ຣາສຟ໋ອດຍິງ! ເດເຄອາ ຊຸບເປີເຊັຟ!! ນຳແມນຢູ ບຸກຊະນະ ສະເປີ! ໂຊລຊາ ສ້າງສະຖິຕິ!!

ເຕະບານ ພຣີເມ໋ຍລີກ ອັງກິດ ນັດທີ 22 ຄືນວານນີ້ ແມນເຊັສເຕີ ຢູໄນເຕັດ ແຊ້ມສູງສຸດ 20 ສະໄຫມ ບຸກຊະນະ ທ໋ອດແນ໋ມ ຮ໋ອດສະເປີ ແບບວຸດວິດ 1-0 ຈາກປະຕູໄຊຂອງ ມາຣຄັສ ຣາສຟ໋ອດ ນາທີ 44′ ໃນນັດນີ້ ຮີວໂກ້ ຢໍຣິສ ແລະ ດາບິດ ເດເຄອາ ຜູ້ຮັກສາປະຕູຂອງທັງສອງທິມໂຊເຊັຟປ້ອງກັນຫລາຍຈັງຫວະ! ໂດຍສະເພາະ ດາບິດ ເດເຄອາ ເຊັຟປ້ອງກັນ 11 ຄັ້ງ ຊ່ວຍແມນຢູເກັບ 3 ຄະແນນກັບບ້ານ!! ເປັນການບຸກຊະນະສະເປີ ຄັ້ງທຳອິດໃນຮອບ 7 ປີ ຈາກ 7 ນັດ, ດາບິດ ເດເຄອາ Man of the match ຫລື ນັກເຕະດີເດັ່ນນັດນີ້.

ຂະນະທີ່ ໂອເລ່ ກຸນນ້າ ໂຊລຊາ ນຳທິມຊະນະ 6 ນັດລວດ ເກມເອຟເອຄັບ 1 ນັດ ແລະ ພຣີເມ໋ຍລີກ 5 ນັດ ກາຍເປັນຜູ້ຈັດການທິມໃຫມ່ໃນປະຫວັດສາດຂອງທິມ ທີ່ຄຸມທິມຊະນະເກມລີກ 5 ນັດລວດຕໍ່ຈາກ ເຊີ ແມັດ ບຸສບີ້ ປີ 1946. ມາຣຄັສ ຣາສຟ໋ອດ ຍິງປະຕູ 3 ນັດຊ້ອນ ໃນພຣີເມ໋ຍລີກ ເປັນຄັ້ງທຳອິດ.

ດາບິດ ເດເຄອາ ເຊັຟປ້ອງກັນ 11 ຄັ້ງວານນີ້ ຫລາຍສຸດອັນດັບສອງຮອງຈາກນັດພົບ ອາຣເຊນໍລ ໃນເດືອນທັນວາ ປີ 2017 ຊຶ່ງຄັ້ງນັ້ນລວມ 14 ຄັ້ງ ຫລາຍສຸດໃນ 5 ລີກຊັ້ນນຳຂອງເອີຣົບ (ອັງກິດ, ແອັສປາຍ, ເຢຍລະມັນ, ອີຕາລີ, ຝຣັ່ງ) ສ່ວນ ສະເປີ ເສຍສອງນັດໃນບ້ານເກມພຣີເມ໋ຍລີກເປັນຄັ້ງທຳອິດໃນຮອບ 4 ປີ.

ແມນຢູ ເກັບເພີ່ມເປັນ 41 ຄະແນນ ຈາກ 22 ນັດ, ເທົ່າກັບ ອາຣເຊນໍລ ຕ່າງພຽງປະຕູໄດ້ເສຍໜ້ອຍກວ່າ +14 ຕໍ່ +12 ຢູ່ອັນດັບທີ 6 ຕາມຫລັງອັນດັບ 4 ເຊວຊີ ພື້ນທີ່ແຊ້ມປ້ຽນລີກພຽງ 6 ຄະແນນເຫລືອການແຂ່ງຂັນອີກ 16 ນັດ, ນັດຕໍ່ໄປ ແມນຢູ ຈະເປີດບ້ານພົບ ໄບຣຕັ້ນ ໃນວັນທີ 19 ມັງກອນນີ້ ສ່ວນ ສະເປີ ຈະໄປຢາມ ຟູແລ໋ມ ໃນວັນທີ 20 ມັງກອນນີ້.

 

 

ຂໍ້ມູນມາຈາກ : ສະປອດອັບເດດ

 

Leave a Reply

Your email address will not be published. Required fields are marked *

Facebook