ເກົາຫຼີເຫນືອ ແຈ້ງຂໍຍົກເລີກຂວ້ຳບາດບາງສ່ວນ

ສຳນັກຂ່າວຮອຍເຕີລາຍງານຈາກນະຄອນຮ່າໂນຍປະເທດຫວຽດນາມເມື່ອວັນທີ່ 28 ກຸມພາ 2019 ວ່າ ທ່ານຣີ ຢອງ ໂຮ ລັດຖະມົນຕີຕ່າງປະເທດເກົາຫຼີເຫນືອຖະແຫຼງວ່າ ເກົາຫຼີເຫນືອໄດ້ຍື່ນຂໍ້ສະເຫນີແທ້ໃນລະຫວ່າງການປະຊຸມສຸດຍອດຄັ້ງທີ່ 2 ທີ່ນະຄອນຮ່າໂນ້ຍເມື່ອວັນທີ່ 28 ກຸມພາ ທີ່ຜ່ານມາລະຫວ່າງປະທານາທິບໍດີໂດນັລ ທຣັມ ຂອງອາເມຣິກາ ກັບທ່ານຄິມ ຈອງ ອຶນ ຜູ້ນຳສູງສຸດຂອງເກົາຫຼີເຫນືອ ເຊື່ງຈົບລົງໂດຍບໍ່ມີການເຮັດຂໍ້ຕົກລົງໃດໆ ແຕ່ປະທານາທິບໍດີ ທຣັມ ໄດ້ຍອມຮັບວ່າ ເກົາຫຼີເຫນືອກ້າວໄປອີກຂັ້ນຫນື່ງແລ້ວໃນການຮື້ທຳລາຍໂຮງງານນິວເຄຼຍໃນເມືອງຢອງບອນຂອງເກົາຫຼີເຫນືອ

ລັດຖະມົນຕີຕ່າງປະເທດເກົາຫຼີເຫນືອກ່າວຕໍ່ໄປວ່າ ເກົາຫຼີເຫນືອໄດ້ສະເຫນີໃຫ້ທຳລາຍຖິ້ມຢ່າງຖາວອນສຳລັບພລູໂຕນຽມ ແລະຢູເຣນຽມທີ່ໃຊ້ໃນການຜະລິດນິວເຄຼຍຊື່ງຜູ້ຊ່ຽວຊານອາເມຣິກາໄດ້ອອກກວດສອບພົບ ນອກຈາກນັ້ນເກົາຫຼີເຫນືອຍັງໄດ້ ສະເຫນີໃຫ້ອາເມຣິກາຍົກເລິກມາດຕະການຂວ້ຳບາດເກົາຫຼີເຫນືອໃນບາງສ່ວນ ແຕ່ບໍ່ແມ່ນທັງຫມົດຊື່ງຂັດກັບຄຳກ່າວອ້າງຂອງ ປະທານາທິບໍດີທຣັມ

ປະທານາທິບໍດີ ທຣັມ ຖະແຫຼງກ່ອນຫນ້ານີ້ວ່າ ທ່ານຍ່າງອອກຈາກທີ່ປະຊຸມຫາລືເລື່ອງຂໍ້ຕົກລົງນິວເຄຼຍທີ່ນະຄອນຮ່າໂນຍເມື່ອ ວັນທີ່ 28 ກຸມພາທີ່ຜ່ານມາເພາະຮັບບໍ່ໄດ້ກັບຂໍ້ຮຽກຮ້ອງຂອງຜູ້ນຳເກົາຫຼີເຫນືອທີ່ໃຫ້ຍົກເລີກມາດຕະການຂວ້ຳບາດທີ່ມີອາເມຣິ ກາເປັນແກນນຳ

Leave a Reply

Your email address will not be published. Required fields are marked *