ທະນາຄານໂລກ ຄາດເສດຖະກິດໂລກປີນີ້ຂະຫຍາຍໂຕພຽງ 2,9%

ສຳນັກຂ່າວຕ່າງປະເທດລາຍງານໃນວັນທີ 9 ມັງກອນ 2019 ວ່າ ເວິລດແບງ ຫຼື ທະນາຄານໂລກ ຄາດການປີນີ້ ເສດຖະກິດໂລກຂະ ຫຍາຍຕົວຫຼຸດລົງພຽງ 2,9% ທຽບກັບປີຜ່ານມາເຊິ່ງຂະຫຍາຍຕົວໃນອັດຕາ 3% ຈາກປັດໄຈລົບຈາກພາວະເຄັ່ງຕຶງທາງດ້ານການ ຄ້າ ແລະ ປະລິມານການຄ້າທົ່ວໂລກທີ່ປັບຕົວລົງ

“ຊ່ວງເລີ່ມຕັ້ນປີ 2017 ເສດຖະກິດຂະຫຍາຍຕົວເຂັ້ມແຂງແຕ່ເລີ່ມຜ່ອນແຮງລົງລະຫວ່າງປີ ແລະ ໃນປີນີ້ຄາດວ່າຈະຊະລໍໂຕລົງ” ທ່ານນາງຄຣິສຕິນາ ຈີອໍຈີວາ ປະທານາຄະນະເຈົ້າໜ້າທີ່ບໍລິຫານ (ຊີອີໂອ) ທະນາຄານໂລກ ລະບຸໃນລາຍງານຮອບເຄິ່ງປີວ່າດ້ວຍ ແນວໂນ້ມເສດຖະກິດໂລກ

ລາຍງານຂອງທະນາຄານໂລກ ໄດ້ຮັບການເຜີຍແພ່ໃນຊ່ວງທີ່ສະຫະລັດ ແລະ ຈີນກໍາລັງຫາລືເພື່ອຫາທາງອອກຮ່ວມກັນໃນກໍລະນີ ພິພາດທາງການຄ້າ ເຊິ່ງການເຮັດສົ່ງຄາມການຄ້າລະຫວ່າງສະຫະລັດ ແລະ ຈີນຕະຫຼອດຊ່ວງທີ່ຜ່ານມາ ສົ່ງຜົນກະທົບຕໍ່ຕະຫຼາດ ເງິນ ແລະ ຕະຫຼາດຫຸ້ນທົ່ວໂລກ

ນອກຈາກນີ້ ທະນາຄານໂລກຍັງລະບຸວ່າ ສົງຄາມການຄ້າສົ່ງຜົນກະທົບຕໍ່ການເຕີບໂຕທາງເສດຖະກິດທັງຂອງສະຫະລັດ ແລະ ຈີນ ໂດຍເສດຖະກິດມີແນວໂນ້ມຊະລໍໂຕຫຼຸດລົງເຫຼືອ 2,5% ໃນປີນີ້ຈາກ 2,9 ໃນປີ 2018 ສ່ວນເສດຖະກິດຈີນ ຄາດວ່າຈະຂະຫຍາຍຕົວ ແຕ່ 6,2% ໃນປີນີ້ ທຽບກັບທີ່ເຄີຍຂະຫຍາຍຕົວ 6,5% ໃນປີທີ່ແລ້ວ.

Leave a Reply

Your email address will not be published. Required fields are marked *