ແຊ້ມເກົ່າ ຢູເວັນຕຸສ ຜ່ານ ໂບໂລນຢ້າ! ກ້າວສູ່ຮອບ 8 ທິມ ໂຄປ້າອີຕາເລຍ!!

ເຕະບານ ໂຄປ້າອີຕາເລຍ ຮອບ 16 ທິມ ຄືນວານນີ້ ຢູເວັນຕຸສ ແຊ້ມເກົ່າ 4 ສະໄຫມຊ້ອນ ທັງເປັນແຊ້ມສູງສຸດ 13 ສະໄຫມ ບຸກພິຊິດໄຊເໝືອ ໂບໂລນຢ້າ 2-0 ຈາກ ເຟເດຣິໂກ້ ເບີນາເດັສຊີ້ ນາທີ 9′ ແລະ ມອຍເຊ່ ຄີນ ນາທີ 49′ ຜ່ານສູ່ຮອບ 8 ທິມສຸດທ້າຍຕໍ່ໄປ ນັດນນີ້ ຄຣິສເຕຍໂນ້ ໂຣນາວໂດ້ ເປັນຕົວສຳຮອງລົງຊ່ວຍທິມໃນນາທີ 62′ ຢູເວ່ ຍັງຢູ່ໃນເສັ້ນທາງການລຸນທຸກແຊ້ມໃນປີນີ້ເຊັ່ນ: ເຊຣີອາ, ໂຄປ້າອີຕາເລຍ, ຊຸບເປີ ໂຄປ້າ ອີຕາເລຍນ້າ ແລະ ຢູຟ້າ ແຊ້ມປ້ຽນລີກ ສະເພາະ ຊຸບເປີ ໂຄປ້າ ອີຕາເລຍນ້າ ຈະພົບກັບ ເອຊີ ມິລານ ໃນວັນທີ 16 ມັງກອນນີ້ ຈະໄປຫລິ້ນທີ່ສະໜາມ King Abdullah Sports City ປະເທດຊາອຸດິອາຣາເບຍ.

ຄູ່ອື່ນວານນີ້ ລາຊີໂອ້ ແຊ້ມ 6 ສະໄຫມ ຊະນະ ໂນວາຣ່າ ທິມຈາກເຊຣີບີ 4-1, ເອຊີ ມິລານ ແຊ້ມ 5 ສະໄຫມ ບຸກຊະນະ ຊາມໂດເຣຍ ເພື່ອນຮ່ວມລີກ ດ້ວຍການຕໍ່ເວລພິເສດ 2-0, ມື້ນີ້ມີແຂ່ງ ຄູ່: ໂຕຣີໂນ້ ພົບ ຟິອໍເຣັນຕີນ້າ ເວລາ 21:00, ອິນເຕີ ມິລານ ພົບ ເບເນເວັນໂຕ້ ເວລາ 00:00 ແລະ ນາໂປລີ ພົບ ຊັສຊູໂລ້ ເວລາ 02:45.

 

 

ຂໍ້ມູນມາຈາກ : ສະປອດອັບເດດ

Leave a Reply

Your email address will not be published. Required fields are marked *