ສຳເລັດຍົກລະດັບຫຼັກສູດ ຊາຍຟັນພາດອິດແບັກໃຫ້ຄູເຝິກ

ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ໄດ້​ຈັດ​ພິ­ທີ​ປິດ​ການ​ເຝິກ​ອົບ​ຮົບ​ຄູ​ເຝິກ​ຣັກ​ບີ້​ຈຳ­ປາ​ບານ ພາຍ​ໃຕ້​ຫຼັກ­ສູດ​ຊາຍ​ຟັນ​ພາດ​ອິດ​ແບັກ ມີ​ທ່ານ ວິ­ລະ​ຍຸດ ລັດ­ທິ​ກຸນ ປະ­ທານ​ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ວິ­ທະ­ຍາ­ກອນ​ສະ­ຫະ­ລັດ​ອາ​ເມ​ຣິ​ກາ ທີ່​ເປັນ​ຄູ​ເຝິກ​ປະ­ຈຳ​ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ພ້ອມ​ດ້ວຍ​ຄະ­ນະ​ຄູ​ເຝິກ 3 ຄົນ ຜູ້​ໃຫ້­ການ​ສະ­ໜັບ­ສະ­ໜູນ​ສຳ​ມະ​ນາ​ກອນ​ທົ່ວ​ນະ­ຄອນ­ຫຼວງ​ວຽງ​ຈັນ ແຂວງ​ຊຽງ​ຂວາງ ແລະ ຈາກ​ປະ­ເທດ​ຍີ່­ປຸ່ນ 7 ຄົນ​ເຂົ້າ​ຮ່ວມ​ທັງ​ໝົດ 112 ຄົນ.

ການ​ເຝິກ­ອົບ­ຮົມ​ຄັ້ງ​ນີ້​ຈັດ​ຂຶ້ນ​ວັນ​ທີ 28 ມັງ­ກອນ ຫາ 3 ກຸມ­ພາ 2019 ໂດຍ​ສຳ​ມະ​ນາ​ກອນ ທີ່​ເຂົ້າ​ຮ່ວມ​ຫຼັກ­ສູດ​ຊາຍ​ຟັນ​ພາດ​ອິດ​ແບັກ ທັງ​ໝົດ​ໄດ້​ຮຽນ​ຮູ້​ບົດ­ຮຽນ​ທັງ​ພາກ​ທິດ​ສະ​ດີ ແລະ ພາກ​ປະ­ຕິ­ບັດ​ຕົວ​ຈິງ ເປັນ­ຕົ້ນ ຮຽນ​ຮູ້​ການ​ໃຊ້​ທັກ​ສະ​ຊີ­ວິດ ການ​ຫຼິ້ນ​ກີ­ລາ​ຣັກ​ບີ້​ທີ່​ຖືກ­ຕ້ອງ ພ້ອມ​ກັບ​ການ​ປະ­ຖົມ­ພະ­ຍາ­ບານ ແລະ ທັກ​ສະ​ຕ່າງໆ ກ່ອນ​ຈະ​ນຳ​ເອົາ​ຄວາມ​ຮູ້​ທີ່​ໄດ້​ຈາກ​ການ​ເຝິກ­ອົບ­ຮົມ​ຄັ້ງ​ນີ້ ກັບ​ໄປ​ຜັນ​ຂະ­ຫຍາຍ ແລະ ພັດ­ທະ­ນາ​ນັກ­ກີ­ລາ​ໃນ​ທ້ອງ­ຖິ່ນ​ຂອງ​ໃຜ­ລາວ ແນ­ໃສ່​ສ້າງ​ໄດ້​ນັກ­ກີ­ລາ​ທີ່​ມີ​ຄວາມ​ສາ­ມາດ ແລະ ພອນ​ສະ­ຫວັນ​ດີ­ເດັ່ນ ເພື່ອ​ກ້າວ​ຂຶ້ນ​ມາ​ເປັນ​ນັກ­ກີ­ລາ​ທີມ​ຊາດ​ໃນ​ອະ­ນາ­ຄົດ.

 

 

ຂໍ້ມູນມາຈາກ : ວຽງຈັນໃໝ່

Leave a Reply

Your email address will not be published. Required fields are marked *

Facebook