​ຄວາມ​ຮຸນ​ແຮງ ຂຶ້ນ​ວັນ​ທີ 8-9 ກໍ­ລະ­ກົດ 2019 ຢູ່​ໂຮງ­ແຮມ​ລາວ​ພລາ​ຊາ ໂດຍ​ເປັນ​ປະ­ທານ​ຂອງ​ທ່ານ​ນາງ ບັນ­ດິດ ປະ­ທຸມ​ວັນ ຮອງ​ປະ­ທານ​ຄະ­ນະ​ບໍ­ລິ­ຫານ​ງານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ແລະ ທ່ານ​ນາງ ມາ​ຮຽມ ຄານ ຜູ້­ຕາງ­ໜ້າ​ອົງ­ການ UNFPA ປະ­ຈຳ​ລາວ ມີ​ຜູ້­ຕາງ­ໜ້າ​ຈາກ​ກະ­ຊວງ-ອົງ­ການ ສະ­ຫະ­ພັນ​ແມ່­ຍິງ ນວ ສະ­ຖານ­ທູດ ອົງ​ການ­ຈັດ­ຕັ້ງ​ສາ­ກົນ​ເຂົ້າ​ຮ່ວມ.

ເພື່ອ​ປຶກ­ສາ​ຫາ­ລື​ແລກ­ປ່ຽນ​ບົດ­ຮຽນ​ເຊິ່ງ​ກັນ ແລະ ກັນ ສ້າງ​ຄວາມ​ເປັນ​ເອ­ກະ​ພາບ​ກັນ​ໃນ​ການ​ປົກ​ປ້ອງ ແລະ ຊ່ວຍ­ເຫຼືອ​ແມ່­ຍິງ ແລະ ເດັກ​ຍິງ ທີ່​ຖືກ​ເຄາະ​ຮ້າຍ​ຈາກ​ການ​ໃຊ້​ຄວາມ​ຮຸນ​ແຮງ ລະ­ຫວ່າງ​ຂົງ­ເຂດ​ປົກ​ປ້ອງ​ກົດ­ໝາຍ ສາ­ທາ­ລະ­ນະ​ສຸກ ແລະ ຂົງ­ເຂດ​ທີ່​ເຮັດ​ໜ້າ­ທີ່​ປົກ​ປ້ອງ​ຊ່ວຍ­ເຫຼືອ​ຜູ້​ຖືກ​ເຄາະ​ຮ້າຍ ເພື່ອ​ຮັບ­ປະ­ກັນ​ໃຫ້​ຜູ້​ຖືກ​ເຄາະ​ຮ້າຍ​ໄດ້​ຮັບ​ການ​ຊ່ວຍ­ເຫຼືອ​ຢ່າງ​ທັນ​ການ ນອກ​ນີ້ ຍັງ​ໄດ້​ຮັບ​ຟັງ​ການ​ນຳ​ສະ­ເໜີ​ກ່ຽວ​ກັບ​ປະ­ຫວັດ​ຄວາມ​ເປັນ​ມາ ຈຸດ­ປະ­ສົງ ເປົ້າ​ໝາຍ​ຂອງ​ການ​ນຳ​ໃຊ້​ຄູ່​ມື​ວຽກ​ງານ​ດັ່ງ­ກ່າວ ເພື່ອ​ໃຫ້​ຜູ້​ເຂົ້າ​ຮ່ວມ​ເຂົ້າ­ໃຈ​ຕໍ່​ເນື້ອ​ໃນ ແລະ ມີ​ບ່ອນ​ອີງ​ໃນ​ການ​ປຶກ­ສາ​ຫາ­ລື​ກ່ຽວ​ກັບ​ຄວາມ​ເປັນ​ໄປ​ໄດ້​ໃນ​ການ​ໝູນ​ໃຊ້​ຄູ່​ມື​ດັ່ງ­ກ່າວ ເຂົ້າ​ມາ​ໝູນ​ໃຊ້​ຢູ່ ສປປ ລາວ ເຊິ່ງ​ຫຼາຍ​ປະ­ເທດ​ໄດ້​ນຳ​ເອົາ​ຄູ່​ມື​ນີ້​ໄປ​ນຳ​ໃຊ້​ແລ້ວ ບົນ​ພື້ນ­ຖານ​ເງື່ອນ­ໄຂ​ຂອງ​ຕົນ ການ​ສ້າງ­ຕັ້ງ​ກົນ​ໄກ​ທີ່​ຮັບ­ຜິດ­ຊອບ​ວຽກ​ງານ​ຕ້ານ ແລະ ສະ­ກັດ​ກັ້ນ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່­ຍິງ ແລະ ເດັກ ລວມ​ທັງ​ລະ­ບົບ​ການ​ສົ່ງ­ຕໍ່​ທີ່​ມີ​ປະ​ສິດ­ທິ​ຜົນ ເພື່ອ​ຮັບ­ປະ­ກັນ​ໃຫ້​ແມ່­ຍິງ ແລະ ເດັກ​ຍິງ ເຂົ້າ​ເຖິງ​ການ​ບໍ­ລິ­ການ​ຄົບ​ວົງ​ຈອນ ທັງ​ມີ​ການ​ວາງ​ແຜນ​ກິດ­ຈະ­ກຳ​ຮ່ວມ​ກັນ​ຂອງ​ແຕ່​ລະ​ພາກ­ສ່ວນ​ໃນ­ຕໍ່­ໜ້າ ກ່ຽວ​ກັບ​ວຽກ​ງານ​ຕ້ານ ແລະ ສະ­ກັດ​ກັ້ນ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່­ຍິງ ແລະ ເດັກ ຕາມ​ພາ­ລະ​ບົດ­ບາດ ແລະ ຄວາມ​ຮັບ­ຜິດ­ຊອບ​ຂອງ​ແຕ່​ລະ​ຂະ­ແໜງ­ການ.

