ບໍລິສັດ ຣາຊ-ລາວບໍລິການ ຊື້ຫຸ້ນ 40% ຂອງເອເຊຍວໍເຕີ ຈຳກັດ

ບໍ­ລິ­ສັດ ຣາ​ຊ-ລາວ​ບໍ­ລິ­ການ ຈຳ­ກັດ ເຊິ່ງ​ເປັນ​ບໍ­ລິ­ສັດ​ຍ່ອຍ​ຂອງ​ບໍ­ລິ­ສັດ ຜະ­ລິດ​ໄຟ­ຟ້າ​ຣາ​ຊ​ບູ​ລີ​ໂຮນ​ດິງ ຈຳ­ກັດ (ມະ­ຫາ­ຊົນ) ແລະ ບໍລິສັດ ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ ຈຳ­ກັດ​ຜູ້​ດຽວ (ຜູ້​ຖື​ຫຸ້ນ​ເດີມ) ໄດ້​ລົງ​ນາມ​ສັນ­ຍາ​ຊື້-ຂາຍ​ຫຸ້ນ​ສາ­ມັນ​ຂອງ​ບໍ­ລິ­ສັດ ເອ​ເຊຍ​ວໍ​ເຕີ ຈຳ­ກັດ​ຜູ້​ດຽວ ຜູ້​ດຳ­ເນີນ​ໂຄງ­ການ​ຜະ­ລິດ​ນ້ຳ​ປະ­ປາ​ແສນ​ດິນ​ໃນ ສປປ ລາວ 40% ຂອງ​ທຶນ​ຈົດ​ທະ­ບຽນ ຫຼື ເທົ່າ​ກັບ 4.800.000 ຫຸ້ນ.

ໂຄງ­ການ​ຜະ­ລິດ​ນ້ຳ​ປະ­ປາ​ແສນ​ດິນ ຕັ້ງ​ຢູ່​ບ້ານ​ແສນ​ດິນ ເມືອງ​ນາ​ຊາຍ​ທອງ ນະ­ຄອນ­ຫຼວງ​ວຽງ​ຈັນ ດຳ­ເນີນ​ທຸ­ລະ​ກິດ​ຜະ­ລິດ​ນ້ຳ​ປະ­ປາ​ຈຳ­ໜ່າຍ ໃຫ້​ລັດ​ວິ​ສາ​ຫະ​ກິດ​ນ້ຳ​ປະ­ປາ​ນະ­ຄອນ­ຫຼວງ​ວຽງ​ຈັນ ໄລ­ຍະ​ເວ­ລາ​ສຳ​ປະ­ທານ 50 ປີ ມີ​ກຳ­ລັງ​ການ​ຜະ­ລິດ​ລວມ 48.000 ແມັດ​ກ້ອນ​ຕໍ່​ວັນ ແບ່ງ​ການ​ຜະ­ລິດ​ອອກ​ເປັນ 2 ໄລ­ຍະ​ຄື: ໄລ­ຍະ​ທີ 1 ເລີ່ມ​ຜະ­ລິດ​ແຕ່​ເດືອນ​ທັນ­ວາ 2018 ໂດຍ​ມີ​ກຳ­ລັງ​ການ​ຜະ­ລິດ 24.000 ແມັດ​ກ້ອນ​ຕໍ່​ວັນ ແລະ ໄລ­ຍະ​ທີ 2 ຈະ​ເລີ່ມ​ຜະ­ລິດ​ປະ­ມານ​ປີ 2031 ໂດຍ​ຈະ​ຂະ­ຫຍາຍ​ກຳ­ລັງ​ການ​ຜະ­ລິດ​ເປັນ 48.000 ແມັດ​ກ້ອນ​ຕໍ່​ວັນ.

ການ​ຮ່ວມ​ມື​ຄັ້ງ​ນີ້ ບໍ­ລິ­ສັດ ຣາ​ຊ-ລາວ​ບໍ­ລິ­ການ ຈຳ­ກັດ ຫວັງ​ວ່າ​ຈະ​ມີ​ສ່ວນ​ໃນ​ການ​ສະ­ໜັບ­ສະ­ໜູນ​ນະ­ໂຍ­ບາຍ ດ້ານ​ການ​ພັດ­ທະ­ນາ​ຄຸ­ນະ­ພາບ​ຊີ­ວິດ​ຂອງ​ປະ­ຊາ­ຊົນ​ໃນ ສປປ ລາວ ລວມ​ທັງ​ເປັນ​ການ​ຂະ­ຫຍາຍ ໂອ­ກາດ​ການ​ລົງ­ທຶນ​ຂອງ​ກຸ່ມ​ບໍ­ລິ­ສັດ ຕື່ມ​ອີກ.

ພິ­ທີ​ລົງ​ນາມ​ສັນ­ຍາ​ດັ່ງ­ກ່າວ ຈັດ​ຂຶ້ນ​ວັນ​ທີ 19 ທັນ­ວາ 2018 ຜ່ານ​ມາ ຢູ່​ບໍ­ລິ­ສັດ ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ ຈຳ­ກັດ​ຜູ້​ດຽວ ລະ­ຫວ່າງ​ທ່ານ ສະ­ຫັດ​ທອນ ພຸດ​ທອງ ຜູ້­ອຳ­ນວຍ­ການ​ບໍ­ລິ­ສັດ ຣາ​ຊ-ລາວ​ບໍ­ລິ­ການ ຈຳ­ກັດ ແລະ ທ່ານ ພຶດ­ສະ­ພາ ພູມ​ມະ​ສັກ ປະ­ທານ​ບໍ­ລິ­ສັດ ເອ​ເຊຍ​ລົງ­ທຶນ​ພັດ­ທະ­ນາ ແລະ ກໍ່­ສ້າງ ຈຳ­ກັດ​ຜູ້​ດຽວ ໂດຍ​ມີ​ພາກ­ສ່ວນ​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

 

Leave a Reply

Your email address will not be published. Required fields are marked *

Facebook