ປະຊຸມ “ທຣັມ-ຄິມ” ທີ່ຮ່າໂນ້ຍ ຈົບແບບໄຮ້ຂໍ້ສະຫຼຸບ

ສຳນັກຂ່າວຕ່າງປະເທດລາຍງານຈາກນະຄອນຮ່າໂນ້ຍ ປະເທດຫວຽດນາມເມື່ອວັນທີ່ 28 ກຸມພາ 2019 ກ່ຽວກັບຄວາມຄືບຫນ້າ ຂອງການພົບຫາລືຢ່າງເປັນທາງການຄັ້ງທີ່ 2 ລະຫວ່າງປະທານາທິບໍດີໂດນັລ ທຣັມ ຜູ້ນຳອາເມຣິກາ ກັບທ່ານຄິມ ຈອງ-ອຶນ ຜູ້ນຳສູງສຸດຂອງເກົາຫຼີເຫນືອ ທີ່ນະຄອນຫລວງຮ່າໂນ້ຍ ປະເທດຫວຽດນາມ ເຊິ່ງມີກຳນົດ 2 ມື້ ໂດຍເປີດສາກເມື່ອຊ່ວງຄ່ຳຂອງ ວັນພຸດ ແລະກຳນົດສຳເລັດໃນວັນພະຫັດວ່າໃນຕອນຫນື່ງຂອງການພົບຫາລືແບບເຕັມຄະນະທີ່ລັດຖະມົນຕີວ່າການກະຊວງການ ຕ່າງປະເທດຂອງອາເມຣິກາ ແລະເກົາຫຼີເຫນືອເຂົ້າຮ່ວມດ້ວຍຄືທ່ານໄມຄ ປອມເປໂອ ແລະທ່ານຣີ ຢອງ-ໂຮ ທ່ານ ໂດນັລ ທຣັມ ສະເຫນີແນວຄິດການເປີດສຳນັກປະສານງານຂອງລັດຖະບານວໍຊິງຕັນໃນນະຄອນປຽງຢາງ ແລະໄດ້ຮັບການຕອບຮັບຈາກຜູ້ນຳ ເກົາຫຼີເຫນືອ

ທັງນີ້ ຫາກສຳນັກງານດັ່ງກ່າວເກີດຂື້ນແທ້ຈະຖືເປັນຈຸດເລີ່ມຕົ້ນຄັ້ງສຳຄັນໃນການຟື້ນຟູຄວາມສຳພັນທາງການທູດລະຫວ່າງ ທັງສອງປະເທດ ຂະນະດຽວກັນ ທຣັມຢ້ຳການທີ່ອາເມຣິກາສາມາດປ່ຽນແປງເກົາຫຼີເຫນືອໃຫ້ກາຍເປັນ “ມະຫາອຳນາດທາງເສດ ຖະກິດ” ຫາກຂະບວນການປົດອາວຸດນິວເຄຼຍ “ສຳເລັດສົມບູນ” ແຕ່ເລື່ອງນີ້ບັນດາຜູ້ຊ່ຽວຊານວິເຄາະວ່າເປັນໄປໄດ້ຍາກຫລາຍ ເພາະອາເມຣິກາ ແລະເກົາຫຼີເຫນືອຍັງຄົງ “ຕີຄວາມຫມາຍ” ຂອງການປົດນິວເຄຼຍ “ບໍ່ຄືກັນ”

ດ້ານຜູ້ນຳເກົາຫຼີເຫນືອກ່າວວ່າທ່ານຄົງບໍ່ຍອມນັ່ງລົດໄຟເດີນທາງໄກເຖິງ 4.000 ກິໂລແມັດ ແລະໃຊ້ເວລາດົນເຖິງ 2 ມື້ເຄີ່ງ ເພື່ອເດີນທາງມາພົບກັບຜູ້ນຳອາເມຣິກາທີ່ນະຄອນຮ່າໂນຍ ຫາກລັດຖະບານປຽງຢາງ “ບໍ່ມີຄວາມມຸ່ງຫມັ້ນ” ໃນເລື່ອງການປົດ ອາວຸດນິວເຄຼຍ ແຕ່ຢ້ຳວ່າເລື່ອງນີ້ເປັນປະເດັນລະອຽດອ່ອນ ແລະທັງສອງຝ່າຍຍັງຕ້ອງຫາລືກັນຢ່າງຕໍ່ເນື່ອງ “ອີກຫລາຍຄັ້ງ” ຢ່າງໃດກໍ່ຕາມ ເປັນທີ່ສັງເກດວ່າການພົບຫາລືໃນວັນທີ່ 2 ຊື່ງເປັນມື້ສຸດທ້າຍນັ້ນ ສຳເລັດໄວກວ່າກຳນົດການເກືອບ 2 ຊົ່ວໂມງ ແລະບໍ່ມີພິທີລົງນາມໃນ “ຂໍ້ຕົກລົງ” ຕາມທີ່ທຳນຽບຂາວປະກາດກ່ອນຫນ້ານີ້

ຂະນະດຽວກັນ ອາດເອີ້ນໄດ້ວ່າເປັນຄັ້ງທຳອິດທີ່ທ່ານຄິມຍອມຟັງ ແລະຕອບຄຳຖາມສື່ມວນຊົນຕ່າງປະເທດທີ່ເປັນຊາວຕະເວັນ ຕົກ ໂດຍໃນຊ່ວງຫນື່ງຂອງການປະຊຸມທັງແບບໂຕຕໍ່ໂຕ ແລະແບບເຕັມຄະນະ ກຸ່ມຜູ້ສື່ຂ່າວຂອງທຳນຽບຂາວຊື່ງຮຽກຜູ້ນຳເກົາຫຼີ ເຫນືອວ່າ “ທ່ານປະທານ” ຖາມວ່າ ທ່ານຄິມ ມີຄວາມຫມັ້ນໃຈຫລາຍຫນ້ອຍພຽງໃດໃນການເຈລະຈາກັບຜູ້ນຳອາເມຣິກາໃນຄັ້ງນີ້ ຊື່ງຫາກຈາກຄັ້ງທຳອິດທີ່ສິງກະໂປພຽງ 8 ເດືອນເທົ່ານັ້ນ ເຊິ່ງທ່ານຄິມຕອບຜ່ານລ່າມວ່າ “ຍັງໄວເກີນໄປ” ທີ່ຈະຢືນຢັນປະເດັນໃດ ກ່ຽວກັບຂໍ້ຕົກລົງເລື່ອງການປົດນິວເຄຼຍແຕ່ໂດຍສ່ວນໂຕທ່ານເຊື່ອວ່າຜົນການພົບຫາລືໃນຄັ້ງນີ້ “ຈະອອກມາດີ” ແລະສົ່ງຜົນໃຫ້ເກີດເລື່ອງທີ່ດີຕາມມາ

Leave a Reply

Your email address will not be published. Required fields are marked *