ຈີນ ເຜີຍຍອດຜູ້ເສຍຊີວິດ-ສູນຫາຍຈາກໄພທໍາມະຊາດໃນປີທີ່ຜ່ານມາຫຼຸດລົງ

ຂໍ້ມູນຈາກທາງການເມື່ອວັນອັງຄານທີ່ຜ່ານມາ 8 ມັງກອນ 2019 ລະບຸວ່າ ຈໍານວນຊາວຈີນທີ່ເສຍຊີວິດເພາະໄພພິບັດທາງທໍາມະ ຊາດໃນປີ 2018 ນັ້ນຫຼຸດລົງ

ກະຊວງການຈັດການເຫດສຸກເສີນຂອງຈີນລະບຸວ່າ ມີຜູ້ເສຍຊີວິດ 589 ຄົນ ແລະ ສູນຫາຍ 46 ຄົນ ໃນເຫດການໄພພິບັດທໍາ ມະຊາດທີ່ຫຼັກໆ ປະກອບດ້ວຍອຸທົກກະໄພ ແລະ ພາຍຸໄຕ້ຝຸ່ນ ນັບເປັນຕົວເລກຕໍ່າກວ່າຄ່າສະເລ່ຍໃນຊ່ວງຫ້າປີທີ່ຜ່ານມາເຖິງ 59%

ອາຄານບ້ານເຮືອນທີ່ພັງລົງເພາະໄພທໍາມະຊາດມີປະມານ 97.000 ຫຼັງ ຫຼຸດລົງເຖິງ 78% ເມື່ອທຽບກັບຕົວເລກສະເລ່ຍໃນຊ່ວງ 5 ປີທີ່ຜ່ານມາ ແລະ ຄວາມເສຍຫາຍທາງເສດຖະກິດໂດຍກົງຢູ່ທີ່ 2,64 ແສນລ້ານຢວນ ຫຼຸດລົງ 34%

ພື້ນທີ່ທາງພາກເໜືອຂອງຈີນປະສົບອຸທົກກະໄພເພີ່ມຂື້ນເມື່ອປີທີ່ຜ່ານມາ ໃນຂະນະທີ່ມີພາຍຸໄຕ້ຝຸ່ນຫຼາຍໜ່ວຍຫຼາຍຂື້ນທີ່ມາຂື້ນ ບົກຕາມແນວຊາຍຝັ່ງຂອງຈີນ ສ່ວນໄພພິບັດທີ່ສໍາຄັນອື່ນໆໄດ້ແກ່ ໄພແລ້ງ ແລະ ແຜ່ນດິນໄຫວ

ທັງນີ້ໄພພິບັດທາງທໍາມະຊາດໃນປີທີ່ຜ່ານມາໄດ້ສົ່ງຜົນກະທົບຕໍ່ປະຊາຊົນ 130 ລ້ານ ແລະ ພຶດຜົນກະສິກຳປະມານ 20,81 ລ້ານເຮັກຕ້າ

 

Leave a Reply

Your email address will not be published. Required fields are marked *

Facebook