ພາຍຸໝາກເຫັບ ຖະຫລົ່ມນິວເດລີ ຄັ້ງທໍາອິດໃນຮອບເກືອບ 10 ປີ

ເມື່ອວັນທີ່ 8 ກຸມພາ 2019 ເວັບໄຊ ndtv ແລະ ສໍານັກຂ່າວບີບີຊີ ລາຍງານ ຊາວອິນເດຍໃນນະຄອນນິວເດລີ່ ຕື່ນຕະລຶງ ເກີດພາຍຸ ໝາກເຫັບຕົກກະໜໍ່າຢ່າງໜັກໃນເມືອງຫຼວງຂອງປະເທດອິນເດຍ ເມື່ອວັນພະຫັດທີ່ 7 ກຸມພາ ຜ່ານມາ ຈົນເຮັດໃຫ້ທ້ອງຖະໜົນ ແລະ ທາງດ່ວນຫຼາຍສາຍໃນນະຄອນິວເດລີ່ ຂາວໂພ່ນເພາະຖືກປົກຄຸມດ້ວຍໝາກເຫັບປະລິມານມະຫາສານ ເຊິ່ງຖືເປັນພາຍຸໝາກເຫັບທີ່ຕົກມາພ້ອມຝົນໃນນະຄອນນິວເດລີ ແລະ ພື້ນທີ່ໃກ້ຄຽງເປັນຄັ້ງທໍາອິດໃນໄລຍະເວລາເກືອບ 10 ປີ

ຂ່າວແຈ້ງວ່າຈາກສະພາບອາກາດທີ່ບໍ່ດີ ຝົນຕົກ ແລະ ມີພາຍຸໝາກເຫັບ ສົ່ງຜົນໃຫ້ຖ້ຽວບິນກວ່າ 30 ຖ້ຽວ ລວມທັງຖ້ຽວບິນລະ ຫວ່າງປະເທດ ປາຍທາງນະຄອນນິວເດລີ່ ຕ້ອງປ່ຽນໄປລົງສະໜາມບິນອື່ນແທນ ເມື່ອວັນພະຫັດ ທີ່ຜ່ານມາ

ຈາກພາຍຸໝາກເຫັບຕົກກະໜໍ່າໃນນະຄອນນິວເດລີ່ ເຮັດໃຫ້ຊາວເນັດໃນອິນເດຍອັດຄລິບວິດິໂອ ແລະ ນໍາມາໂພສລົງໂຊຊ້ຽວ ມີເດຍ ດ້ວຍຄວາມຕື່ນເຕັ້ນ ແລະ ແປກໃຈທີ່ເຫັນໝາກເຫັບຕົກໜັກຂະໜາດນັ້ນນີ້

Leave a Reply

Your email address will not be published. Required fields are marked *

Facebook