ລ້ານຊ້າງໄດ້ 1 ຫຼຽນຄຳ 2 ຫຼຽນທອງ ຂອນແກ່ນ ແຊັມປຽນຊິບ

ສະ­ໂມ­ສອນ​ປິ່ງ​ປ່ອງ​ລ້ານ​ຊ້າງ​ສ້າງ​ຜົນ­ງານ​ຍາດ​ໄດ້ 1 ຫຼຽນ​ຄຳ ແລະ 2 ຫຼຽນ​ທອງ ໃນ​ການ​ແຂ່ງ­ຂັນ​ກີ­ລາ​ປິ່ງ​ປ່ອງ​ລາຍ­ການ​ຂອນ​ແກ່ນ​ແຊັມ​ປຽນ​ຊິບ 2019 ຊີງ​ຂັນ​ທ່ານ​ນາ­ຍົກ­ລັດ­ຖະ­ມົນ­ຕີ​ແຫ່ງ​ປະ­ເທດ​ໄທ ທີ່​ແຂວງ​ຂອນ​ແກ່ນ ປະ­ເທດ​ໄທ ເປັນ​ເຈົ້າ­ພາບ​ໃນ​ວັນ​ທີ 9 ກຸມ­ພາ 2019 ທີ່​ສະ­ໜາມ​ກີ­ລາ​ກາງ ແຂວງ​ຂອນ​ແກ່ນ.

ທີມ​ນັກ­ກີ­ລາ​ສະ­ໂມ­ສອນ​ປິ່ງ​ປ່ອງ​ລ້ານ​ຊ້າງ 14 ຄົນ ໄດ້​ລົງ​ແຂ່ງ­ຂັນ​ທັງ​ໝົດ 3 ຮຸ່ນ ປະ­ກອບ​ມີ: ຮຸ່ນ​ອາ­ຍຸ​ບໍ່​ເກີນ 12 ປີ 15 ປີ ແລະ 18 ປີ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ​ມີ 3 ຄົນ​ທີ່​ຜົນ­ງານ​ດີ​ເປັນ­ຕົ້ນ​ທ້າວ ແສງ​ອາ­ທິດ ວົງ​ດາ­ລາ​ສິນ ສາ­ມາດ​ຄວ້າ​ອັນ​ດັບ 1 ຮັບ​ຂັນ​ລາ­ງວັນ​ຊະ­ນະ​ເລີດ​ມາ​ຄອງ ຮຸ່ນ​ອາ­ຍຸ​ບໍ່​ເກີນ 18 ປີ ຂະ­ນະ​ທີ່​ຮຸ່ນ​ອາ­ຍຸ​ບໍ່​ເກີນ 12 ປີ ທ້າວ ວິ­ໄສ​ທັດ ພະ​ທິດ​ມີ​ໄຊ ແລະ ຮຸ່ນ​ອາ­ຍຸ​ບໍ່​ເກີນ 15 ປີ ທ້າວ ອາ​ນັນ ວົງ­ສາ​ມາດ ຄວ້າ​ອັນ​ດັບ 3 ກໍ​ຄື​ຫຼຽນ​ທອງ​ຮ່ວມ​ມາ​ຄອງ.

ສຳ­ລັບ​ການ​ແຂ່ງ­ຂັນ​ປິ່ງ​ປ່ອງ​ລາຍ­ການ​ຂອນ​ແກ່ນ​ແຊັມ​ປຽນ​ຊິບ 2019 ຊີງ​ຂັນ​ທ່ານ​ນາ­ຍົກ­ລັດ­ຖະ­ມົນ­ຕີ ແຫ່ງ ປະ­ເທດ​ໄທ ຈັດ​ຂຶ້ນ​ວັນ​ທີ 9-10 ກຸມ­ພາ 2019 ມີ​ນັກ­ກີ­ລາ​ເຂົ້າ​ຮ່ວມ 300 ກວ່າ​ຄົນ ທີ່​ມາ​ຈາກ​ບັນ­ດາ​ສະ­ໂມ­ສອນ​ຕ່າງໆ ໃນ​ພາກ​ອີ­ສານ​ຂອງ​ປະ­ເທດ​ໄທ ແລະ ສະ­ໂມ­ສອນ​ຈາກ​ລາວ.

 

 

ຂໍ້ມູນມາຈາກ : ວຽງຈັນໃໝ່

Leave a Reply

Your email address will not be published. Required fields are marked *

Facebook