ຊຽງຂວາງ ເຊື່ອມຊຶມມະຕິ 7 ສະໄໝທີ X

ແຂວງຊຽງຂວາງ ໄດ້ເຊື່ອມຊຶມມະຕິຄົບຄະນະບໍລິຫານງານສູນກາງພັກ ຄັ້ງທີ 7 ສະໄໝທີ X, ເອກະສານສຶກສາອົບຮົມການ ເມືອງແນວຄິດ ເພື່ອການກະກຽມດຳເນີນກອງປະຊຸມໃຫຍ່ຂອງພັກ 3 ຂັ້ນ ສຳລັບສະມາຊິກພັກ ແລະ ພະນັກງານຫຼັກແຫຼ່ງ, ເອກະສານສຶກສາອົບຮົມການເມືອງແນວຄິດ ເພື່ອການກະກຽມດຳເນີນກອງປະຊຸມໃຫຍ່ 3 ຂັ້ນ ສຳລັບພະນັກງານທົ່ວໄປ ແລະ ປະຊາຊົນ ໃນລະ ຫວ່າງວັນທີ 7 – 8 ກຸມພາ 2019 ຢູ່ທີ່ຫ້ອງວ່າການແຂວງຊຽງຂວາງ ໂດຍການເປັນປະທານຂອງ ທ່ານ ບຸນຕົ້ນ ຈັນທະພອນ ເລຂາພັກແຂວງ, ເຈົ້າແຂວງໆຊຽງຂວາງ, ມີພະນັກງານຫຼັກແຫຼ່ງຂອງແຂວງ ແລະ ພະນັກງານຫຼັກແຫຼ່ງຂອງເມືອງທັງ 7 ເມືອງເຂົ້າຮ່ວມ.

ຜູ້ແທນກອງປະຊຸມໄດ້ປະກອບຄຳຄິດຫັນຕໍ່ບັນດາເອກະສານຕ່າງໆ ເພື່ອປັບປຸງວາງແຜນການຈັດຕັ້ງປະຕິບັດໃຫ້ແທດເໝາະ ກັບມະຕິຕ່າງໆຂອງຂັ້ນເທິງ ແລະ ການພັດທະນາຂອງແຂວງ.

ຕໍ່ກັບການເຊື່ອມຊຶມເອກະສານຕ່າງໆທີ່ສຳຄັນຄັ້ງນີ້ ທ່ານເຈົ້າ ແຂວງໆຊຽງຂວາງ ໄດ້ເນັ້ນໃຫ້ພະນັກງານຫຼັກແຫຼ່ງຂອງແຂວງ – ເມືອງ ຈົ່ງເອົາໃຈໃສ່ເປັນເຈົ້າການໃນການເກັບລາຍຮັບເຂົ້າງົບປະມານ, ເປັນເຈົ້າການໃນການຈັດຕັ້ງປະຕິບັດໜ້າທີ່ວຽກງານ ຂອງຕົນຮັບຜິດຊອບ, ການຂຶ້ນແຜນພັດທະນາເສດຖະກິດ – ສັງຄົມຕ້ອງຮັດກຸມ, ຕ້ອງເອົາເງິນທີ່ມີມາຕັ້ງແລ້ວເອົາແຜນພັດ ທະນາມາໃສ່, ຕ້ອງຄັດຈ້ອນໂຄງການທີ່ມີຄວາມຈຳເປັນທີ່ສຸດ, ມີຜົນປະໂຫຍດຫຼາຍຕໍ່ປະຊາຊົນ ແລະ ການພັດທະນາ, ສົ່ງເສີມຮັກ ສາສິ່ງແວດລ້ອມທຳມະຊາດໃຫ້ຍືນຍົງ, ການຮັບຮອງເອົາໂຄງການພັດທະນາຕ້ອງໄດ້ຜ່ານແຂວງ, ສະພາ, ຜ່ານການສຳຫຼວດ ອອກແບບມູນຄ່າສົມເຫດສົມຜົນ.

ໂຄງການລົງທຶນຂອງຕ່າງປະເທດ ຕ້ອງຢຶດໝັ້ນປະຕິບັດຂັ້ນຄຸ້ມຄອງຂອງຕົນໃຫ້ດີມີປະສິດທິຜົນສູງ, ຂັ້ນແຂວງ – ເມືອງຕ້ອງຈັດ ລະບຽບວິໄນຄຸ້ມຄອງລາຍຮັບ – ລາຍຈ່າຍ, ປິດຊ່ອງວ່າງເອື້ອອຳນວຍການສໍ້ລາດບັງຫຼວງ, ກວດກາຄືນການໃຫ້ເຊົ່າສຳປະທານດິນ, ພະນັກງານສະມາຊິກພັກຕ້ອງຍົກສູງ ຄວາມຮັບຜິດຊອບຂອງຕົນ, ຮັກສາຄວາມເປັນແບບຢ່າງ, ຢຶດໝັ້ນ 5 ຫຼັກການຂອງພັກ, ຕ້ອງກວດກາເລື້ອຍໆ, ຕັກເຕືອນ, ປ່ຽນແປງຕາມການຕຳໜິສົ່ງຂ່າວ, ຮັກສາຄວາມສະຫງົບໃນການດຳເນີນກອງປະຊຸມໃຫຍ່ 3 ຂັ້ນ, ເນື້ອໃນຕ້ອງເລິກເຊິ່ງແທດເໝາະກັບຕົວຈິງ.

 

( ຂ່າວ: ບຸນມີ ແສງທຸມມີ )

Leave a Reply

Your email address will not be published. Required fields are marked *

Facebook