ເສດຖະກິດແຂວງວຽງຈັນ ຂະຫຍາຍຕົວ 8,2%

ກອງປະຊຸມຄົບຄະນະບໍລິຫານງານພັກ  ແຂວງວຽງຈັນ ຄັ້ງທີ 8 ສະໄໝທີ V  ໄດ້ຈັດຂຶ້ນໃນວັນທີ 9-10 ມັງກອນ 2019  ໂດຍການ ເປັນປະທານຂອງ ທ່ານ ວີດົງ ໄຊຍະສອນ  ກຳມະການສູນກາງພັກເລ ຂາພັກແຂວງ ເຈົ້າແຂວງໆ ວຽງຈັນ.  ກອງປະຊຸມໄດ້ຊີ້ໃຫ້ເຫັນ ວ່າ: ປີ 2018 ຜ່ານມາ ແຂວງວຽງຈັນຮັກສາໄດ້ສະຖຽນລະພາບ ທາງດ້ານການເມືອງໜັກແໜ້ນສັງຄົມ ມີຄວາມສະຫງົບໂດຍພື້ນ ຖານເສດຖະກິດຂອງແຂວງ ຂະຫຍາຍຕົວຢ່າງຕໍ່ເນືອງ ແລະ ໝັ້ນທ່ຽງສະເລ່ຍ 8,2%,  ມູນຄ່າເພີ່ມໄດ້ 7.085 ຕື້ກີບ, ສະເລ່ຍ ລາຍຮັບໄດ້ 15 ລ້ານກວ່າກີບ ຫລື ເທົ່າກັບ 1.858  ໂດລາຕໍ່ຄົນຕໍ່ປີ

ທ່ານ ບຸນສອນ ເພັດລາວັນ ຄະນະປະຈຳພັກແຂວງ,  ຮອງເຈົ້າແຂວງໆວຽງຈັນ ໄດ້ລາຍງານຕໍ່ກອງປະຊຸມວ່າ: ປີ 2018ຜ່ານມາ, ອັດຕາເຂົ້າຮຽນສຸດທິຊັ້ນປະຖົມໄດ້ 99%, ຊັ້ນມັດທະຍົມຕອນຕົ້ນ95%, ຊັ້ນມັດທະຍົມຕອນປາຍໄດ້ 66%,  ມາຮອດປະຈຸບັນສາ ມາດປະກາດຈົບຊັ້ນ ມັດທະຍົມຕອນຕົ້ນໄດ້ 8 ເມືອງ,  ສ້າງບ້ານວັດທະນະທຳໄດ້ 342 ບ້ານ,  ການຊົມໃຊ້ນ້ຳສະອາດບັນລຸໄດ້ 85%,  ການຊົມ ໃຊ້ວິດຖ່າຍກວມ 78%,  ໄດ້ຈັດຕັ້ງເຊື່ອມຊຶມບັນດານິຕິກຳຂອງຂັ້ນເທິງໃຫ້ຄະນະພັກ ແຕ່ລະຂັ້ນເພຶ່ອສ້າງຄວາມ ເປັນເອກະພາບ, ຕິດພັນກັບການປັບປຸງການຈັດຕັ້ງພັກເຊິ່ງເຮັດໃຫ້ຮາກຖານພັກ  ແລະ ສະມາຊິກພັກເພີ່ມຂຶ້ນຢ່າງຕໍ່ເນື່ອງ, ໄດ້ຮັບນາມມະຍົດໜ່ວຍພັກແຂງ-ຮູ້ນຳພາຮອບດ້ານ 508ໜ່ວຍ,ໄດ້ສຸມທຸກກຳລັງແຮງ, ທຶນຮອນເຂົ້າໃນການກໍ່ສ້າງຮາກຖານ ການເມືອງພັດທະນາຊົນນະບົດ ຮອບດ້ານຕາມ 4 ເນື້ອໃນ 4ຄາດໝາຍ,  ໄດ້ລົງກວດກາປະເມີນຜົນຄອບຄົວທຸກຍາກ ແລະ ການພັດທະນາຢູ່ບັນດາເມືອງ ເຊິ່ງປັດຈຸບັນມີບ້ານພັດທະນາທັງໝົດ 208 ບ້ານ,  ມີບ້ານທຸກຍາກ 9 ບ້ານ,  ມີຈຳນວນຄອບຄົວ ທຸກຍາກທັງໝົດ930 ຄອບຄົວ , ເທົ່າກັບ1,13% ຂອງຈຳນວນຄອບຄົວທົ່ວແຂວງ.

ປີ 2019 ການຈັດຕັ້ງສັງຄົມຕ່າງໆ ຈະໄດ້ສືບຕໍ່ເຄື່ອນໄຫວໃຫ້ຖືກຕ້ອງຕາມພາລະບົດບາດ, ສິດ-ໜ້າທີ່ຂອງຕົນຢ່າງເຂັ້ມງວດ, ຕັ້ງໜ້າປັບປຸງອົງການລັດບໍລິຫານຂັ້ນຕ່າງໆ  ໃຫ້ກະທັດຮັດສົມເຫດສົມຜົນຕາມທິດນຳ 3 ສ້າງ, ເອົາໃຈໃສ່ ຕິດຕາມກວດກາ ການປະຕິບັດມະຕິ,  ຄຳສັ່ງ, ລະບຽບກົດໝາຍຂອງອົງ ການຈັດຕັ້ງພັກ-ລັດໃນແຕ່ລະຂັ້ນ.

 

Leave a Reply

Your email address will not be published. Required fields are marked *

Facebook