ງານນີ້ມີແຕກ! ເມື່ອໂຈນໂຊກຮ້າຍໄປປຸ້ນສາວນັກມວຍ

ຍິງສາວຮູບຮ່າງຜອມບາງຢືນຖ້າລົດຄົນດຽວຕອນກາງຄືນ ເປັນເປົ້າໝາຍທີ່ລໍ່ຕາລໍ່ໃຈໂຈນເປັນຢ່າງດີ ແຕ່ວ່າສໍາລັບໂຈນໜຸ່ມ ຊາວບຣາຊິວຄົນນີ້ ຄວາມຜິດພາດຢ່າງດຽວຂອງເຂົາຄືບັງເອີນວ່າຍິງສາວທີ່ເປົ້າຫມາຍເປັນນັກກິລາສິລະປະການຕໍ່ສູ້ແບບປະສົມ ປະສານ ຫຼື MMA ທີ່ບໍ່ໄດ້ອ່ອນແອຄືຮູບລັກສະນະພາຍນອກ

ເຫດການນີ້ເກີດຂື້ນເມື່ອວັນທີ່ 5 ມັງກອນ 2019 ຂະນະທີ່ ໂປລີອານ່າ ວີອານ່າ ນັກມວຍຍິງແຫ່ງສະມາຄົມອັລຕິເມທໄຟຕິງແຊ້ມ ປ້ຽນຊິບ (UFC) ກໍາລັງຢືນຖ້າແທັກຊີ່ຢູ່ໜ້າອາພາຣທເມັ້ນ ກໍ່ມີຊາຍຄົນໜຶ່ງຍ່າງເຂົ້າມາເຮັດທ່າທີຖາມເວລາ ກ່ອນຈະຂູ່ວ່າມີປືນ ແລະ ບອກໃຫ້ນາງສົ່ງໂທລະສັບມືຖືມາໃຫ້

ແຕ່ ວີອານ່າ ຕາໄວເຫັນວ່າປືນທີ່ໂຈນນໍາມາຂູ່ໜ້າຈະບໍ່ແມ່ນຂອງແທ້ ຈຶ່ງປະເຄນທັງໝັດ ຕີນ ຂໍ້ສອກ ເຂົ້າໃສ່ ກ່ອນຈະໃຊ້ທ່າຮັດຄໍ ຈົນໂຈນຄົນນີ້ສະບັກສະບອມ ກ່ອນທີ່ຈະແຈ້ງຕໍາຫຼວດໃຫ້ມາຮັບໂຕໄປ

ຈາກການສືບສວນຂອງເຈົ້າໜ້າທີ່ຕໍາຫຼວດພົບວ່າ ປືນທີ່ຄົນຮ້າຍນໍາມາຂູ່ເປັນພຽງປືນປອມທີ່ເຮັດຈາກເຈ້ຍລັງ ຂະນະທີ່ຄົນຮ້າຍ ຄົນນີ້ຕ້ອງແວະໄປເຮັດບາດແຜທີ່ໂຮງໝໍກ່ອນຈະສົ່ງສະຖານີຕໍາຫຼວດ

 

Leave a Reply

Your email address will not be published. Required fields are marked *