“ຫວຽດນາມ” ເລັ່ງຍົກລະດັບກະສິກຳ ຕັ້ງເປົ້າຜະລິດຕິດທ໊ອບ 15 ປະເທດກະສິກໍາຊັ້ນນໍາຂອງໂລກ

ສຳນັກຂ່າວຕ່າງປະເທດລາຍງານເມື່ອວັນທີ 7 ມັງກອນ 2019 ວ່າ ນາຍົກລັດຖະມົນຕີ ຫງຽນ ຊວນຟຸກ ແຫ່ງຫວຽດນາມ ເປີດເຜີຍວ່າ ລັດຖະບານຕັ້ງເປົ້າໝາຍໃຫ້ຫວຽດນາມກາຍເປັນ 1 ໃນ 15 ປະເທດທີ່ມີການພັດທະນາດ້ານກະສິກຳຫຼາຍ ທີ່ສຸດໃນໂລກ ແລະ ເປັນ 1 ໃນ 10 ປະເທດຊັ້ນນໍາດ້ານການແປຮູບອາຫານ ລວມເຖິງເປັນສູນກາງທາງດ້ານການສົ່ງອອກໄມ້ ແລະ ຜະລິດກຸ້ງຂອງໂລກພາຍໃນ 10 ປີຂ້າງໜ້າ

ທັງນີ້ ທ່ານຫງຽນ ລະບຸວ່າ ຫວຽດນາມຈະເລີ່ມຈາກການປັບໂຄງສ້າງຂອງລະບົບການກະສິກຳພາຍໃນປະເທດ ໂດຍເນັ້ນພັດທະນາ ຜະລິດຕະພັນປະຈໍາທ້ອງຖິ່ນ ແຂວງ ແລະ ລະດັບປະເທດ ຄວບຄູ່ກັບການສ້າງຈຸດເດັ່ນຂອງສິນຄ້າກະສິກຳໃນປະເທດ ເຊັ່ນ ເຂົ້າ ແລະ ກຸ້ງ ເຊິ່ງເປັນສິ່ງທີ່ຫວຽດນາມກໍາລັງຕາມຫຼັງໄທ ແລະ ກໍາປູເຈຍ ລວມເຖິງຈະນໍາວິທະຍາສາດ ແລະ ເທັກໂນໂລຢີມາປະຍຸກໃຊ້

ທ່ານຫງຽນ ລະບຸອີກວ່າ ລັດຖະບານຕັ້ງເປົ້າການເຕີບໂຕຂອງພາກກະສິກຳໃນປີນີ້ທີ່ 3% ແລະ ຕັ້ງເປົ້າສົ່ງອອກສິນຄ້າກະສິກຳໄວ້ທີ່ 4,2-4,3 ໝື່ນລ້ານໂດລາສະຫະລັດ ເພີ່ມຈາກປີ 2018 ເຊິ່ງຢູ່ທີ່ 3,08 ໝື່ນລ້ານໂດລາ

ທັງນີ້ ຫວຽດນາມຖືເປັນປະເທດສົ່ງອອກສິນຄ້າກະສິກຳລາຍໃຫຍ່ອັນດັບ 2 ຂອງອາຊຽນຮອງຈາກໄທ ເຊິ່ງປີທີ່ຜ່ານມາຫວຽດນາມ ເລີ່ມດໍາເນີນການພັດທະນາພາກກະສິກຳແລ້ວ ໂດຍຫຼຸດຂໍ້ຈໍາກັດການເຮັດທຸລະກິດກະສິກຳໃນປະເທດ 50% ແລະ ອອກຂໍ້ກໍານົດ ຄວາມປອດໄພດ້ານອາຫານຫຼາຍເຖິງ 1.096 ຂໍ້ ສໍາລັບສິນຄ້າກະສິກຳ 1.400 ລາຍການ.

 

Leave a Reply

Your email address will not be published. Required fields are marked *