“ຮົງກົງ” ອອກກົດໝາຍຫ້າມດູໝິ່ນ “ເພງຊາດຈີນ” ຕັ້ງໂທດຈໍາຄຸກສູງສຸດ 3 ປີ

ສໍານັກຂ່າວເອເອຟພີລາຍງານເມື່ອວັນທີ່ 9 ມັງກອນ 2019 ວ່າ ຮົງກົງກຽມສະເໜີຮ່າງກົດໝາຍໃໝ່ທີ່ກໍານົດບົດລົງໂທດຜູ້ກະທໍາ ຜິດຖານບໍ່ເຄົາລົບເພງຊາດຈີນ ໂດຍມີໂທດຈໍາຄຸກສູງສຸດ 3 ປີ ເຊິ່ງຮ່າງກົດໝາຍນີ້ຈະມີການສະເໜີເຂົ້າສູ່ທີ່ປະຊຸມສະພາຮົງ ກົງໃນວັນທີ່ 23 ມັງກອນນີ້ ເຊິ່ງມີຂື້ນທ່າມກາງການກົດດັນຂອງຈີນເພື່ອໃຫ້ຮົງກົງ ດິນແດນໃນການປົກຄອງພິເສດ ປັບໂຕໃຫ້ເຂົ້າກັບກົດລະບຽບຂອງຈີນຫຼາຍຂື້ນ

ຮ່າງກົດໝາຍສະບັບນີ້ຂອງຮົງກົງທີ່ມີການເປີດເຜີຍສູ່ສາທາລະນະໃນວັນຜ່ານມາ ເຜີຍໃຫ້ເຫັນບົດບັນຍັດທາງກົດໝາຍທີ່ເປັນ ໄປໃນລັກສະນະດຽວກັນຂອງຈີນແຜ່ນດິນໃຫຍ່ທີ່ກໍານົດບົດລົງໂທດສູງສຸດຄືຈໍາຄຸກ 3 ປີສໍາລັບຜູ້ກະທໍາຜິດຮ້າຍແຮງໃນກໍລະ ນີບໍ່ເຄົາລົບ ຫຼື ດູໝິ່ນເພງຊາດຈີນ ໂດຍຮ່າງກົດໝາຍສະບັບນີ້ຍັງກໍານົດໃຫ້ການບັນເລງເພງຊາດຈີນຢ່າງຜິດພ້ຽນ ຫຼື ກະທໍາໄປໃນທາງທີ່ບໍ່ເປັນການເຄົາລົບດ້ວຍເຈດຕະນາດູໝິ່ນ ເປັນສິ່ງທີ່ຜິດກົດໝາຍ ແລະ ຍັງຫ້າມປັບປ່ຽນເນື້ອເພງ ແລະ ທໍານອງອີກດ້ວຍ ເຊິ່ງນອກເໜືອຈາກໂທດຈໍາຄຸກແລ້ວ ຜູ້ກະທໍາຜິດຍັງຈະປະເຊີນໂທດປັບໃຫມສູງສຸດເປັນເງິນ 50.000 ໂດລາຮົງກົງ (ປະມານ 55.000.000 ກີບ)

ແພທຣິກ ນິປ ເລຂານຸການຝ່າຍລັດຖະທໍາມະນູນ ແລະ ກິດຈະການແຜ່ນດິນໃຫຍ່ຂອງຮົງກົງ ກ່າວກັບນັກຂ່າວວ່າຮ່າງກົດໝາຍນີ້ ຈະດໍາລົງໄວ້ເຊິ່ງກຽດພູມ ແລະ ສົ່ງເສີມການເຄົາລົບເພງຊາດ ການສະເໜີຮ່າງກົດໝາຍນີ້ມີຂື້ນຫຼັງຈາກເກີດກໍລະນີ້ເຫຼົ່າແຟນ ບານຊາວຮົງກົງສົ່ງສຽງໂຫ່ເມື່ອມີການບັນເລງເພງຊາດຈີນຂື້ນໃນເກມການແຂ່ງຂັນຫຼາຍນັດໃນຊ່ວງຫຼາຍປີທີ່ຜ່ານມາ ແລະ ຍັງມີການຢືນຫັນຫຼັງໃຫ້ເຊິ່ງເຜີຍໃຫ້ເຫັນແບນເນີຣຂຽນຂໍ້ຄວາມເຖິງຄວາມເປັນເອກະລາດຂອງຮົງກົງ ໃນຂະນະທີ່ກຸ່ມນັກເຄື່ອນ ໄຫວຮຽກຮ້ອງໃຫ້ຮົງກົງແຍກໂຕເປັນອິດສະຫຼະຈາກຈີນ ເຊິ່ງສ້າງຄວາມບໍ່ພໍໃຈໃຫ້ກັບລັດຖະບານຈີນເລື້ອຍມາ

ທັງນີ້ຮົງກົງ ເປັນສູນກາງການເງິນໃນພູມິພາກເອເຊຍ ໄດ້ຖືກອັງກິດສົ່ງມອບຄືນໃຫ້ຢູ່ໃຕ້ປົກຄອງຂອງຈີນເມື່ອປີ 1997 ໃນຂະນະທີ່ຈີນດໍາເນີນນະໂຍບາຍຈີນດຽວ ຫຼື 1 ປະເທດ 2 ລະບອບ ໃນການປົກຄອງດິນຂອງຈີນຢ່າງຮົງກົງ ແລະ ມາເກົ໋າ.

 

Leave a Reply

Your email address will not be published. Required fields are marked *

Facebook