ເສຍຊີວິດ 10 ຄົນໄຟໄໝ້ສູນເຝິກ ສະໂມສອນເຕະບານ ດັງບຣາຊິວ

ສໍານັກຂ່າວຕ່າງປະເທດລາຍງານຈາກເມືອຣິໂອ ເດິ ຈາເນໂຣ ປະເທດບຣາຊິວ ເມື່ອວັນທີ່ 8 ກຸມພາ 2019 ວ່າເຈົ້າໜ້າທີ່ດັບເພີງ ບຣາຊິວເປີດເຜີຍວ່າ ເກີດໄຟໄໝ້ສູນເຝິກບານເຕະລະດັບເຍົາວະຊົນອາຍຸລະຫວ່າງ 14-17 ປີ ຂອງສະໂມສອນຟລາເມງໂກ ທີມບານເຕະຍອດນິຍົມໃນປະເທດບຣາຊິງ ໃນເມືອງຣິໂອ ເດິ ຈາເນໂຣ ເມື່ອຊ່ວງເຊົ້າມືດຂອງວັນສຸກທີ່ 8 ກຸມພາ ຕາມເວລາທ້ອງຖິ່ນ ເປັນຜົນໃຫ້ມີຜູ້ເສຍຊີວິດ 10 ຄົນ ແລະ ບາດເຈັບອີກ 3 ຄົນ ເບື້ອງຕົນຍັງບໍ່ຮູ້ສາເຫດ

ຂ່າວໂທລະພາບສະແດງໃຫ້ເຫັນວ່າ ໄຟລຸກໄຫມ້ເຜົາຜານພາຍໃນສູນເຝິກທີມບານລະດັບເຍົາວະຊົນຂອງສະໂມສອນຟລາເມງໂກລ ເຊິ່ງໃຊ້ເວລາດົນກວ່າ 2 ຊົ່ວໂມງຈຶ່ງຄວບຄຸມເພີງເອົາໄວ້ໄດ້

ຕົ້ນເພີງເກີດຂື້ນເມື່ອເວລາປະມານ 5:00 ໂມງ ໃນເຂດວາຣເຈນ ກຣັງເດຂອງເມືອງຣິໂອ ເດິ ຈາເນໂຣ ເປັນສູນເຝິກທັນສະໄໝທີ່ ເຄີຍສ້າງນັກເຕະຄຸນນະພາບປ້ອນສະໂມສອນຟລາເມງໂກ ສໍາລັບຜູ້ເສຍຊີວິດນັ້ນພົບວ່າ ເປັນນັກເຕະບານ 6 ຄົນ ແລະ ເຈົ້າໜ້າທີ່ຂອງທີມອີກ 4 ຄົນ ເຊິ່ງຕາມກໍານົດແລ້ວນັກເຕະບານຂອງທີມຈະຕ້ອງລຸກຂື້ນມາເຝິກຊ້ອມໃນຕອນເຊົ້າ ນອກຈາກນັ້ນແລ້ວ ທີ່ຕັ້ງຂອງສູນເຝິກທີມເຕະບານເຍົາວະຊົນຂອງຟລາເມງໂກຍັງຕັ້ງຢູ່ທາງຕາເວັນຕົກຂອງເມືອງຣິໂອ ເດິ ຈາເນໂຣ

 

Leave a Reply

Your email address will not be published. Required fields are marked *

Facebook