ນໍ້າຖ້ວມໃຫຍ່ໃນອອສເຕຣເລຍ ງົວໝົດທາງໜີ ຈົມນໍ້າຕາຍ 300.000 ໂຕ

ເມື່ອວັນທີ່ 8 ກຸມພາ 2019 ສໍານັກຂ່າວຣອຍເຕີຣ ແລະ ເວັບໄຊ ເດິະ ກາດ້ຽນແຈ້ງວ່າ ທາງການລັດຄວີນແລນ ທາງຕາເວັນອອກ ສຽງເໜືອຂອງອອສເຕຣເລຍ ເຜີຍລາຍງານຜົນການສືບສວນເຫດອຸທົກກະໄພຄັ້ງໃຫຍ່ໃນເມືອງທາວສວິລທາງຕາເວັນຕົກຂອງ ລັດຄວີນແລນ ພົບວ່າມີຫຼັກຖານຈໍານວນຫຼາຍສະແດງໃຫ້ເຫັນວ່າເຈົ້າໜ້າທີ່ທ້ອງຖິ່ນລົ້ມເຫຼວໃນການກຽມພ້ອມປ້ອງກັນໄພ ລ່ວງໜ້າ ຮັບມືກັບສະຖານະການຝົນຕົກໜັກໃນເມືອງທາວສວິລລ ທີ່ວັດແທກປະລະມານນ້ໍາຝົນໄດ້ສູງເຖິງ 1.000 ມິລລິແມັດໃນ ຊ່ວງເວລາບໍ່ເຖິງອາທິດ

ທ່ານນາງ ແອນນາສຕາເຊຍ ພາລາສຊັກ ນາຍົກລັດຄວີນແລນ ກ່າວເມື່ອວັນສຸກທີ່ 8 ກຸມພາ 2019 ວ່າ ເຫດອຸທົກກະໄພເທື່ອນີ້ ສະຖານະການໂຫດຮ້າຍຄື “ນາຣົກ” ມີງົວກ່ວາ 300.000 ໂຕຕ້ອງຕາຍຢ່າງທຸກທໍລະມານຈາກນໍ້າຖ້ວມ ເຊິ່ງເຮັດໃຫ້ ທ່ານ ສະເທືອນໃຈຢ່າງໜັກເມື່ອເຫັນງົວຕາຍເປັນຈໍານວນຫຼາຍຢ່າງໜ້າສົງສານແບບນີ້

ຣອຍເຕີ ລະບຸວ່າ ສາເຫດທີ່ເຮັດໃຫ້ສະຖານະການນໍ້າຖ້ວມໃນລັດຄວີແລນໂຫດຮ້າຍຫຼາຍຂື້ນນັ້ນ ເນື່ອງຈາກເຈົ້າໜ້າທີ່ທ້ອງຖິ່ນ ໄດ້ເປີດປະຕູເຂື່ອນແມ່ນໍ້າຣອສ ຫຼັງຝົນຕົກໜັກໃນຊ່ວງບໍ່ເທົ່າໃດວັນທໍາອິດ ໂດຍທາງສະພາເມືອງທາວສວິລລ ໄດ້ຈັດການເຂື່ອນ ໂດຍໃຊ້ຂໍ້ມູຈາກການຮັກສາຊັບສິນຈາກເຫດນໍ້າຖ້ວມຮຸນແຮງໃນຮອບ 100 ປີ ໃນຂະນະທີ່ສະຖານະການຈິງທີ່ເກີດຂື້ນ ໜັກໜາສາ ຫັດກວ່ານັ້ນຫຼາຍ ເມື່ອໃຊ້ຍຸດທະສາດດຽວກັນມາຮັບມືສະຖານະການ ຈຶ່ງເບິ່ງວ່າເປັນສາເຫດເຮັດໃຫ້ເກີດຄວາມເສຍຫາຍໜັກ ຫຼາຍຂື້ນກວ່າເດີມ

ເວັບໄຊກາຣດຽນ ລາຍງານອີກວ່າ ນາງ ພາລາສຊັກ ນາຍົກລັດຄວີນແລນ ພະຍາຍາມຊີ້ໃຫ້ເຫັນວ່າ ການຕັດສິນໃຈເປີດປະຕູ ເຂື່ອນແມ່ນໍ້າຣອສ ຈົນເຮັດໃຫ້ປະລິມານນໍ້າມະຫາສານໄຫຼລົງຖ້ວມຊານເມືອງທາວສວິລເມື່ອຄືນວັນອາທດທີ່ 3 ກຸມພາ 2019 ຈົນເຮັດໃຫ້ສະຖານະການນໍ້າຖ້ວມຮ້າຍແຮງຫຼາຍຂື້ນ ເປັນການຕັດສິນໃຈຂອງສະພາເມືອງທາວສວິລ ເພາະເປັນເຂື່ອນຂອງທາງ ເມືອງທາວສວິລ

ຂະນະທີ່ ທ່ານເຈນີ ຮິລ ນາຍົກເມືອງທາວສວິລ ກ່າວກັບນັກຂ່າວ Townsville Bulletin ວ່າປະລິມານນໍ້າຝົນທີ່ຕົກໃນເທື່ອນີ້ ບາງທີ່ອາດຈະເປັນປະລິມານຝົນທີ່ຕົກໜັກຫຼາຍສຸດໃນທຸກ 2.000 ປີກັນເລີຍ ໂດຍການຕັດສິນໃຈເປີດປະຕູເຂື່ອນແມ່ນໍ້າຣອສ ເນື່ອງຈາກລະດັບນໍ້າໃນເຂື່ອນສູງເຖິງ 43 ແມັດ ແລະ ດໍາເນີນການຕາມແຜນການເຂື່ອນຕາມຂໍ້ມູນການສຶກສາ ເມື່ອປີ 2012.

Leave a Reply

Your email address will not be published. Required fields are marked *

Facebook