Apple ຕ້ອງຍອມຮັບ iPhone ມີລາຄາທີ່ສູງເກີນໄປ ເປັນສາເຫດຫນຶ່ງທີ່ເຮັດໃຫ້ຍອດຂາຍຕົກ ລວມເຖິງບັນຫາກັບປະເທດຈີນ

ສຳນັກຂ່າວຕ່າງປະເທດລາຍງານເມື່ອວັນທີ 7 ມັງກອນ 2019 ວ່າ ທ່ານ Tim Cook ໄດ້ປະກາດຢ່າງເປັນທາງການວ່າ Apple ບໍ່ສາມາດຂາຍ iPhone ໄດ້ຕາມເປົ້າດ້ວຍສາເຫດຫຼາຍປະການ ຢ່າງຄວາມທ້າທາຍໃນຕະຫຼາດເກີດໃໝ່ ຫຼື ບັນຫາໃນປະເທດຈີນ ຫຼື ແມ່ນແຕ່ຄ່າເງິນໂດລາທີ່ເຮັດໃຫ້ລາຄາສິນຄ້າສູງຂື້ນ ເຮັດໃຫ້ຜູ້ໃຊ້ງານເລືອກປ່ຽນແບດເຕີ່ລີ່ແທນທີ່ຈະຊື້ iPhone ໜ່ວຍໃໝ່

ເດີມ iPhone ທົດລອງຕັ້ງລາຄາຢ່າງສູງກັບ iPhone X ທີ່ສູງເຖິງ $999 ເຖິງແມ່ນວ່າຊ່ວງທໍາອິດກໍ່ຍັງມີຄົນຊື້ເລື້ອຍໆ ເຊິ່ງລາຍງານກ່ອນໜ້ານີ້ພົບວ່າ ຍອດຂາຍ iPhone ຕໍ່ໜ່ວຍນັ້ນຫຼຸດລົງເລື້ອຍໆ ເຮັດໃຫ້ iPhone ປ່ຽນແຜນມາຕັ້ງລາຄາ iPhone ທີ່ສູງຂື້ນ ເຮັດໃຫ້ໄດ້ກໍາໄລຕໍ່ເຄືອງຫຼາຍຂື້ນ ໂດຍບໍ່ຈໍາເປັນຕ້ອງຂາຍຈໍານວນເຄື່ອງຫຼາຍເທົ່າເດີມດ້ວຍວິທີດັ່ງກ່າວເບິ່ງຄືວ່າ iPhone ມາເຈິກັບທາງຕັນ…

ການຈັດແຄມເປນທີ່ຫຼຸດລາຄາໝາຍເຖິງສະຖານະການທີ່ບໍ່ດີ
ເຖິງແມ່ນວ່າ iPhone ຈະເປີດໂຕ iPhone XR ທີ່ລາຄາຖືກລົງກວ່າ iPhone X ເຊິ່ງມີລາຄາຢູ່ທີ່ $749 ເຂົ້າລາວປະມານ 7.500.000 ກີບ ແຕ່ສໍາລັບໃຜຫຼາຍໆຄົນ ກໍ່ຍັງເປັນລາຄາທີ່ສູງຢູ່ (ເມື່ອທຽບກັບສິ່ງທີ່ Apple ໃຫ້) ແລະ ເຖິງແມ່ນວ່າ iPhone XR ຈະແຮງຂະໜາດໃດ ແຕ່ດ້ວຍ iOS 12 ທີ່ມີການປັບປຸງໃຫ້ດີຂື້ນກວ່າ iOS 11 ກໍ່ເຮັດໃຫ້ iPhone ລຸ້ນເກົ່າຢ່າງ iPhone 6s, iPhone 7 ຍັງໃຊ້ງານຂ້ອນຂ້າງດີຈົນບໍ່ຈໍາເປັນຕ້ອງປ່ຽນເລີຍແຖມບໍ່ຈໍາເປັນຈະຕ້ອງປ່ຽນມືຖືທຸກປີລາຄາສູງເກີນໄປ

Apple ຍັງບໍ່ສາມາດບຸກຕະຫຼາດໃໝ່ຢ່າງອິນເດຍໄດ້ຈາກສາເຫດລາຄາໄອໂຟນ ນັ້ນສູງເກີນໄປ ລາຍໄດ້ໂດຍສະເລ່ຍຂອງຄົນອິນເດຍຢູ່ທີ່ 18.00 ຣູປີ ຫຼື ປະມານ 2.500.000 ກີບສໍາລັບພະນັກງານລັດ (ອ້າງອີງ) ແຕ່ລາຄາຂອງໄອໂຟນ ນັ້ນສູງເຖິງ 98.000 ຣູປີ ຫຼື ປະມານ 13.000.000 ກີບ ເຊິ່ງຖືວ່າແພງກວ່າປະເທດອື່ນໆໃນຕະຫຼາດເອເຊຍ

ການທີ່ Apple ບໍ່ສາມາດບຸກຕະຫຼາດເກີດໃໝ່ເຮັດໃຫ້ລາຍໄດ້ສ່ວນນີ້ຫົດຫາຍໄປເຊັ່ນດຽວກັນ ແຕ່ກຕ່າງຈາກ Android ທີ່ມີທຸກຊ່ວງລາຄາ ທີ່ຜູ້ໃຊ້ງານສາມາດຫາຊື້ໄດ້ງ່າຍ ມີລາຄາຖືກກວ່າ iPhone XS ຕັ້ງແຕ່ 2 ເທົ່າ 3 ເທົ່າ ໄປຈົນເຖິງ 10 ເທົ່າກັນເລີຍ

ສໍາລັບປະເທດຈີນທີ່ມີກໍາລັງຊື້ຫຼາຍກວ່າແຕ່ດັນມາຕິດບັນຫາກໍາແພງພາສີທີ່ຕອນນີ້ກໍາລັງເຄັ່ງຕຶງ ເລື່ອງການຈັບກຸມຊີອີໂອ ຂອງຫົວເວີ່ຍ ເຮັດໃຫ້ປະເທດຈີນບໍ່ພໍໃຈໜັກ

 

Leave a Reply

Your email address will not be published. Required fields are marked *