ແຊ້ມເກົ່າ ມີໄຊນັດທີ 2 ເອຊຽນຄັບ 2019 ມີລຸ້ນເຂົ້າຮອບໃນນັດສຸດທ້າຍ!!

ເຕະບານຊາຍ ຊິງແຊ້ມອາຊີ ຫລື ເອຊຽນຄັບ 2019 ທີ່ສະຫະລັດອາຣັບເອມີເຣສ ໃນມື້ນີ້ (11 ມັງກອນ 2019) ກຸ່ມ B ນັດທີ 2 ແຊ້ມເກົ່າ ອົດສະຕຣາລີ ພົບກັບ ປາເລັສຕາຍ (ປາເລັສຕິນ), ນັດທີ 1 ແຊ້ມເກົ່າເສຍໃຫ້ ຈໍແດນ 0-1 ຂະນະທີ່ ປາເລັສຕິນ ສະເໝີກັບ ຊີເຣຍ 0-0 ນັດນີ້ ແຊ້ມເກົ່າເຮັດໄດ້ດີກວ່າ ໄລ່ຕ້ອນເອົາຊະນະ ປາເລັສຕາຍ (ປາເລັສຕິນ) 3-0 ຈາກ ເຈມີ້ ແມັກຄາເລັນ (Jamie Maclaren) ນາທີ 18′ ກອງໜ້າຈາກສະໂມສອນຮິບເບີນ້ຽນໃນລີກສູງສຸດສະກັອດແລນ ເປັນປະຕູທຳອິດຂອງ ແມັກຄາເລັນ ໃນນາມທິມຊາດ ປະຕູທີສອງໄດ້ຈາກ ອາເວີ ໃສບິວ (Awer Mabil) ນາທີ 20′ ປິທ້າຍຈາກ ອາໂປສໂຕລັອສ ຈານນູລ (Apostolos Giannou) ນາທີ 90′.

ແຊ້ມເກົ່າ ເກັບ 3 ຄະແນນສຳຄັນ ຫຍັບຂຶ້ນມາຢູ່ອັນດັບສອງຂອງກຸ່ມ ຕາມຫລັງອັນດັບ 1 ຈໍແດນ 3 ຄະແນນ (ຈໍແດນ ເຂົ້າຮອບແລ້ວ ຊະນະ 2 ນັດ), ທີ 3 ຊີເຣຍ ມີ 1 ຄະແນນເທົ່າກັບ ປາເລັສຕິນ ແຕ່ປະຕູໄດ້ເສຍ ຊີເຣຍ ດີກວ່າ 1 ໜ່ວຍ. ນັດສຸດທ້າຍຂອງກຸ່ມນີ້ ອົດສະຕຣາລີ ພົບ ຊີເຣຍ, ປາເລັສຕິນ ພົບ ຈໍແດນ ຈະແຂ່ງຂັນໃນວັນທີ 15 ມັງກອນນີ້, ອົດສະຕຣາລີ ຊະນະເຂົ້າຮອບ ຫລື ສະເໝີກໍ່ມີໂອກາດສູງ, ຂະນະທີ່ ຊີເຣຍ ຕ້ອງຊະນະຢ່າງດຽວຈຶ່ງມີໂອກາດເຂົ້າຮອບ ເຊັ່ນດຽວກັບ ປາເລັສຕິນ.

 

 

ຂໍ້ມູນມາຈາກ : ສະປອດອັບເດດ

 

 

Leave a Reply

Your email address will not be published. Required fields are marked *

Facebook