ຊາວເມືອງສັງທອງກ່າວວ່າ ບໍ່ຕ້ອງການສວນກ້ວຍຈີນ

ປະຊາຊົນເມືອງສັງທອງ ບໍ່ຕ້ອງການທຸລະກິດສວນກ້ວຍຂອງຕ່າງຊາດ ໂດຍສະເພາະແມ່ນນັກລົງທຶນຈາກຈີນ. ເພາະທີ່ຜ່ານມາໄດ້ມີຜົນກະທົບຕໍ່ສະພາບແວດລອ້ມໃນທ້ອງຖິ່ນດັ່ງກ່າວ.
ອີງຕາມຂໍ້ມູນຈາກປະຊາຊົນໄດ້ໃຫ້ຮູ້ວ່າ: ມີປະຊາຊົນຫລາຍຄອບຄົວຢູ່ ເມືອງສັງທອງ ນະຄອນຫລວງວຽງຈັນ ບໍ່່ຕ້ອງການສວນກ້ວຍດັ່ງກ່າວ ແລະ ມີຄວາມຫວັງ ຢາກໃຫ້ລັດຖະບານຈຳກັດ ແລະ ຍຸດຕິການປູກກ້ວຍຂອງນັກທຸລະກິດຈີນ ຍ້ອນວ່າ ມັນສົ່ງຜົນກະທົບຕໍ່ຊຸມຊົນ ແລະ ຊັບພະຍາກອນທຳມະຊາດໂດຍສະເພາະ ສັດນ້ຳທີ່ນັບມື້ໃກ້ຈະສຸນພັນຍ້ອນສານເຄມີຈາກສວນກ້ວຍທີ່ໄຫຼລົງແມ່ນ້ຳຕ່າງຯ. ໃນເດືອນພະຈິກ ປີ 2018 ທີ່ຜ່ານມາ ມີປາຈຳນວນຫຼວງຫຼາຍຢູ່ນ້ຳຕອນໄດ້ຕາຍຍ້ອນສານເຄມີຈາກສວນກ້ວຍ.
ທ່ານເຈົ້າເມືອງ ເມືອງສັງທອງ ທ່ານ ດາວເພັດ ອາລຸນ ໄດ້ກ່າວຕໍ່າທິມງານນັກຂ່າວວຽງຈັນທາຍຫວ່າງມໍ່ໆມານີ້ວ່າ: ພາຍໃນເມືອງສັງທອງມີສວນກ້ວຍຂອງນັກທຸລະກິດຈີນປະມານ 160 ເຮັກຕາ, ຊື່ງເປັນການລົງທືນ ທີ່ໄດ້ຮັບອະນຸຍາດຢ່ງຖືກຕ້ອງຈາກລັດຖະບານ ແລະ ໄດ້ດຳເນີນມາໄດ້4-5ປີແລ້ວ.