ປັດ­ຈຸ­ບັນ ສປປ ລາວ ມີ​ຄວາມ​ຄືບ​ໜ້າ​ຫຼາຍ​ດ້ານ​ນະ­ໂຍ­ບາຍ​ແຫ່ງ​ຊາດ ແລະ ກົດ­ໝາຍ ເພື່ອ​ປ້ອງ​ກັນ ແລະ ຕອບ​ສະ­ໜອງ​ຕໍ່​ຄວາມ​ຮຸນ​ແຮງ​ທີ່​ເກີດ​ຂຶ້ນ​ກັບ​ແມ່­ຍິງ ແລະ ເດັກ​ຍິງ ຜູ້​ກໍ່​ການ​ລ່ວງ​ລະ­ເມີດ​ທາງ​ເພດ ແລະ ຄວາມ​ຮຸນ​ແຮງ​ທາງ​ເພດ ແມ່ນ​ຖືກ​ລະ­ເມີດ​ກົດ­ໝາຍ ທຸກ​ຮູບ​ແບບ​ຂອງ​ຄວາມ​ຮຸນ​ແຮງ​ໂດຍ​ກົງ ແລະ ທາງ​ອ້ອມ ແມ່ນ​ຖືກ​ຫ້າມ​ໂດຍ​ກົດ­ໝາຍ ຄວາມ​ສະ­ເໝີ­ພາບ​ຄວາມ​ທາງ​ເພດ ແລະ ການ​ສ້າງ​ຄວາມ​ເຂັ້ມ­ແຂງ​ຂອງ​ແມ່­ຍິງ ແມ່ນ​ຖື​ເປັນ​ບຸ­ລິ­ມະ­ສິດ​ຢູ່​ໃນ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ແຫ່ງ​ຊາດ ຄັ້ງ​ທີ 8 ແລະ ຂອບ​ແຜນ Noi ໄດ້​ສ້າງ​ຂຶ້ນ​ເພື່ອ​ເສີມ​ສ້າງ ແລະ ປົກ​ປ້ອງ​ສິດ­ທິ​ຂອງ​ເດັກ​ຍິງ.

Leave a Reply

Your email address will not be published. Required fields are marked *