ສາວ ໂພສຮູບເລືອດອາບ ປະກາດ ຕາມຫາ ທະຫານທີ່ພະຍາມຂົ່ມຂືນ ມາຮັບໂທດ

ສາວ ເພັດ ຜູ້ເສຍຫາຍ ແລະ ໄດ້ຮັບບາດເຈັບ ຢູ່ ແຂວງສະຫວັນນະເຂດ ໂພສພາບ ພ້ອມເລືອດອາບ ປະກາດ ຕາມຫາ ຊາຍຄູ່ກໍລະນີມາຮັບຜິດ ເຊິ່ງລະບູວ່າ: ນາງ ເພັດເລົ່າວ່າ ໄດ້ຮູ້ຈັກ ກັບ ທ້າວ ພິນ ຢູ່ບ້ານປະແນະໃຕ້ ເມືອງນອງ ແຂວງສະຫວັນນະເຂດ ອາຊີບທະຫານ ສັງກັດຢູ່ ກອງພັນທີ 13 ກອງຮ້ອຍ 102 ເມືອງພະລານໄຊ ທີ່ຫາກໍ່ຮູ້ຈັກກັນມື້ດຽວ ໃນວັນທີ 1 ມັງກອນ 2019 ທ້າວພິນ ກໍ່ຊວນ ນາງເພັດ ໄປທ່ຽວຮ້ານກິນດື່ມ ພ້ອມກັບໝູ່ອີກ 2 ຄົນ ແຕ່ນາງເພັດບໍ່ໄດ້ດື່ມ, ນາງບອກວ່າອອກໄປກັບທ້າວພິນ ເພາະຢາກຮູ້ຈັກຮັກແພງກັນ ແຕ່ບໍ່ຄິດວ່າທ້າວພິນ ຈະຄິດຊົ່ວໃສ່ຕົນເອງ ໂດຍອອກຈາກຮ້ານກິນດື່ມແລ້ວ ຈະພານາງເພັດໄປເຂົ້າບ້ານພັກ ເຊິ່ງນາງເພັດ ບໍ່ຍອມ ພ້ອມບອກໃຫ້ທ້າວພິນ ເມືອສົ່ງດີໆ ແຕ່ຍ້ອນຄວາມຫື່ນຂຶ້ນຕາ ທ້າວພິນກໍ່ພະຍາມຍາມຈະພາເຂົ້າບ້ານພັກຫຼັງທີ 2 ອີກ ແຕ່ນາງເພັດ ບໍຍອມ ພ້ອມບອກໃຫ້ເມືອສົ່ງ ສຸດທ້າຍທ້າວພິນ ກະເລີຍບອກວ່າສິພາໄປນອນຢູ່ຖຽງນາ.

ຂະນະທີ່ທ້າວພິນ ກຳລັງລ້ຽວລົດ ນາງ ເພັດ ກໍ່ເລີຍໂດດລົງລົດ ຫົວໄປກະທົບໃສ່ໝາກຫີນ ແຕກ ໄດ້ຍິບ 2 ເຂັມ, ເຊິ່ງຕອນທີ່ໂດດທ້າວພິນ ກໍ່ຂັບລົດໄປເສີຍ ບໍ່ຢ້ອນກັບມາເບິ່ງເລີຍ ພ້ອມເອົາຕົວລົບໜີ ໄປຢູ່ເຮືອນພີ່ນ້ອງ ຈາກນັ້ນນາງເພັດກໍ່ຈະເອົາເລື້ອງ ແຕ່ທາງພິ່ນ້ອງທ້າວພິນ ຂໍຮ້ອງບໍ່ໃຫ້ເອົາເລື້ອງຮອດທາງການ ເພາະທ້າວພິເປັນທະຫານ ແລະ ຂໍຖັດເວລາລົມໄກ່ເກ່ຍກັນ ເພາະຊ່ວງນັ້ນແມ່ທ້າວພິນ ກໍ່ກຳລັງປ່ວຍຊອມໃຈຢູ່.

ຈົນມາຮອດວັນທີ 9 ມັງກອນ 2019 ບໍ່ເຫັນທ້າວພິນ ແລະ ພີ່ນ້ອງມາໄກ່ເກ່ຍ ແລະ ທ້າວຍັງເອົາຕົວລົບໜີ ທາງພີ່ນ້ອງເລີຍເຊັນຍອມມອບຕົວທ້າວໃຫ້ທາງນາງເພັດໄປດຳເນີນຄະດີຕາມກົດໝາຍ ແຕ່ຕອນນີ້ ແມ່ນຍັງບໍ່ພົບຕົວທ້າວພິນ ຫາກໃຜພົບເຫັນ ກະລຸນາແຈ້ງຂໍ້ມູນໄປຫາ ເຟສບຸກ ຊື: ເພັດ ທຳມະວົງ ແນ່ເດີ.

 

 

ຂໍ້ມູນມາຈາກ : ລາວ360ອົງສາ

 

Leave a Reply

Your email address will not be published. Required fields are marked *