ພາຍຫຼັງທີ່ພົບເຫັນບັນຫາ ປາທີ່ຢູ່ໃນແມ່ນ້ຳຕອນຕາຍເປັນຈຳນວນຫຼາຍ, ທິມງານຈາກເມືອງໄດ້ຮ່ວມກັບວິຊາການຈາກພະແນກສິ່ງແວດລ້ອມນະຄອນຫຼວງ ໃດ້ລົງຕິດຕາມຫາສາເຫດ ແລະ ກໍ່ໄດ້ພົບວ່າ ເກີດຈາກສານເຄມີແທ້, ເຊິ່ງເຈົ້າຂອງທຸລະກິດດດັ່ງກ່າວກໍ່ໄດ້ຍອມຮັບວ່າ ເກີດຈາກສານເຄມີ ທີ່ແຊ່ໝາກກ້ວຍໃນອ່າງກ່ອນທີ່ຈະສົງໄປຈີນ.
ຈາກນັ້ນທາງເຈົ້າໜ້າທີ່ ທີ່ກ່ຽວຂ້ອງກໍ່ໄດ້ເຮັດບົດບັນທືກກັບທາງບໍລິສັດ ແລະຈະບໍ່ໃຫ້ເກີດເຫດການແບບນີ້ຂື້ນອີກ ພີອມ ຍັງໄດ້ໃຫ້ທາງບໍລິສັດຊົດເຊີຍຜົນເສຍຫາຍດັ່ງກ່າວ ໂດຍໃຫ້ມີການ ປ່ອຍປາ ປີລະ 100,000ໂຕ ເປັນເວລາ 3ປີ ຕິດຕໍ່ກັນ.
ເຖີງແມ່ນວ່າສະພາບການຕາຍຂອງປາຈະຢຸດຕິແລ້ວ, ແຕ່ວ່າທິມງານເມືອງກໍ່ຍັງໄດ້ຮ່ວມມືກັບວິຊາການສິງແວດລ້ອມ ລົງຕິດຕາມການປູກກ້ວຍຂອງບໍລິສັດຈີນທຸກຯໄລຍະເພື່ອລາຍງານຂັ້ນເທີງ.

ພໍ່ຕູ້ທອງວັນ ປະຊາຊົນ ບ້ານກົ້ວ ເຊີ່ງເປັນບ້ານທີ່ມີສວນກ້ວຍຈີນຫຼາຍກວ່າໝູ່ຢູ່ເມືອງສັງທອງໄດ້ກ່າວຕໍ່ທິມງານເຮົາວ່າ: ຈະຂໍຍໍມືນົບແທ້ຯ! ຖ້າໃຜສາມາດຍຸດເຊົາການປຸກກ້ວຍຢູ່ໃນເຂດນີ້ໄດ້. ປະຈຸບັນໃນບ້ານກົ້ວບໍ່ມີຜູ້ໃດທີ່ໄປເຮັດວຽກຢູ່ສວນກ້ວຍຈີນຍ້ອນເຂົາຮູ້ຜົນຮ້າຍຂອງສານເຄມີ ແລະ ເຫັນຜູ້ທີ່ເຮັດວຽກຢູ່ສວນດັ່ງກ່າວ ມີແຕ່ຄົນມາແຕ່ຖ້ອງຖີ່ນອື່ນ ທຸກຄົນທີ່ເຮັດຢູ່ສວນກ້ວຍຈີນຈະຈ່ອຍແລະໂຕເຫຼືອງ. ແຕ່ກ່ອນເພີ່ນມີອາຊີບຫາປາຂາຍ ໂດຍອາໄສນ້ຳຕອນເປັນແຫຼ່ງທຳມາຫາກິນ, ແຕ່ຫຼັງຈາກທີ່ມີສວນກ້ວຍຈຳນວນ ປູ, ປາ, ກຸ້ງ, ຫອຍ ຫຼື ສັດນ້ຳຕ່າງຯປະກົດວ່າໜ້ອຍລົງ ຫາມາກິນໃນຄອບຄົວກາຍັງບໍ່ພໍ. ປະຈຸບັນພໍ່ຕູ້ທອງວັນ ເພີ່ນໄດ້ຢຸດຫາປາຂາຍແລ້ວ ແລະ ບໍ່ກ້າກິນປາທີ່ອາໄສຢູ່ເຂດນ້ຳຕອນອີກ.

ອີງຕາມການລາຍງານຂອງ ສະພາການຄ້າ ຕໍ່ກອງປະຊຸມສະພານະຄອນຫລວງ ລະຫວ່າງ ວັນທີ 25-28 ທັນວາ ທີ່ຜ່ານ ແມ່ນບໍ່ໃຫ້ມີການຂະຫຍາຍການປູກ້ວຍຢູ່ເຂດເມືອງສັງທອງ.

 

 

ຂໍ້ມູນມາຈາກ : ຟັງຂ່າວ99

Leave a Reply

Your email address will not be published. Required fields are marked *