ນັກທ່ອງທ່ຽວຕ່າງປະເທດ ມາທ່ຽວຫວຽດນາມ ຫຼາຍເປັນປະຫວັດການ

ຂ່າວສານຫວຽດນາມ ອ້າງຕາມຂໍ້ມູນຈາກສະຫະກົມສະຖິຕິຫວຽດນາມ ທີ່ນຳອອກມາເປີດເຜີຍເມື່ອວັນທີ 28 ກຸມພາທີ່ຜ່ານມາ ໃຫ້ຮູ້ວ່າ ນັກທ່ອງທ່ຽວຕ່າງປະເທດ ທີ່ເດີນທາງເຂົ້າໄປທ່ອງທ່ຽວໃນຫວຽດນາມ ພາຍໃນເດືອນກຸມພາ ປີ 2019 ຄາດວ່າບັນລຸຫຼາຍ ກວ່າ 1,58 ລ້ານເທື່ອຄົນ ເພີ່ມຂຶ້ນ 5,8% ເມື່ອທຽບໃສ່ໃນເດືອນມັງກອນ ປີ 2019.ຕາມສະຖິຕິນັ້ນແລ້ວ ເດືອນກຸມພາ ປີ 2019 ເປັນເດືອນທີ່ຫວຽດນາມ ຕ້ອນຮັບນັກທ່ອງທ່ຽວຕ່າງປະເທດໄດ້ຫຼາຍເປັນປະຫວັດການ ທັງນີ້ກໍເນື່ອງຈາກວ່າໃນເວລາດັ່ງກ່າວ ຫວຽດນາມພວມຢູ່ໃນເທດສະການບຸນຕົ້ນປີ (ປີໃໝ່) ໂດຍມີຫຼາຍເຫດການທີ່ໜ້າປະທັບໃຈ ໃນການດຶງດູດນັກທ່ອງທ່ຽວສາກົນ.

ເມື່ອໄລ່ລວມໃນ 2 ເດືອນຕົ້ນປີ 2019 ແລ້ວ ນັກທ່ອງທ່ຽວຕ່າງປະເທດ ເຂົ້າໄປທ່ອງທ່ຽວໃນຫວຽດນາມ ຄາດວ່າບັນລຸທີ່ປະມານ 3 ລ້ານກວ່າເທື່ອຄົນ ເພີ່ມຂຶ້ນ 8% ເມື່ອທຽບໃສ່ໄລຍະເວລາດຽວກັນຂອງປີ 2018 ໃນນັ້ນນັກທ່ອງທ່ຽວທີ່ເດີນທາງໂດຍທາງການບິນ ເພີ່ມຂຶ້ນ 5,5%; ທາງບົກເພີ່ມຂຶ້ນ 29,5%; ແລະທາງທະເລຫຼຸດລົງ 40,7%.

ໃນຂະນະດຽວກັນ ວາລະສານ Forbes ຂອງ ສ ອາເມຣິກາ ໃຫ້ການຢັ້ງຢືນເມື່ອບໍ່ດົນມານີ້ວ່າ ຫວຽດນາມ ເປັນໜຶ່ງໃນ 14 ປາຍທາງ ທີ່ສົມແລ້ວວ່າເປັນປາຍທາງທີ່ເປັນບຸລິມະສິດ ຂອງນັກທ່ອງທ່ຽວທົ່ວໂລກ ໃນປີ 2019.

 

Leave a Reply

Your email address will not be published. Required fields are marked *