“ອັລຟາເບທ” ບໍລິສັດແມ່ກູເກິລເຜີຍ ກໍາໄລເພີ່ມຂື້ນ 8,9 ພັນລ້ານໂດລາ ໃນໄຕມາດ 4

ສຳນັກຂ່າວ ເອເອຟພີລາຍງານໃນວັນທີ 5 ກຸມພາ 2019 ວ່າ ອັລຟາເບທ ອິງ ບໍລິສັດແມ່ຂອງເສິຣຈເອັນຈິ້ນຍັກໃຫຍ່ຢ່າງກູເກິລເປີດເຜີຍຜົນປະກອບການໃນໄຕມາສ 4 ປີ 2018 ເຊິ່ງຫຼາຍກວ່າວອລສຕີທຄາດໄວ້

ໂດຍອັລຟາເບທມີກໍາໄລໃນໄຕມາດ 4 ຢູ່ທີ່ 8,9 ພັນລ້ານໂດລາສະຫະລັດ ມີລາຍໄດ້ເພີ່ມຂື້ນ 22% ຢູ່ທີ່ 3,93 ໝື່ນລ້ານໂດລາສະຫະລັດ ທ່ານ Ruth Porat ຊີເອຟໂອຂອງອັລຟາເບທກ່າວວ່າ ໃນໂອກາດອັນດີນີ້ໃນອານາຄົດທາງບໍລິສັດຈະຍັງມຸ່ງລົງທຶນໃນໂຄງສ້າງພື້ນຖານທີ່ຈໍາເປັນຕໍ່ຜະລິດຕະພັນ ແລະ ສ້າງປະສົບການທີ່ດີໃຫ້ກັບຜູ້ໃຊ້ ນັກໂຄສະນາ ແລະ ເອເຈນຊີ່ທົ່ວໂລກ

ຫຼັງຈາກລາຍງານຕົວເລກຂອງອັລຟາເບທອອກມາຫຸ້ນຂອງບໍລິສັດຫຼຸດລົງ 3,3% ເນື່ອງຈາກລົງທຶນໂຟກັສເຖິງເລື່ອງຂອງຕົ້ນທຶນຂອງບໍລິສັດທີ່ມີເພີ່ມສູງຂື້ນໃນໄຕມາດນີ້
ໂດຍອັລຟາເບທມີຄ່າໃຊ້ຈ່າຍເພີ່ມຂື້ນຢູ່ທີ່ 3,1 ໝື່ນລ້ານໂດລາ ເມື່ອທຽບກັບໄຕມາດດຽວກັນຂອງປີກ່ອນຢູ່ທີ່ 2,46 ໝື່ນລ້ານໂດລາ

ທັງນີ້ລາຍງານຂອງອັລຟາເບທບໍ່ໄດ້ມີລາຍລະອຽດໃນດ້ານຂອງລາຍໄດ້ຫຼາຍ ແຕ່ຂະນະທີ່ດ້ານຂອງກູເກິລນັ້ນມີລາຍໄດ້ໃນໄຕມາດນີ້ທີ່ 3,91 ໝື່ນລ້ານໂດລາ ເຊິ່ງລາຍໄດ້ປະມານ 3,26 ໝື່ນລ້ານໂດລາມາຈາກການໂຄສະນາ.

 

Leave a Reply

Your email address will not be published. Required fields are marked *

Facebook