ລາຄາສິນຄ້າໃນຕະຫຼາດ 3 ແຂວງ ອາທິດນີ້ເພີ່ມຂຶ້ນ – ລົງເລັກໜ້ອຍ

ຖືເປັນອາທິດສຸດທ້າຍຂອງເດືອນກຸມພາ ເຫັນວ່າລາຄາສິນຄ້າທີ່ກະທົບໄວຕໍ່ຊີວິດການເປັນຢູ່ຂອງພໍ່ແມ່ປະຊາຊົນ ໃນຕະຫຼາດ 3 ແຂວງ ມີສິນຄ້າບາງລາຍການເໜັງຕີງຂຶ້ນ – ລົງເລັກໜ້ອຍ ໂດຍສະເພາະສິນຄ້າປະເພດພືດຜັກ ເຊິ່ງເປັນສິນຄ້າຕາມລະດູການ.

ລາຄາສິນຄ້າໃນຕະຫຼາດ 3    ແຂວງອາທິດນີ້ ທີ່ສັງລວມຈາກພະແນກອຸດສາຫະກຳ ແລະ ການຄ້າ 3 ແຂວງ ຄື: ແຂວງວຽງຈັນ, ອຸດົມໄຊ ແລະ ຊຽງຂວາງ ປະຈຳອາທິດທີ 28 ກຸມພາ 2019 ເຫັນວ່າຍັງມີບາງລາຍການສິນຄ້າມີການເໜັງຕີງຂຶ້ນ – ລົງເລັກໜ້ອຍ ໂດຍສະເພາະສິນຄ້າປະເພດພືດຜັກທີ່ເປັນສິນຄ້າຕາມລະດູການ ແລະ ເປັນສິນຄ້າທີ່ກະທົບໄວ ເຊິ່ງສົມທຽບລາຄາໃສ່ອາທິດນີ້ ແລະ ອາທິດຜ່ານມາມີການເໜັງຕີງຂຶ້ນ – ລົງ ເຊັ່ນ: ແຂວງວຽງຈັນ ລາຄາພືດຜັກອາທິດນີ້ ໝາກເຜັດສົດ ລາຄາ 20 ພັນກີບຕໍ່ກິໂລ ຫຼຸດລົງຈາກອາທິດຜ່ານມາ 25 ພັນກີບຕໍ່ກິໂລ, ໝາກນາວ ລາຄາ 10 ພັນກີບຕໍ່ກິໂລ ຫຼຸດລົງຈາກອາທິດຜ່ານມາ 12 ພັນກີບຕໍ່ກິໂລ, ຜັກສະຫຼັດ ລາຄາ 5 ພັນກີບຕໍ່ກິໂລ ຫຼຸດລົງຈາກອາທິດຜ່ານມາ 8 ພັນກີບຕໍ່ກິໂລ; ອຸດົມໄຊ ຜັກສະຫຼັດ ລາຄາ 5 ພັນກີບຕໍ່ກິໂລ ຫຼຸດລົງຈາກອາທິດຜ່ານມາ 10 ພັນກີບຕໍ່ກິໂລ, ໝາກເຫຼ່ນ ລາຄາ 10 ພັນກີບຕໍ່ກິໂລ ຫຼຸດລົງຈາກອາທິດຜ່ານມາ 15 ພັນກີບຕໍ່ກິໂລ; ສ່ວນແຂວງຊຽງຂວາງ ສິນຄ້າສ່ວນໃຫຍ່ແມ່ນຢູ່ໃນເກນປົກກະຕິ.

ບັນດາລາຍການ ແລະ ລາຄາສິນຄ້າຕົວຈິງທີ່ສັງລວມຈາກພະແນກອຸດສາຫະກຳ ແລະ ການຄ້າ 3 ແຂວງ ປະຈຳອາທິດທີ 21 ກຸມພາ 2019 ລາຍລະອຽດດັ່ງຕາຕະລາງຕໍ່ໄປນີ້:

 

ແຫຼ່ງຂ່າວ: ເສດຖະກິດ-ການຄ້າ

 

 

Leave a Reply

Your email address will not be published. Required fields are marked *