“ການປັບຄວາມສະຫວ່າງອັດຕະໂນມັດ” ສຳລັບ iPhone XS, XS Max ແລະ XR : ເພື່ອການຄວບຄຸມແສງໜ້າຈໍໄດ້ດັ່ງໃຈ

Auto Brightness (ປັບຄວາມສະຫວ່າງອັດຕະໂນມັດ) ເປັນຟັງຊັນການປັບຄວາມສະຫວ່າງຂອງໜ້າຈໍເໝາະສົມກັບສະພາວະແວດລ້ອມໂດຍອັດຕະໂນມັດ

ລ່າສຸດ Auto Brightness ໄດ້ຖືກປັບປ່ຽນໄປເລັກນ້ອຍໃນ iOS ເວີຊັ້ນລ່າສຸດນີ້ ໂດຍຜູ້ໃຊ້ iPhone XS, XS Max ແລະ XR ສາມາດປັບລຸດຫລືເພີ່ມລະດັບສະແດງໜ້າຈໍໄດ້ຢ່າງສະດວກສະບາຍຈາກໜ້າ Control Center ແຕ່ຄ່າທີ່ປັບນັ້ນຈະສະແດງຜົນພຽງແຕ່ຊົ່ວຄາວ ແລະຄວາມສະຫວ່າງຈະປັບມາເປັນຄ່າອັດຕະໂນມັດຕາມເດີມ

ນັ້ນເຮັດໃຫ້ຜູ້ໃຊ້ບໍ່ສາມາດປັບຄ່າຄວາມສະຫວ່າງໜ້າຈໍ່ເທິງ iPhone ໄດ້ຕາມທີ່ຕ້ອງການເຮົາມາເບິ່ງວິທີງ່າຍ ໆ ທີ່ຈະເປີດ/ປິດ Auto Brightness (ປັບຄວາມສະຫວ່າງອັດຕະໂນມັດ) ກັນ

  1. ໄປທີ່ Settings (ການຕັ້ງຄ່າ) ແລ້ວເລືອກໝວດ General (ທົ່ວໄປ)
  2. ເລືອກAccessibility (ການຊ່ວຍເຫລືອການເຂົ້າເຖິງ) ແລະກົດເລືອກ Display Accommodations (ການຊ່ວຍເຫລືອການສະແດງຜົນ)
  3. ໃນໜ້ານີ້ ຜູ້ໃຊ້ຈະເຫັນຫົວຂໍ້ Auto-Brightness (ປັບຄວາມສະຫວ່າງອັດຕະໂນມັດ) ຊຶ່ງສາມາດເລືອກກົດ ເປີດ ຫລື ປິດ ໄດ້ຕາມຕ້ອງການ on and off

ຢ່າງໃດກໍດີ Apple ໄດ້ອອກແບບຟັງຊັນ Auto Brightness (ປັບຄວາມສະຫວ່າງອັດຕະໂນມັດ) ໃຫ້ເບິ່ງລຽບງ່າຍ ແຕ່ເຂົ້າເຖິງການຕັ້ງຄ່າໄດ້ຍາກ ເນື່ອງຈາກຕ້ອງການໃຫ້ໜ້າຈໍຂອງ iPhone ນັ້ນສາມາດປັບຄວາມສະຫວ່າງໃຫ້ເໝາະສົມກັບດວງຕາໃນສະພາວະແສງຕ່າງໆ ໂດຍອັດຕະໂນມັດ ເພື່ອອຳນວຍຄວາມສະດວກໃຫ້ຜູ້ໃຊ້ບໍ່ຈຳເປັນຕ້ອງຄອຍຖ້າປັບຄ່າຄວາມສະຫວ່າງໜ້າຈໍດ້ວຍຕົນເອງຕະຫລອດຫມົດມື້ນັ້ນເອງ

ແຕ່ເຖິງຢ່າງນັ້ນ ການປັບຄ່າຄວາມສະຫວ່າງໜ້າຈໍ ກໍຂຶ້ນຢູ່ກັບຄວາມພຶງພໍໃຈສ່ວນບຸກຄົນຂອງຜູ້ໃຊ້ດ້ວຍເຊັ່ນກັນ

 

 

Leave a Reply

Your email address will not be published. Required fields are marked *