ໂສມໜ້າ “ທູນ້າຄີຟ້າ” ໂຕລະ 320.000 ໂດລາ (ປະມານ 2.5 ຕື້ກີບ)

ງານປະມູນປາປະຈຳປີຂອງຕະຫຼາດຊິຄຶຈິ “ທູນ້າຄີຟ້າ” ລາຄາປະມູນສູງເຖິງ ໂຕລະ 320.000 ໂດລາ, ປາທູນ້າຄີຟ້າ (bluefin tuna) ນ້ຳໜັກ 405 ກິໂລກຼາມ ຖືກຂາຍໄປໃນລາຄາ 36.5 ລ້ານເຢນ ຫຼື 320,000 ດອນລາ ໃນງານປະມູນປາປະຈຳປີຕະຫຼາດຊິຄຶຈິ ໃນກຸງໂຕກຽວຍີ່ປຸ່ນ ເຊິ່ງຖືເປັນຕະຫຼາດປາຂະໜາດໃຫ່ຍທີ່ສຸດໃນໂລກ ຜູ້ຊະນະການປະມູນຄື ທ່ານຄິໂຍຊິ ຄິມູຣະ ຜູ້ກໍ່ຕັ້ງບໍລິສັດ Kiyomura Corp ເຈົ້າຂອງຮ້ານຊູຊິຫຼາຍສາຂາ Sushi Zanmai ເຊິ່ງຊະນະການປະມູນປາທູນ້າຫຼາຍຄັ້ງທີ່ຜ່ານມາ.

ງານປະມູນປາ ປະຈຳປີທີ່ຕະຫຼາດຊິຄຶຈິ ປີນີ້ຄືເປັນປີສຸດທ້າຍ ກ່ອນທີ່ຈະມີການຍ້າຍຕະຫຼາດ ໄປທີ່ທຳເລໃໜ່ ຄືຕະຫຼາດໂຕໂຍສຸ ເຊິ່ງຈະເປີດບໍລິການໃນເດືອນຕຸລາປີນີ້ ຍີ່ປຸ່ນແມ່ນບໍລິໂພກ ປາທູນ້າຄິບຟ້າຫຼາຍທີ່ສຸດໃນໂລກ ແລະ ຄວາມນິຍົມໃນອາຫານປະເພດປາຄີຟ້າທີ່ເພີ່ມຂື້ນທົ່ວໂລກ ເຮັດໃຫ້ປາພັນນີ້ຫາຍາກຂື້ນເລື່ອຍໆ ໂດຍຜູ້ຊ່ຽວຊານຄາດວ່າ ປະລິມານປາທູນ້າຄີຟ້າໃນມະຫາສະໜຸດ ລົດລົງຫຼາຍ 97% ທຽບເທົ່າກັບຍຸກກ່ອນອຸດສາຫະກຳ ແລະ ອາດສ່ຽງຕໍ່ການສູນພັນໄດ້.

Leave a Reply

Your email address will not be published. Required fields are marked *