ໄຊຍະບູລີ ເຊື່ອມຊຶມນິຕິກຳ ການຄຸ້ມຄອງສັດນໍ້າ ແລະ ສັດປ່າ

ບັນດາຜູ້ຕ່າງໜ້າຈາກ ຫ້ອງການກະສິກໍາ ແລະ ປ່າໄມ້, ກໍາລັງປ້ອງກັນຊາດ, ປ້ອງກັນຄວາມສະຫງົບ ແລະ ຫ້ອງການຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວ ຈາກ 5 ເມືອງຄື: ເມືອງໄຊຍະບູລີ, ເມືອງພຽງ, ປາກລາຍ, ແກ່ນທ້າວ ແລະ ເມືອງທົ່ງມີໄຊ ແຂວງໄຊຍະບູລີ ໄດ້ເຊື່ອມຊຶມກົດໝາຍ, ລະບຽບການກ່ຽວກັບ ການຄຸ້ມຄອງສັດນໍ້າ ແລະ ສັດປ່າ ໃນວັນທີ 27 ກຸມພາ 2018 ຢູ່ຫ້ອງການຄຸ້ມຄອງປ່າສະຫງວນແຫ່ງຊາດນໍ້າປຸຍ ເມືອງປາກລາຍ.

ກອງປະຊຸມ ໄດ້ຮັບຟັງການເຜີຍແຜ່ ກົດໝາຍກ່ຽວກັບການຄຸ້ມຄອງສັດນໍ້າ ແລະ ສັດປ່າ, ຄໍາສັ່ງເລກທີ 05/ນຍ ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາສັດປ່າ ແລະ ພືດປ່າ ປະເພດຫວງຫ້າມ ແລະ ຂໍ້ຕົກລົງຂອງລັດຖະມົນຕີກະຊວງກະສິກໍາ ແລະ ປ່າໄມ້ ວ່າດ້ວຍການສ້າງ ແລະ ຄຸ້ມຄອງສວນສັດ, ຟາມສັດປ່າ, ສູນຟື້ນຟູ ແລະ ຂະຫຍາຍພັນສັດປ່າ ແລະ ສວນພືດປ່າ. ທັງນີ້ ກໍເພື່ອເຮັດໃຫ້ພະນັກງານທ້ອງຖິ່ນ ເຂົ້າໃຈເນື້ອໃນລະບຽບການ, ກົດໝາຍວ່າດ້ວຍການຄຸ້ມຄອງສັດນໍ້າ ແລະ ສັດປ່າ ຢ່າງເລິກເຊິ່ງກວ່າເກົ່າ, ສາມາດນໍາໄປເຜີຍແຜ່່ ແລະ ຈັດຕັ້ງປະຕິບັດຢູ່ທ້ອງຖິ່ນຕົນຢ່າງມີປະສິດທິຜົນ.

 

ແຫຼ່ງຂ່າວ: ຂປລ

 

Leave a Reply

Your email address will not be published. Required fields are marked *